2 Corintios 5:9 - Tüpä Ñe'ëngagwer

⁹ Sese yaseka yande Yar mbovɨ'a agwä yepi, yaikove vɨtese avei yande rete rese, anise yasëse ichui.

Tũpa Ñehengagüer

⁹ Sese yaseca yande Yar mbovɨha ãgua yepi, que yaicove vɨtese yande rete rese, anise que yasẽse ichui.

2 Corintios 5:9 Iomraidhean Croise

San Juan 6:27

Peporavɨkɨi rene katu tembi'u ndasekosei va'e rese, iyakatu rumo peporavɨkɨ tembi'u sekose va'e rese omondo va'e tekovesa apɨre'ɨ̇. Ko tembi'u che ava ɨvate katu va'e Ra'ɨrɨ amondora peü, esepia Tüpä, a'e che Ru omboyekwa ite che ichuindar aikose.

Los Hechos 10:35

sese opakatu ambuae ɨvɨ pɨpendar omboetei va'e, oyapo va'e avei mba'e tuprɨ yuvɨreko, a'e oipɨsɨra Tüpä.

Romanos 14:18

Egwë ya'ese Cristo mboeteisave, avɨye aira Tüpä upe opakatu ava rembiepiave aveino.

Romanos 14:8

Supiete yaikovese, yande Yar upe narä ite yaikove; iyavei yamanopase, yande Yar upe narä ite yamanopara. Yaikose tekovesa pɨpe anise manosa pɨpe, yande Yar upe narä ite rumo yaikove.

Romanos 15:20

Che kere'ɨ̇ avei ko ñe'ësa pɨsɨrösa resendar mombe'u agwä ava Cristo rekokwer ndosendui va'e upe yepi, nda'ei rumo ambuae ava imboarakwa pare tëi,

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

2 Corintios 5:6

Sese ni'ä yayeroyaño ite yepi. Iyavei yaikwaño yande yaikove vɨtese yande rete rese, iyavei ndayaiko vɨtei ete ɨvave yande Yar pɨri.

2 Corintios 5:8

yande rumo yayeroyaño ite sese, yaipota avei yande retekwer reya agwä yande Yar pɨri yandeso agwä ɨvave.

Efesios 1:6

Sese yande yasapukaira Tüpä upe iporoaɨsusa porañete va'e rese yepi, a'e ipɨpe ni'ä yande rovasa Gwa'ɨrɨ gwembiaɨsu sui.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

Colosenses 1:29

Ko rese ni'ä che aporavɨkɨ eteprɨ opakatu Cristo pirätäsa pɨpe.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

1 Tesalonicenses 4:11

Peiko tuprɨño avei pe reko mbegwesa pɨpe, mba'e pe rembiapo reseño tuprɨ pe'añeko, peporavɨkɨ pe po pɨpe ite aipo oro'e akoi imombe'u peü,

1 Timoteo 4:10

Sese ni'ä yaporavɨkɨ eteprɨ, esepia yande yayeroya ite Tüpä ndopai va'e rese, a'e opakatu ava Pɨsɨrösar, iyavei vɨroyasar pɨsɨrösar katu ite sekoi.

Hebreos 12:28

Tüpä mborerekwasa ombou va'e yandeu a'e novɨi chietera. Avɨye ndeu ya'era evokoiyase sese chupe, ipɨpe sui yayerure katu yande pɨ'a pɨpe imboeteisave semimbotar rupi.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

2 San Pedro 3:14

Sese che rembiaɨsu, pesärö vɨteseve ko tekokwer, egwë peyera opakatu peikatugwer rupi pe reko tuprɨ agwä pe angaipa e'ɨ̇ pɨpe, peü Tüpä peyavɨ mba'e e'i e'ɨ̇ agwä.