2 Corintios 5:14 - Tüpä Ñe'ëngagwer

¹⁴ Cristo poroaɨsusa sekoi yande rese, esepia supiete a'e omano opakatu ava repɨrä, ipɨpe sui yaikwa opakatu ava okañɨ tëi va'erä yuvɨreko viña.

Tũpa Ñehengagüer

¹⁴ Cristo poroaɨsusa, ahe ité ore reroguata catu. Esepia, supi eté ahe omano opacatu ava repɨrã, ipɨpe sui yaicua opacatu ava ocañɨ tẽi vaherã yuvɨreco viña.

2 Corintios 5:14 Iomraidhean Croise

San Mateo 20:28

Esepia ava ɨvate katu va'e Ra'ɨrɨ, ndoui ava i'añeko va'erä yuvɨreko sese, a'e rumo ou ava rese oañeko agwä iyavei omondo va'erä gwekokwer ava re'ɨi repɨrä.

San Lucas 15:24

Esepia ko che ra'ɨrɨ omano va'e nungar sekoi kurïtëi rumo oyevɨ iri ete ou; okañi ete oiko viña kurïtëi rumo yayosɨ iri.’ Ipare omboɨpɨ pieta apo yuvɨreko.”

San Lucas 15:32

Iyakatu ñoite yamboeteira yayapora pieta, esepia ko nde rɨvrɨ, sekoi omano va'ekwer nungar, oyevɨ iri tekovesa pɨpe; esepia okañɨ oiko kurïtëi rumo yayosɨ iri.’ ”

San Lucas 24:29

A'e rumo omombɨta potaño oyepɨri yuvɨreko, aipo e'i: –Epɨtaño ore pɨri, esepia ka'aru eteprɨ kurïtëi. Pɨ̇türa moko ndeu. Evokoiyase Jesús oike oɨpɨpe, opɨta va'erä ipɨri yuvɨreko.

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

San Juan 11:25

Evokoiyase Jesús aipo e'i chupe: –Che aiko kwerayevɨsa iyavei tekovesa. Akoi che reroya va'e, yepe omano tëira viña, oikove ñoitera rumo;

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

Los Hechos 18:5

Oyepotase rumo Silas iyavei Timoteo Macedonia sui yuvɨreko, a'ese Pablo oyemondo ite Jesús rekokwer mombe'u agwä judío eta upe, aipo e'i Jesús ni'ä sekoi Poropɨsɨrösar ite yepi.

Romanos 2:2

Yaikwa rumo Tüpä omokañɨse evokoi nungar mba'e tëi aposar rekokwer, a'e evokoiyase oyapo mba'e supi tuprɨ va'e.

Romanos 5:15

Tüpä oporerekosa ombou va'e rumo yandeu nda'oyoyai ete Adán angaipa rese. Esepia Adán rembiavɨ sui seta ava omano; Jesucristo rembiapo sui rumo Tüpä ombou oporerekosa poropɨsɨrösa yandeu, a'e avɨye katu va'e ava eta upe narä.

Romanos 6:13

Ani peyemondo angaipa upe, mba'e tëi apo agwä. Peyemondo katu Tüpä upe, esepia pe inungar ava okwerayevɨ iri va'e peiko, sese peyemondo tuprɨ ite chupe mba'e tuprɨ apo agwä.

Romanos 6:6

Yaikwa avei ni'ä yɨpɨndar yande rekokwerai yatɨkaprɨ nungar kurusu rese Cristo rupive, yande rekokwerai mokañɨpa agwä egwë ya'e yaiko, ipɨpe sui ndayaiko iri chira angaipa povrɨve tëi.

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

1 Corintios 2:14

Akoi ava ndovɨrekoi va'e Tüpä Espíritu opɨ'a pɨpe, ndoipɨsɨi ete mba'e Tüpä Espíritu suindar yuvɨreko, esepia chupe evokoi mba'e avɨye egwë e'i tëi va'e. Iyavei ndosendukwa katui ete yuvɨreko, esepia evokoi nungar mba'e sendukwasa Espíritu pɨpeño ite.

2 Corintios 3:7

Ko Moisés rekosendar porokwaita ikwachiasa ite itape rese, iyavei Tüpä reko porañetesa pɨpe ou, Israel pendar rumo evokoiyase Moisés rova rese noma'e katui ete yuvɨreko, esepia sendɨ iteanga, yepe sendɨgwer ogwe mbegweño oso viña a'e Moisés rekosendar porokwaita ava upe manosa tëi gweru va'e iporañeteai ete yɨpɨndar oiko viña,

2 Corintios 3:9

Supiete yepe iporañeteai ete Moisés porokwaita akoi gweru va'e manosa yandeu viña, ¡ko ñe'ësa ipɨasu va'e Tüpä suindar yande reko moigätu agwä iporañete katu ite ichui!

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Efesios 6:24

Tüpä tosovasa opakatu yande Yar Jesucristo raɨsupar, saɨsusa ñepëi reseve va'e pɨpe.

Colosenses 2:13

Pe ni'ä akoi yɨpɨndar omano va'e nungar tëi peiko peye mboangaipasa pɨpe; kurïtëi rumo Tüpä pe rekokwer mbogwerayevɨ Cristo reseve, iyavei iñeröi opakatu yande angaipa rese yandeu.

Colosenses 3:3

Esepia opa ite pe mano, Tüpä rumo omoigätu mba'e avɨye va'e Cristo rese peiko va'erä.

1 Timoteo 2:6

Esepia a'e omano opakatu ava yangaipa va'e repɨrä ipɨsɨrö agwä avei, a'e imombe'usa chupendar arɨ iporavoprɨ rupi.

1 Timoteo 5:6

Kuña imer mano va'ekwer oyemondose mba'e gwemimbotarai pɨpe yuvɨreko, a'ese omano va'e tëi sekokwer yuvɨrekoi.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Hebreos 2:9

Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.