2 Corintios 3:6 - Tüpä Ñe'ëngagwer

⁶ a'e ni'ä orembo'e ore poravɨkɨ agwä tekovesa ipɨasu va'e rese, nda'ei Moisés porokwaita rupi a'e rumo Espíritu suindar pɨpe ite. Esepia a'e porokwaita imboavɨye e'ɨ̇sa pɨpe yamano tëira viña, Tüpä Espíritu rumo ombou tekovesa yandeu.

Tũpa Ñehengagüer

⁶ Ahe niha ombou opĩratasa oreu güemimbotar ipɨasu vahe rese poravɨquɨ ãgua, ndahei Moisés rembicuachiagüer rupi oroporavɨquɨ. Esepia, ahe imboavɨyeẽhɨsa pɨpe yamano tẽira viña. Ahe rumo Espíritu Tũpa suindar pɨpe oroporavɨquɨ. Esepia, ahe ombou tecovesa yandeu.

2 Corintios 3:6 Iomraidhean Croise

San Mateo 13:52

Evokoiyase Jesús aipo e'i: –Akoi ñepëi oporombo'e va'e porokwaita ɨva pendar rese, oyembo'e va'e avei Tüpä mborerekwasa rese, a'e inungar ava oɨ yar, iyavei mba'e vɨreko va'e yapokatuprɨ oikwa ite senose mba'e ipɨasu va'e mba'e kwakwa aveino.

San Mateo 26:28

esepia ko che ruvɨ, a'e che Ru remimbotar ipɨasu va'e peü narä, che ruvɨ oyepɨyerera ava re'ɨi rekokwer angaipa repɨrä rese.

San Marcos 14:24

A'ese aipo e'i: –Ko che ruvɨ, a'e che Ru remimbotar ipɨasu va'e peü narä, a'e oyepɨyerera ava re'ɨi rekokwer rese narä.

San Lucas 22:20

Egwë e'i avei karusa pare yapo ɨgwa rɨru rese, aipo e'i: –Ko ɨgwa rɨru pɨpendar omboyekwa che Ru remimbotar ipɨasu va'e peü narä, a'e che ruvɨ ipɨyerepɨrä pe rekokwer rese narä.

San Juan 5:21

Esepia inungar che Ru ombogwerayevɨ omano va'e iyavei omondo tekovesa chupe. Egwë e'i avei Ta'ɨrɨ omondo tekovesa ava upe gwemimbotar rupi.

San Juan 6:63

Espíritu ni'ä omondo tekovesa; yande retekwer rumo egwë e'i tëi va'e. Iyavei ko amombe'u va'e peü a'e espíritu iyavei tekovesa.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 3:20

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

Romanos 4:15

Esepia ko porokwaita mboavɨye e'ɨ̇sa pɨpe ñemoɨrösa oime ava upe, ndipoise rumo mborokwaita, ndipoi chietera a'e porokwaita mboyeroya e'ɨ̇sa.

Romanos 4:17

inungar Ikwachiaprɨ pɨpe aipo e'i: “Orombou ava eta ɨvɨ rupindar yesupära.” Ko Tüpä ni'ä Abraham rembieroya, a'e Tüpä avei omondo va'e tekovesa omano va'ekwer upe iyavei oyapo va'e mba'e ndipoi va'e yɨpɨndar.

Romanos 7:6

Kurïtëi rumo yande omano va'e nungar yaiko akoi porokwaita pɨpe yaiko va'ekwer sui, egwë ya'e, yasë ichui Tüpä upe mba'e apo agwä Espíritu sui yande reko pɨasu pɨpe, nda'e iri porokwaita ikwachiaprɨ yɨpɨndar va'e pɨpe yaiko.

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 11:25

Egwë e'i avei okarure, oipɨsɨ ɨgwa rɨru aipo e'i: “Ko uva rɨkwer omboyekwa peü Tüpä oyapora mba'e ipɨasu va'e pe reko va'erä. Che ruvɨ pɨpe rumo yaposara evokoiyase ko arɨ pɨpe suive, peyemoma'endu'ara peɨ'use che rese yepi.”

1 Corintios 12:28

Tüpä oipota vɨroyasar pa'üve toime rane yɨpɨndar Jesús ñe'ë mombe'usar; ipare toime ava che ñe'ëngagwer mombe'u agwä, ichui ambuae upe iporombo'e agwä, ipare ambuae mba'e ndayasepiai va'e apo agwä, iyavei ambuae ava imba'easɨ va'e mbogwera agwä, ambuae ava pɨtɨ̇vɨïsar tasekoi, ambuae ava rekokwer rerogwata tuprɨ agwä tasekoi, ambuae ava evokoiyase toñe'ë ñe'ësa ndikwasai va'e pɨpe yuvɨreko.

1 Corintios 15:45

Supiete aipo e'i Ikwachiaprɨ pɨpe: “Yɨpɨndar ava Adán serer va'e. A'e sete upe ombou Tüpä sekove agwä ko ɨvɨ pɨpe”; ichui rumo ambuae ipa Adán nungar ou va'e, a'e rumo vɨreko ite tekovesa ɨva pendar ava upe imbou agwä.

