2 Corintios 4:18 - Tüpä Ñe'ëngagwer

¹⁸ Sese ore ndorepɨ'añemoñeta atɨi chira ko ɨvɨ pɨpendar mba'e rese; ore rumo orepɨ'añemoñeta mba'e ɨva pendar ndayasepiai va'e rese, esepia ko mba'e yasepia va'e egwë e'i raimi tëi va'e; ko mba'e rumo ndayasepiai va'e, apɨre'ɨ̇ va'erä ite.

Tũpa Ñehengagüer

¹⁸ Sese ore ndorepɨhañemoñeta atɨi chira co ɨvɨ pɨpendar mbahe rese; ore rumo orepɨhañemoñeta mbahe ɨva pendar ndayasepiai vahe rese. Esepia, co mbahe yasepia vahe, ahe ẽgüe ehi raimi tẽi vahe; co mbahe rumo ndayasepiai vahe, apɨrẽhɨ vaherã ité.

2 Corintios 4:18 Iomraidhean Croise

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

2 Corintios 5:7

Kurïtëi rumo ndayaikatui ete sepia agwä, esepia yaikove yande yerosa pɨpe tëiete;

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

Hebreos 11:1

Supiete yarekose yande yeroyasa Tüpä rese, a'ese yaikwa a'e ombou itera mba'e yasärö va'e yandeu; iyavei yaikwa ite oime mba'e ndayasepiai va'e.

Hebreos 11:13

A'e ava opakatu ite omanopa tëi mba'e ndoipɨsɨ vɨtei seve Tüpä semimombe'ugwer oyeupendar yuvɨreko; iyavei a'e vɨrekose poreroyasa, osepia avei amombrɨ rupive tëi yuvɨreko, sorɨvete avei imboavɨravesave inungar ambuae ɨvɨ pɨpendar yuvɨreko raimi tëi va'e ko ɨvɨ pɨpe.

Hebreos 9:11

Cristo rumo ou, iyavei a'e ite kurïtëi yande Pa'i Ɨvate katu va'e sekoi mba'e avɨye va'e gweru yandeu. A'e pa'i reikesa rumo nda'ei ava rembiapo nungar tëi, a'e rumo avɨye katu iyavei nda'ei ete ko ɨvɨ pɨpe yapoprɨ.

1 San Juan 2:25

Esepia Jesucristo aipo e'i: Perekora ko tekovesa apɨre'ɨ̇ va'e peyese.