2 Corintios 4:11 - Tüpä Ñe'ëngagwer

¹¹ Esepia ore rekove vɨteseve, imbogwaiprɨ oroiko ore mano agwä Jesús rese, egwë oro'e sekokwer mboyekwa agwä ore retekwer ndipokopɨi va'e rese.

Tũpa Ñehengagüer

¹¹ Esepia, ore recove vɨteseve imboguaiprɨ oroico ore mano ãgua Jesús rese. Ẽgüe orohe secocuer mboyecua ãgua ore retecuer ndipocopɨi vahe rese.

2 Corintios 4:11 Iomraidhean Croise

Romanos 8:11

Iyavei akoi Espíritu ombogwerayevɨ va'e Jesús a'e sekoi pe rese, a'e avei akoi ombogwerayevɨ va'e Cristo, omondora tekovesa pɨasu pe retekwer upe narä ipɨpe sui Espíritu Tüpä suindar sekoi pe rese.

Romanos 8:36

Inungar Ikwachiaprɨ pɨpe aipo e'i: “Ndesui tëi oremondo manosa pɨpe yuvɨreko; inungar ovesa serasosa yukapɨrä mba'e mɨmba yukasave yepi.”

1 Corintios 15:31

Esepia che rɨvrɨ eta, arɨ yakatu rupi aiko manosa rägwer pɨpe. Ko supiete areko va'e che vɨ'aretesa pe rese yande Yar Cristo Jesús rese che rekosa pɨpe amombe'u peü.

1 Corintios 15:49

Kurïtëi yande yaiko inungar yɨpɨndar ava ɨvɨ apoprɨ, egwë ya'e aveira yande Jesucristo ɨva pendar nungar tuprɨ yaiko kuri.

2 Corintios 4:10

Opakatu ore gwatasa rupi rumo orovɨrekoño ite Jesús marä-marä tëi sereko agwer ore mano agwä oreyese, toyekwa avei sekokwer ore rese ore esave.

2 Corintios 4:12

Evokoiyase ko ñe'ësa mombe'u pɨpe ore manosa ore ropeña, ipɨpe sui rumo pesopeña tekovesa apɨre'ɨ̇ va'e peiko seroyasa pɨpe.

2 Corintios 5:4

Egwë e'i ete yande retekwer pɨpe vɨte yaikose, yande poäse yande vɨ'are'ɨ̇sa pɨpe, esepia ndayaipotai yande ä nani tuprɨ va'e nungar seko agwä, yande rumo yaipota yande retekwer ipɨasu va'e ndopai va'e, evokoiyase tokañɨpa ko mba'e okañɨ tëi va'erä yande resendar tekovesa pɨasu, ndopai va'e rereko agwä.

2 Corintios 6:9

Amove ndikwasai va'e nungar tëi ore rereko yuvɨreko, ikwaprɨ ite tie oroiko viña. Amove ore yuka seni yuvɨreko, oroikoveño ite rumo; iyavei amove ore mombaraɨsusa katu tëi, ndoreyukai ete rumo ipɨpe yuvɨreko.