2 Corintios 4:15 - Tüpä Ñe'ëngagwer

¹⁵ Ko opakatu mba'e tëi oime va'e oreu, peü mba'e avɨye agwä rese, tovɨreko katu Tüpä porovasasa yuvɨreko ore yapave; ipɨpe sui, avɨye ndeu te'i seta katu ava Tüpä upe imboeteisave yuvɨreko.

Tũpa Ñehengagüer

¹⁵ Co opacatu mbahe tẽi oime vahe oreu, pẽu mbahe avɨye ãgua rese niha ‘tovɨreco catu Tũpa porovasasa yuvɨreco; ipɨpe sui, Avɨye ndeu, tehi setá catu ava imboeteisave yuvɨreco chupe’ ore yapave.

2 Corintios 4:15 Iomraidhean Croise

Romanos 8:28

Yaikwa ite ni'ä Tüpä omoigätuse opakatu mba'e vɨroyasar raɨsusave, a'e chupe oñe'ë gwemimbotar rupi ete.

1 Corintios 9:19

Yepe che nda'ei ava povrɨve tëi aiko viña, che rumo che remimbotar rupi opakatu ava rembigwai nungar ayeereko, taseta katu ava ikere'ɨ̇ va'e Cristo reroya agwä che yapave.

2 Corintios 1:11

pe yerure ore rese ore pɨtɨ̇vɨï agwä. Akoi seta oyerure va'e ore rese, seta aveira avɨye ndeu e'i va'e Tüpä upe yuvɨreko iyavei iporovasa yaipɨsɨ va'e rese ichui.

2 Corintios 8:19

Sese opakatu oiporavo yuvɨreko ore rupi igwata agwä ore pɨtɨ̇vɨï va'erä avei ko porerekosa reraso agwä yande Yar mboeteisa oromboyekwa va'erä poropɨtɨ̇vɨïsa yuvɨreko chupe.

Gálatas 1:24

Iyavei omboetei Tüpä che rer pɨpe yuvɨreko.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

1 Timoteo 1:14

Egwë e'i yande Yar ombou katu oporovasasa che rese, iyavei ombou che oyese yeroya agwä iyavei che poroaɨsu agwä Cristo Jesús rese che rekosa pɨpe.

2 Timoteo 2:10

Sese che añemosaño opakatu mba'e-mba'e tëi upe opakatu Tüpä rembiporavo rekokwer avɨye agwä rese, tovɨreko katu pɨsɨrösa porañete apɨre'ɨ̇ va'e Jesucristo rese yuvɨreko che yapave.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.