2 Corintios 6:16 - Tüpä Ñe'ëngagwer

¹⁶ Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

Tũpa Ñehengagüer

¹⁶ ¿Oyoya tie mbahe rahanga tẽi Tũpa rẽta rese? Yande niha Tũpa oicove vahe rẽta nungar ité yaico. Ahe ité niha aipo ehi icuachiaprɨ pɨpe aracahe: “Che aicovera seseve iyavei aguatara ipãhu rupi yuvɨreco; che avei aicora iTũpa ité; ahe evocoiyase cheundar yuvɨrecoira” ehi.

2 Corintios 6:16 Iomraidhean Croise

San Mateo 16:16

Simón Pedro omboyevɨ chupe: –Nde ereiko Poropɨsɨrösar, Tüpä Ra'ɨrɨ oikove va'e ite.

San Mateo 6:24

“Ndipoi chietera ava ñuvɨrïo gwerekwar omboyeroya va'e, esepia ñepëi oyamotare'ɨ̇ra, ambuae evokoiyase osaɨsu katura, osaɨsu katura ñepëi iyavei ambuae oyamotare'ɨ̇ra. Ndayaikatui ete Tüpä mboyeroya gwarepochi pota raisa pɨpe.”

San Lucas 5:36

Iyavei oporombo'e ambuae mba'e mboyoyasa rese: –Ndipoi ete oyasɨa va'e ñepëi turukwar pɨasu popɨ ambuae turukwar kwakwami va'e apete agwä. Oyapose evokoi nungar okañɨ tëira turukwar ipɨasu va'e; iyavei turukwar ipɨasu va'e apɨrer, naporäi chietera turukwar kwakwa va'e rese.

San Juan 14:23

Jesús omboyevɨ chupe: –Akoi che raɨsusar, omboyeroya va'e che ñe'ë; a'e che Ru avei osaɨsura, che iyavei che Ru oroyura oroiko va'erä sese.

San Juan 6:56

Akoi o'u va'e che retekwer iyavei oɨ'u va'e che ruvɨ, a'e sekoi che rese ite, iyavei che aikove a'e sese.

Romanos 8:11

Iyavei akoi Espíritu ombogwerayevɨ va'e Jesús a'e sekoi pe rese, a'e avei akoi ombogwerayevɨ va'e Cristo, omondora tekovesa pɨasu pe retekwer upe narä ipɨpe sui Espíritu Tüpä suindar sekoi pe rese.

Romanos 8:9

Pe rumo ndapeiko iri pe remimbotarai pɨpe, peiko Espíritu rese, esepia Tüpä Espíritu sekoi perese. Akoi ndovɨrekoi va'e Espíritu Cristo suindar oyese, a'e nda'ei ete Cristo suindar.

Romanos 9:26

A'eve tuprɨ avei akoi imombe'usa peü: ‘Pe nda'ei va'e che rupindar peiko’, a'e chupe Tüpä oikove va'e ra'ɨrɨ ite esara.”

1 Corintios 10:21

Peɨ'use yande Yar ɨgwa rɨru pɨpe, a'ese ndiyai ete peɨ'u va'erä karugwar ɨgwa rɨru pɨpe; ndiyai avei pekaru va'erä yande Yar karusave, pekaruse karugwar karusave.

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

Efesios 2:22

Egwë peye aveira ni'ä Cristo rese peikose opakatu tuprɨ peyemboyoyase ñepëi reve inungar tüpäro, ipɨpe Tüpä Espíritu sekoira.

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

1 Timoteo 3:15

akoi che araka'ese, ereikwañora rumo pe reko tuprɨ agwä ava Tüpä rese yuvɨrekoi va'e pa'üve, a'e akoi Tüpä oikove va'e upendar yuvɨrekoi, oyemovɨräkwä tuprɨ va'e avei ko porombo'esa supiete va'e mboyekwa agwä.

2 Timoteo 1:14

Esärö avei ko ñe'ësa avɨye va'e Tüpä ombou va'e ndeu, Espíritu Maräne'ɨ̇ reko pirätäsa pɨpe yareko va'e yandeyese.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 8:10

Ko ayapora che remimmbotar rupi Israel pendar upe inungar yɨpɨndar arɨ, a'e ko sekoi, aipo e'i yande Yar: Amondora che porokwaita iyapɨsakasa pɨpe aikwachia aveira ipɨ'a ñemoñetasa pɨpe. A'ese aikora che Tüpä yuvɨreko chupe a'e evokoiyase cheundar yuvɨrekoira.

Santiago 4:5

Sese ni'ä Ikwachiaprɨ pɨpe aipo e'i: “Tüpä oporoaɨsu gwekate'ɨ̇sa pɨpe Espíritu omondo va'e yande pɨ'a pɨpe.”

1 San Pedro 2:5

Egwë e'ira pe rereko oyeupe inungar ita ndopai va'e, ipɨpe sui Tüpä omopu'ära otüpärogwä pe rese, iyavei pa'i ndaseko maräi va'e nungar peikora semimbotar rupi, pe evokoiyase Jesucristo rembiapo pɨpe sui peyapora Espíritu upendar mba'e avɨye va'e, a'e inungar mba'e seropove'ëprɨ avɨye va'e Tüpä upe.

1 San Juan 4:12

Ndipoi ete ava osepia va'e Tüpä; yayeaɨsuse rumo Tüpä sekoi yande rese, iporoaɨsusa evokoiyase oime ite yande rese.

1 San Juan 4:15

Akoi ava oikwa va'e Jesús Tüpä Ra'ɨrɨ sekoise, Tüpä rese ite sekoi, Tüpä evokoiyase sekoi sese.

Apocalipsis 2:1

“Eikwachia mbigwai ɨva pendar che reroyasar rärösar Éfeso pendar upe: ‘Akoi vɨreko va'e oakato kotɨ ñuvɨrïo ova yasɨtata, a'e akoi ogwata va'e oro apoprɨ tataendɨ rɨru yakatu rupi, aipo e'i imombe'u:

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 21:7

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e oipɨsɨra ko mba'e opakatu oma'erä yuvɨreko; che aikora Tüpä chupe narä yuvɨreko, a'e evokoiyase che ra'ɨrɨ yuvɨrekoira.