2 Corintios 3:7 - Tüpä Ñe'ëngagwer

⁷ Ko Moisés rekosendar porokwaita ikwachiasa ite itape rese, iyavei Tüpä reko porañetesa pɨpe ou, Israel pendar rumo evokoiyase Moisés rova rese noma'e katui ete yuvɨreko, esepia sendɨ iteanga, yepe sendɨgwer ogwe mbegweño oso viña a'e Moisés rekosendar porokwaita ava upe manosa tëi gweru va'e iporañeteai ete yɨpɨndar oiko viña,

Tũpa Ñehengagüer

⁷ Co Moisés recosendar porocuaita icuachiasa ité itape rese, iyavei Tũpa reco porañetesa pɨpe ou. Israelita evocoiyase Moisés rova rese nomahe catui eté yuvɨreco. Esepia, sendɨ́ iteanga, yepe sendɨgüer ogüe mbegüeño oso viña. Ahe Moisés recosendar porocuaita ava upe manosa tẽi güeru vahe iporañete ai eté yɨpɨndar oico viña.

2 Corintios 3:7 Iomraidhean Croise

Los Hechos 6:15

A'ese opakatu mborerekwar oñemonu'ä va'e yuvɨnoi a'eve oma'e Esteban rese yuvɨreko, oma'ese aipo yuvɨreko sese, ndoyavɨi sepiaka mbigwai ɨva pendar rova.

Romanos 10:4

Esepia Cristo rekokwer pɨpe imboavɨyesa tuprɨ porokwaita, ipɨpe sui opakatu vɨreko va'e yeroyasa a'e seko katuprɨra yuvɨreko.

Romanos 4:15

Esepia ko porokwaita mboavɨye e'ɨ̇sa pɨpe ñemoɨrösa oime ava upe, ndipoise rumo mborokwaita, ndipoi chietera a'e porokwaita mboyeroya e'ɨ̇sa.

Romanos 5:20

Supiete porokwaita ouse araka'e a'ese angaipa yaposa katu ite; yepe egwë e'i viña Tüpä porovasasa rumo ɨvate katu ite ichui.

Romanos 7:10

che evokoiyase akañɨ tëi va'erä aiko ipɨpe. A'e porokwaita che rekove apɨre'ɨ̇ agwä mbou rägwer sui, che mondo ukaño itera manosa apɨre'ɨ̇ va'e pɨpe,

Romanos 7:22

Che pɨ'a pɨpe rumo Tüpä porokwaita aipota ite sereko,

Romanos 7:5

Esepia yande yaikove vɨtese angaipa pɨpe, a'e porokwaita renduse yaipota katu mba'e tëi pɨpe yande reko agwä, ipare rumo a'e manosave tëi yande reraso.

1 Corintios 13:10

akoi oyepotase rumo ou mba'e kwapar, a'ese opakatu mba'e ndikwasa iri chietera.

2 Corintios 3:3

Pe ni'ä pemboyekwa pe reko tuprɨ pɨpe ore rembiapo Cristo porokwaita pɨpe pe pa'üve; sese pe inungar Cristo rembikwachia avɨye va'e oromondo va'e ava upe, a'e rumo nda'ei tinta pɨpe ite ikwachiaprɨ itape rese, Espíritu Tüpä oikove va'e suindar pɨpe rumo yapoprɨ ava pɨ'a pɨpe.

2 Corintios 3:6

a'e ni'ä orembo'e ore poravɨkɨ agwä tekovesa ipɨasu va'e rese, nda'ei Moisés porokwaita rupi a'e rumo Espíritu suindar pɨpe ite. Esepia a'e porokwaita imboavɨye e'ɨ̇sa pɨpe yamano tëira viña, Tüpä Espíritu rumo ombou tekovesa yandeu.

2 Corintios 3:8

¡kurïtëi rumo iporañete katu ite ñe'ësa Tüpä remimbotar ipɨasu va'e resendar Espíritu ombou va'e yandeu!

Gálatas 3:10

Akoi seko katuprɨ pota va'e Moisés porokwaita pɨpe tëi yuvɨrekoi va'e, a'e Tüpä ñemoɨrösavrɨve tëi yuvɨrekoira, esepia Ikwachiaprɨ pɨpe aipo e'i: “Opakatu ava nomboavɨyei va'e Tüpä porokwaita ikwachiaprɨ pɨpendar, a'e iñemoɨrösavrɨve tëi yuvɨrekoira.”

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Hebreos 12:18

Peyemboyase Tüpä rese, nda'ei inungar pe ramoi Israel pendar araka'endar, esepia a'e ɨvɨtrɨ Sinaí sese yapoko va'e rese tëi oyemboya va'e yuvɨreko; a'e ɨvɨtrɨ rese sendɨ ite inungar tata rendɨgwer; oime pɨ̇tü, pɨ̇tümimbi va'e, ɨvɨtuai avei sese,

Hebreos 3:3

Jesús rumo imboeteiprɨ katu Moisés sui, inungar akoi oɨ aposar imboeteiprɨ katu oɨ sui sekoi.

Hebreos 9:4

a'eve oime itaɨsɨ rapɨsa renda oro apoprɨ, a'eve avei oime Tüpä porokwaita rɨru oro pɨpe yaoprɨ. A'e ipɨpe oime kambuchi oro apoprɨ a'e tembi'u maná rɨru, ipɨpe avei oime Aarón pokoka a'e sorɨ va'e, iyavei mborokwaita kwachiaprɨ ita ipe va'e rese oime ipɨpe.