2 Corintios 6:5 - Tüpä Ñe'ëngagwer

⁵ egwë oro'e avei ore nupa-nupase, ore rokendase avei omongere'ɨ̇se ava re'ɨi ore amotare'ɨ̇ agwä yuvɨreko, oroyapo avei mboravɨkɨ ipirätä va'e amove ndorokei ete, seta rupi ndorerɨepoi tëi avei.

Tũpa Ñehengagüer

⁵ ẽgüe orohe avei ore nupa-nupase, ore roquendase avei iyavei omonguerẽhɨse ava rehɨi ore amotarẽhɨ ãgua yuvɨreco. Oroyapo avei mboravɨquɨ ipĩrata vahe; amove ndoroquei eté, setá rupi ndorerɨepoi tẽi avei.

2 Corintios 6:5 Iomraidhean Croise

San Mateo 14:10

A'ese, oporokwai Juan akä asɨa agwä sokendasave;

San Mateo 14:3

Esepia Herodes yɨpɨndar oipɨsɨ sokenda uka agwä Juan. Herodías rekokwer sui tëi, a'e tɨvrɨ Filipo rembireko,

San Mateo 9:15

Jesús omboyevɨ chupe: –¿Avɨyera vo aipo ndovɨ'ai chira yuvɨnöi icho'oprɨ mendasave, imer oikove vɨteseve ipa'üve yuvɨreko? Oimerä rumo arɨ imer reraso agwä ichui kuri; a'ese ramo oyekwakura yuvɨreko.

Los Hechos 13:3

Evokoiyase oyerure iyavei oyekwaku pare, omondo opo yuvɨreko iporavoprɨ akä arɨve sovasa agwä ipare omondo yuvɨreko ambuae tekwa rupi Jesús rekokwer mombe'u agwä.

Los Hechos 14:19

A'ese oime oyepota va'e judío Antioquía sui Iconio sui avei, oipɨ'añemoñeta rerova ava re'ɨi yuvɨreko; evokoiyase oyapi-yapi ita pɨpe Pablo yuvɨreko, a'e yayuka ite revo e'i yuvɨreko viña sese ombotɨrɨ seraso tekwa popɨve yuvɨreko.

Los Hechos 14:23

Iyavei oiporavo ava yarakwa katu va'e ñepëi-pëi tüpäro yakatu rupi, ichui oyerure pare oyekwaku avei, ipare vɨropove'ë yande Yar upe, a'ese ramo ite vɨroya yuvɨreko.

Los Hechos 17:5

Ko Judío eta ndovɨroyai va'e oñemoɨrömbave sekate'ɨ̇ ava rese yuvɨreko, sese omonu'ä ava yuvɨreko tëi va'e okar rupi ndipɨ'ai va'e imonu'ä pare, a'e omboaɨvu gwasu uka tëi a'e ava upe opakatu gwekwa pɨpe yuvɨreko. Yuvɨraso Jasón rëtäve Pablo iyavei Silas reka vɨnose pota ava re'ɨi pa'üve yuvɨreko viña;

Los Hechos 20:31

Pema'emo'ä tuprɨ peyese: pema'endu'a akoi opomboarakwa tuprɨse mbosapɨ aravɨter rupi, arɨ iyavei pɨ̇tü opombo'e che yase'osa pɨpe pe rereko.”

Los Hechos 23:10

Yaɨvu gwasu katu-katu irise yuvɨreko, a'ese sundao rerekwar ɨvate katu va'e osɨkɨyepave aipo e'i avɨyeteramo ombo'i-mbo'ira Pablo yuvɨreko, sese oyokwai sundao senose agwä ichui, ipare vɨraso iri sundao yembo'esave yuvɨreko.

Los Hechos 23:35

aipo e'i chupe: –Oyepotase nde amotare'ɨ̇sar yuvɨreko, asendura nde yoepɨsa. Ipare oyokwai sundao Pablo rärö agwä oɨ Herodes rembiapokwer pɨpe.

Los Hechos 24:27

Ñuvɨrïo aravɨter rupi egwë e'i sereko; ipare Félix ndaseko iri mborerekwar, a'ese oike sekuñarä Porcio Festo. Iyavei Félix sekoi tuprɨ va'erä judío rese, sese oseyaño Pablo sokendasave.

Los Hechos 26:10

egwë a'e mba'e apo Jerusalén ve. Pa'i eta rerekwar porokwaita rupi, seta asokenda ava Jesús reroyasar; iyavei ava oyukase Jesús reroyasar yuvɨreko, che pɨ'a pɨpe avɨyete ite asepiase.

