2 Corintios 6:14 - Tüpä Ñe'ëngagwer

¹⁴ Ndapeyovaichoi chira ava Tüpä ndovɨroyai va'e rese. Esepia ¿oyoya pi'ä mba'e avɨye va'e mba'e naporäi va'e rese? ¿Anise avɨye pi'ä imboyoyasa tesapesa pɨ̇tümimbi va'e rese?

Tũpa Ñehengagüer

¹⁴ Ndapeyovaichoi chira ava Tũpa ndovɨroyai vahe rese. Esepia, ndoyoyai eté pe pɨhañemoñetasa. Ẽgüe ehi eté teco ɨ̃visa ndoyoyai teco rai rese inungar tesapesa ndoyoyai pɨ̃tumimbi vahe rese.

2 Corintios 6:14 Iomraidhean Croise

San Juan 7:7

Ɨvɨpendar yuvɨrekoi va'e ndiyai ete peamotare'ɨ̇ra a'e che amotare'ɨ̇ yuvɨreko, esepia ni'ä che amboyekwa ite mba'e sembiapo naporäi va'e.

Los Hechos 4:23

Yuvɨnosese Pedro iyavei Juan, oyevɨ yuvɨraso omboetasa pɨri a'eve oñemonu'äsave opa omombe'u pa'i rerekwar oyeupe ñe'ë marä-marä tëisa yuvɨreko.

1 Corintios 10:21

Peɨ'use yande Yar ɨgwa rɨru pɨpe, a'ese ndiyai ete peɨ'u va'erä karugwar ɨgwa rɨru pɨpe; ndiyai avei pekaru va'erä yande Yar karusave, pekaruse karugwar karusave.

1 Corintios 15:33

Peyembopa ukai eme evokoi nungar ava upe: “Esepia ava naporäi va'e pɨri peikose, a'e evokoiyase vɨrovara pe reko tuprɨsa yuvɨreko.”

1 Corintios 5:9

Ambuae aikwachia va'e pɨpe aipo a'e peü ndapemborɨi chira ava oyemboagwasa-gwasa tëi va'e.

1 Corintios 6:6

¡Nda'ei pevava peyeupe gweraño! ¡Oime avei pe pa'ü pendar Tüpä reroyasar vɨraso ambuae omboetasa mborerekwar Tüpä reroyasare'ɨ̇ upe tëi mba'e moigätu agwä!

1 Corintios 7:39

Iyavei akoi kuña omenda va'e, a'e ndiyai ete iyepepɨ agwä omer sui imano e'ɨ̇ vɨteseve; omanose rumo ichui, a'ese ramo a'e kuña upe avɨyeño imenda iri agwä gwemimbotar rupi, yande Yar reroyasar rese avei rumo omendara.

Filipenses 2:15

sese tipo eme mba'e pe rembiavɨ pereko raisa rese, evokoiyase peikora Tüpä ra'ɨrɨ ndayangaipai va'e ava mba'e-mba'e tëi oyapo va'e pa'üve. A'e ipa'üve pe rekokwer osesapera, inungar yasɨtata osesape ko ɨvɨ pɨpe yepi,

Santiago 4:4

¡Pe mbɨa, peyavɨ va'e pe rekokwer! ¿Ndapeikwai vo akoi ava Tüpä kwapare'ɨ̇ mborɨpar tëi yuvɨrekoi va'e, a'e Tüpä amotare'ɨ̇mbar yuvɨrekoi? Egwë e'i ete akoi oipota va'e ko ɨvɨ pɨpendar mba'e-mba'e tëi pɨpe gweko agwä, a'e oyeapo Tüpä amotare'ɨ̇mbar.