2 Corintios 6:1 - Tüpä Ñe'ëngagwer

¹ Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Tũpa Ñehengagüer

¹ Ore pe mboetasa co Tũpa upendar mboravɨquɨ resendar ore recosa pɨpe: “Peicua catu, pemocañɨ tẽi rene Tũpa porovasasa peipɨsɨ vahe” orohe pẽu.

2 Corintios 6:1 Iomraidhean Croise

San Mateo 23:37

“¡Pe Jerusalén, Jerusalén pendar, peyuka va'e Tüpä ñe'ë mombe'usar ita pɨpe peyapi-yapi ava Tüpä remimbou yepi! ¡Seta rupi che opomonu'ä pota tëi pe rereko inungar takura omonu'ä va'e omembrɨ opepovrɨve, pe rumo ndapeipotai ete evokoi nungar pe rereko agwä!

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 14:3

Ipare rumo, Jesús ñe'ë mombe'usar a'eve opɨta puku yuvɨreko, iyavei oyeroyasa pɨpe Tüpä rese omombe'u mba'e supiete va'e yuvɨreko; iyavei yande Yar oikwa ite omombe'use Tüpä poroaɨsusa yuvɨreko, omondo avei pirätäsa mba'e poromondɨisa apo agwä chupe.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

1 Corintios 3:9

Ore oroporavɨkɨ va'e Tüpä upe, pe evokoiyase ɨvɨ nungar peiko Tüpä poravɨkɨ agwä iyavei pe inungar Tüpä omopü'a ramomi va'e oɨ.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

Gálatas 2:21

Che naroɨrö potai Tüpä porovasasa; esepia oimese mba'e avɨye va'e porokwaita reroyasa pɨpe, a'ese Cristo omano tuprɨ tëietera viña.

Gálatas 3:4

¿Peipɨsɨ tuprɨ tëi pi'ä mba'e avɨye va'e?... ¡Ani nda'ei egwë e'i tuprɨ tëi va'erä!

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

Tito 2:11

Tüpä omboyekwa poroaɨsusa yandeu, a'e gweru pɨsɨrösa opakatu ava upe.

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Hebreos 4:1

Oime vɨte Tüpä remimombe'u yande yaike va'erä ipɨri yande pɨtu'u agwä, sese iya ite yañearö tuprɨ, avɨyeteramo ñepëi pe pa'ü pendar ndoikei chira.

1 San Pedro 4:10

Ñepëi-pëi peipɨsɨ va'e opakatu mba'e kwasa Tüpä suindar, pemondo katu mba'e avɨye va'e peikatugwer rupi ambuae ava upe.