1 Corintios 3:10

Che aiko oɨ aposar esepia Tüpä oyapo uka oɨ vɨräkwäsa cheu, ambuae evokoiyase omopü'a i'arɨve. Ñepëi-pëi peiko va'e peikwa tuprɨra imopü'a,

1 Corintios 3:5

Evokoiyase, ¿Mba'e vo Apolo sekoi?, ¿Mba'e vo Pablo sekoi? A'e yuvɨrekoi Tüpä rembigwai, ipɨpe sui ni'ä pereko poreroyasa peyese. Yande Yar ni'ä ombou ñepëi-pëi mboravɨkɨ yandeu chupe yayapo va'erä:

2 Corintios 11:23

¿A'e pi'ä yuvɨrekoi Cristo pɨtɨ̇vɨïsar? Che rumo ɨvate katu aiko ichui yuvɨreko, yepe añe'ëse avɨye che ndayarakwai va'e aiko viña. Che aporavɨkɨ katu yuvɨreko ichui, seta rupi avei che rokenda ichui yuvɨreko, iyavei inupambrɨ katu aiko ichui yuvɨreko, seta rupi avei seni-seni che yuka uka che mombaraɨsusa pɨpe yuvɨreko.

2 Corintios 3:14

Egwë e'i a'e ndosendukwa ukai ete ndoyavɨi sovapɨsa vɨte va'e kurïtëi, egwë e'i vɨte oyerokɨse Moisés porokwaita ikwachiaprɨ yɨpɨndar va'e pɨpe yuvɨreko, ñomiprɨ va'e nungar tëi chupe a'e sendukwa e'ɨ̇ pɨpe, esepia Cristo gweraño ite oikatu sovapɨsa nungar rerokwa ichui sendukwa uka agwä.

2 Corintios 3:3

Pe ni'ä pemboyekwa pe reko tuprɨ pɨpe ore rembiapo Cristo porokwaita pɨpe pe pa'üve; sese pe inungar Cristo rembikwachia avɨye va'e oromondo va'e ava upe, a'e rumo nda'ei tinta pɨpe ite ikwachiaprɨ itape rese, Espíritu Tüpä oikove va'e suindar pɨpe rumo yapoprɨ ava pɨ'a pɨpe.

2 Corintios 3:7

Ko Moisés rekosendar porokwaita ikwachiasa ite itape rese, iyavei Tüpä reko porañetesa pɨpe ou, Israel pendar rumo evokoiyase Moisés rova rese noma'e katui ete yuvɨreko, esepia sendɨ iteanga, yepe sendɨgwer ogwe mbegweño oso viña a'e Moisés rekosendar porokwaita ava upe manosa tëi gweru va'e iporañeteai ete yɨpɨndar oiko viña,

2 Corintios 3:9

Supiete yepe iporañeteai ete Moisés porokwaita akoi gweru va'e manosa yandeu viña, ¡ko ñe'ësa ipɨasu va'e Tüpä suindar yande reko moigätu agwä iporañete katu ite ichui!

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Efesios 2:1

Pe rumo yɨpɨndar peiko omano va'e nungar ite mba'e-mba'e tëi aposa pɨpe peyemboangaipasa pɨpe avei.

Efesios 2:5

yepe angaipa pɨpe yaiko omano va'e nungar viña, a'e rumo ombou Gwa'ɨrɨ yande rekove agwä. A'e oporovasasa pɨpe yande pɨsɨrö.

Efesios 3:7

Iyavei che aiko ko ñe'ësa mombe'u agwä, Tüpä oporoaɨsusa pɨpe na e'i che rereko, a'e omboyekwa ite gweko pirätäsa cheu.

1 Timoteo 4:6

Akoi erembo'ese ko mba'e rese yande rɨvrɨ eta iyavei ereyemovɨräkwäse ñe'ësa poreroyasa rese iyavei porombo'esa avɨye va'e nde yese erereko va'e rese, a'ese Cristo Jesús rembigwai avɨye va'e ereikora.

2 Timoteo 1:11

Tüpä ni'ä che kwai ko ñe'ësa mombe'u agwä, che kwai avei Jesús ñe'ë mombe'usar che reko agwä, iyavei che porombo'e agwä.

Hebreos 12:24

peyemboya avei Jesús rese, a'e omoime yandeu Tüpä remimbotar ipɨasu va'e, a'e suvɨ yande moatɨrö va'e, avɨye katu Abel ruvɨ sui.

Hebreos 13:20

Tüpä mba'e tuprɨ rerekosar, a'e ni'ä ombogwerayevɨ va'e yande Yar Jesús yande rärösar ɨvate katu va'e, suvɨ pɨpe omboyekwa gwemimbotar pɨasu ndopai va'e imbou yandeu,

Hebreos 7:22

Ko rese Jesús kurïtëi yande rereko Tüpä povrɨve avɨye katu va'e yɨpɨndar va'e sui.

Hebreos 8:13

Oñe'ëse Tüpä gwemimbotar pɨasu rese, omombe'u yɨpɨndar va'e kañɨ agwä; chi'ïmi tëi ipane ikañɨpa agwä.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

1 San Juan 1:1

Ko kwachiar pɨpe oromombe'u peü yɨpɨsuive sekoi va'e, a'e orosendu orosepia avei ore resa pɨpe. Esepia orosepia iyavei oropoko sese. A'e ni'ä Tüpä Ñe'ë tekovesa resendar.