Los Hechos 26:29

Pablo aipo e'i: –Tüpä oipotase ereroya va'erä ñe'ësa nde Mborerekwar ɨvate katu va'e anise seta arɨ rupi avei, opakatu osendu va'e che ñe'ë kurïtëi, inungar che aiko, nda'ei chira rumo mba'e-mba'e tëi pɨpe.

Los Hechos 28:30

Ipare Pablo opɨta ambuae ava rëtäve ñuvɨrïo aravɨter rupi omboepɨ oke agwä oiko, a'eve ni'äpɨsɨi opakatu ava rese oyepɨri oyepotase yepi.

Los Hechos 5:18

sese oipɨsɨ osokendapa uka yuvɨreko.

1 Corintios 15:10

Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

1 Corintios 4:11

Kurïtëi oroikove vɨte ite ore rɨepore'ɨ̇ pɨpe, ore usei tëi iyavei ndore turukwai ete; ava evokoiyase marä-marä tëi ore rereko yuvɨreko, iyavei ndorovɨrekoi ore rëtä

1 Corintios 7:5

Ndiyai peate'ɨ̇ oyeupe, oyoya rumo yayapo eme mba'e peyese peyeupe pe yerokɨ agwä Tüpä upe, a'e avɨyeño. Ndiyai rumo peyoeya pukura, avɨyeteramo ndapeñemosaï chira, ipɨpe sui avɨyeteramo Karugwar peätoi tiëtera.

2 Corintios 11:27

Amboavɨyepa ite mboravɨkɨ yavai va'e; seta yupagwer avei ndakei vichiko; aiporara tɨepore'ɨ̇ usei avei; seta yupagwer rupi ndakarui ete; so'ɨ̇sagwer avei aiporara, ndacheturukwai avei vichiko.

Efesios 3:1

Sese che Pablo, sokendaprɨ aiko ko'ave Cristo Jesús rekokwer mombe'usa sui tëi, nda'ei va'e judío peiko va'e rekokwer avɨye agwä rese egwë a'e.

Filipenses 1:13

Evokoiyase opakatu mborerekwar gwasu poravɨkɨsa pendar iyavei opakatu ambuae ava oikwapa che rokendasa Cristo rupi che gwata sui tëi yuvɨreko.

1 Tesalonicenses 2:9

Che rɨvrɨ eta, peyemoma'endu'a akoi ore paraɨsu agwer rese, ore poravɨkɨ agwer rese arɨ pɨ̇tü reseve avei, nda'ei pe mañeko tëi agwä mba'e oromombe'u Tüpä ñe'ëngagwer oroiko peü.

1 Timoteo 4:10

Sese ni'ä yaporavɨkɨ eteprɨ, esepia yande yayeroya ite Tüpä ndopai va'e rese, a'e opakatu ava Pɨsɨrösar, iyavei vɨroyasar pɨsɨrösar katu ite sekoi.

2 Timoteo 1:8

Evokoiyase eresɨkɨye eme katu yande Yar rekokwer mombe'u; nderechï chiaveira che rokendasa sui tëi. Esepia yande Yar rekokwer mombe'usa sui tëi ni'ä che rokenda yuvɨreko. Iyakatu rumo nde avei ereñemosañora ko mba'e-mba'e tëi Tüpä pirätäsa pɨpe. A'e oura ndeu ñe'ësa pɨsɨrösa resendar mombe'usa sui.

2 Timoteo 2:9

Ko ñe'ësa avɨye va'e mombe'usa sui tëi che mombaraɨsu yuvɨreko, che rokendasave avɨye oporapichi va'e che rereko yuvɨreko; Tüpä ñe'ëngagwer mombɨta rumo ndoikatui ete yuvɨreko.

2 Timoteo 4:5

Nde rumo ererekoveñora nde arakwa tuprɨsa, eñemosaño mba'e naporäi va'e upe, nde'añeko katu ñe'ësa pɨsɨrösa resendar mombe'u agwä, emboavɨye tuprɨ avei opakatu nde poravɨkɨsa.

Hebreos 11:36

Ambuae iparaɨsu katu ava upe oñeroɨrösa pɨpe, onupasa pɨpe, oapɨ̇chi-pɨ̇chisa pɨpe, vokendasa pɨpe avei yuvɨreko.

Hebreos 13:17

Pemboyeroya pe kwaisar peyapo semimbotar, esepia a'e ndopɨtu'ui ete pe rekokwer rärö yuvɨreko, esepia Tüpä oikwara mba'e sembiapo rese chupe kuri. Sese pemboyeroya katu tayavai eme iporavɨkɨsa chupe, esepia ndapenosei chietera mba'e avɨye va'e egwë e'ise ichui.

Hebreos 13:23

Peikwa yande rɨvrɨ Timoteo imosësa sokendasa sui, oyepota pɨ'aivise, arasora cheyeupi asose pe repia.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.