2 Corintios 5:17 - Tüpä Ñe'ëngagwer

¹⁷ Akoi ava Cristo rese sekoi va'e, a'e sekokwer ipɨasu va'e ite. Ndipo iri ete sekokwerai yɨpɨndar va'e sese; evokoiyase opakatu oyembopɨasu iri ete sekokwer.

Tũpa Ñehengagüer

¹⁷ Evocoiyase acoi ava Cristo rese ité secoi vahe, ahe secocuer ipɨasu vahe ité; ndipo iri eté secocuerai yɨpɨndar vahe sese. Opacatu ité oyembopɨasu iri.

2 Corintios 5:17 Iomraidhean Croise

San Mateo 12:33

“Ɨvɨra avɨyese, i'a avei avɨyera; ɨvɨra naporäise, i'a avei naporäi chira; sese ɨvɨra ikwasa i'a tuprɨsa rese.

San Mateo 24:35

Ɨva iyavei ɨvɨ opara okañɨ, che ñe'ëngagwer rumo imboavɨyesa rane itera.”

San Lucas 5:38

Sese uva rɨkwer ipɨasu va'e ñoñasara mba'e pirer ipɨasu va'e pɨpe avei.

San Juan 14:20

A'e arɨ pɨpe koiye, pe mondora pepɨ'a ñemoñetasa che aikose che Ru rese, pe evokoiyase peikora che rese, che avei aikora pe rese.

San Juan 15:2

Akoi ñepëi che remitɨ̇ räkä ndi'aise cheu; a'e oyasɨara vɨrokwara säkä ichui omoatɨrö tuprɨ katu aveira sereko, ti'a katu oyapave.

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

San Juan 17:23

Che aiko yuvɨreko sese nde evokoiyase ereiko che rese, a'ese yuvɨrekoira tekovesa i'ɨ̇vi tuprɨ va'e pɨpe, iyavei ko ɨvɨ pɨpendar ipɨ'añemoñetara nde che mbouse eve, eresaɨsu avei yuvɨreko inungar che raɨsu eve yepi.”

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

Romanos 16:10

Pemombe'u avei che ma'endu'asa Apeles upe, a'e ni'ä gwekoa'äsa sui osë tuprɨ va'e Cristo rese oyeroyasa pɨpe; iyavei pemombe'u che ma'endu'asa ava Aristóbulo rëtä pɨpendar yuvɨrekoi va'e upe avei.

Romanos 16:11

Pemombe'u avei che ma'endu'asa che mu Herodión upe, ava Narciso rëtä pɨpendar yande Yar reroyasar upe avei.

Romanos 16:3

Pemombe'u che ma'endu'asa Prisca upe Áquila upe avei, a'e ni'ä che pɨtɨ̇vɨï mboravɨkɨ Jesucristo rekokwer rese yuvɨreko.

Romanos 16:7

Pemombe'u avei che ma'endu'asa che mu Andrónico iyavei Junias upe, a'e ni'ä che mboetasa yuvɨrekoi che rokendasave; a'e avei Jesús ñe'ë mombe'usar remimboyeroya yuvɨrekoi, a'e rane avei yɨpɨndar Cristo reroyasar yuvɨrekoi che sui.

Romanos 16:9

Pemombe'u avei che ma'endu'asa Urbano upe, a'e ni'ä yande ndugwer oporavɨkɨ va'e Cristo rekokwer rese, che mborɨpar Estaquis upe avei.

Romanos 7:6

Kurïtëi rumo yande omano va'e nungar yaiko akoi porokwaita pɨpe yaiko va'ekwer sui, egwë ya'e, yasë ichui Tüpä upe mba'e apo agwä Espíritu sui yande reko pɨasu pɨpe, nda'e iri porokwaita ikwachiaprɨ yɨpɨndar va'e pɨpe yaiko.

Romanos 8:1

Egwë e'i ete, kurïtëi rumo ndipo iri ñemoɨrösa yandeu Cristo Jesús rese yaikose,

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 13:11

Che aikose chi'ïvä'emi nungar, añe'ë vɨte vichiko, che pɨ'añemoñeta chi'ïvä'emi nungar tëi; akwakwase rumo, aseya opakatu chi'ïvä'emi pɨ'añemoñetasa vichiko.

2 Corintios 12:2

Che aikwa mbɨa Cristo reroyasar, omomba kurïtëi catorce aravɨter a'e imbosapɨsa ɨvave seraso agwer. Ndikwasai gwetekwer rese tie revo oso, anise i'ä gweraño tie revo; Tüpä rumo oikwa.

2 Corintios 5:16

Sese, ore ndorepɨ'a ñemoñeta iri ambuae ava rese inungar ava ipɨ'a ñemoñeta ko ɨvɨ pɨpendar yuvɨreko yepi; yepe yɨpɨndar inungar ava ɨvɨ pɨpendar tëi egwë oro'e ore Cristo rese ore pɨ'añemoñeta oroiko viña, kurïtëi rumo egwë ndoro'e iri orepɨ'añemoñeta sese.

2 Corintios 5:19

Aipo oyapave aipo e'i, Tüpä ombou Gwa'ɨrɨ Cristo ko ɨvɨ pɨpe ava rekokwer moigätu agwä toyevɨ cheu oya; ipɨpe sui avei a'e ava angaipagwer omokañɨ yuvɨreko ichui, ore evokoiyase orekwai a'e ñe'ësa ava rekokwer moigätusa resendar mombe'u agwä ava upe.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Gálatas 6:15

Yepe yayembocircuncidase revo, anise ndayayembocircuncidaise viña; ko rumo avɨye katu va'e yaroyase Cristo Jesús opa yande rekokwer oñekuñarö.

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Efesios 2:15

Omomba opakatu Moisés porokwaita, a'e oipota ñepëi ava nungar teko pɨasu pɨpe yande reko agwä, judío iyavei nda'ei va'e judío. Egwë e'i imokañɨpa yande yeamotare'ɨ̇sa yandesui yande reko tuprɨ agwä.

Filipenses 4:21

Avɨye, pemombe'u che ma'endu'asa opakatu Tüpä reroyasar Jesucristo rese yuvɨrekoi va'e upe eipeve. Iyavei opakatu Jesús reroyasar yuvɨrekoi va'e che rese, a'e avei omondo oma'endu'asa yuvɨreko peü.