2 Corintios 4:16 - Tüpä Ñe'ëngagwer

¹⁶ Sese orekere'ɨ̇ño ite mba'e apo oroiko peü. Yepe ore rete okañɨ pota tëi viña, ore rekokwer rumo Tüpä ombopɨasuño ite arɨ yakatu rupi.

Tũpa Ñehengagüer

¹⁶ Sese orequerẽhɨño ité mbahe apo oroico pẽu. Yepe ore rete ocañɨ pota tẽi viña, ore recocuer rumo Tũpa ombopɨasu-asuño ité arɨ yacatu rupi.

2 Corintios 4:16 Iomraidhean Croise

San Lucas 11:3

Embou oreu arɨ yakatu rupi tembi'u oroipota va'e.

Romanos 12:2

Peiko iri eme ko ɨvɨ pɨpendar pɨ'añemoñetasa tëi rupi; iyakatu rumo, pesekuñarö pe pɨ'añemoñetasa ipɨpe sui opakatu pe rekokwer oñekuñaröra, egwë peyese peikwara Tüpä remimbotar a'e mba'e avɨye va'e, semimbotar supi tuprɨ va'e ite.

Romanos 7:22

Che pɨ'a pɨpe rumo Tüpä porokwaita aipota ite sereko,

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

Efesios 3:16

Che aporandu yande Ru Tüpä upe ombou va'erä gweko porañetesa peü peipɨsɨ agwä pe pɨ'a pɨpe, Tüpä Espíritu pirätäsa sui.

Efesios 4:23

Pesekuñarö katu pe pɨ'a ñemoñetaraisa yɨpɨndar pereko va'e,

Colosenses 3:10

iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

Tito 3:5

yande pɨsɨrö, nda'ei rumo yande repiapo avɨyesa sui, a'e rumo vɨreko oporoaɨsusa yandeu narä, omoatɨrö iyavei ombopɨasu yande rekokwer Espíritu Maräne'ɨ̇ pɨpe.

1 San Pedro 3:4

iya rumo pe avɨter pɨpe sui mba'e porañete ipokopɨ va'e pemboyekwa pe reko mbegwemisa iyavei pe rekoasɨ e'ɨ̇sa pɨpe. Evokoi nungar avɨye katu ite Tüpä rovake.

1 San Pedro 4:14

Iñe'ë maräse yuvɨreko peü Cristo reroyasar pe rekosa rese, sovasaprɨ peiko. Esepia Tüpä Espíritu gweko porañetesa pɨpe sekoi ete pe rese.