2 Corintios 3:17 - Tüpä Ñe'ëngagwer

¹⁷ Esepia ni'ä yande Yar Espíritu sekoi; a'e Espíritu ava rese sekoise, nda'e iri mbigwai nungar yuvɨrekoi.

Tũpa Ñehengagüer

¹⁷ Esepia niha, yande Yar Espíritu secoi. Ahe Espíritu ava rese secoise, ndahe iri mbiguai nungar yuvɨrecoi.

2 Corintios 3:17 Iomraidhean Croise

San Juan 6:63

Espíritu ni'ä omondo tekovesa; yande retekwer rumo egwë e'i tëi va'e. Iyavei ko amombe'u va'e peü a'e espíritu iyavei tekovesa.

San Juan 8:32

peikwa aveira mba'e supiete va'e, iyavei mba'e supiete va'e perenoserä mba'e katuprɨsa pɨpe.

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 15:45

Supiete aipo e'i Ikwachiaprɨ pɨpe: “Yɨpɨndar ava Adán serer va'e. A'e sete upe ombou Tüpä sekove agwä ko ɨvɨ pɨpe”; ichui rumo ambuae ipa Adán nungar ou va'e, a'e rumo vɨreko ite tekovesa ɨva pendar ava upe imbou agwä.

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

2 Corintios 3:6

a'e ni'ä orembo'e ore poravɨkɨ agwä tekovesa ipɨasu va'e rese, nda'ei Moisés porokwaita rupi a'e rumo Espíritu suindar pɨpe ite. Esepia a'e porokwaita imboavɨye e'ɨ̇sa pɨpe yamano tëira viña, Tüpä Espíritu rumo ombou tekovesa yandeu.

Gálatas 4:6

Esepia ta'ɨrɨ yaikose, Tüpä ombou Gwa'ɨrɨ Espíritu yande pɨ'a pɨpe; iyavei Espíritu aipo e'i: “¡Abbá! ¡Che Ru!”

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

2 Timoteo 1:7

Esepia Tüpä nomboui sɨkɨyesa yandeu, a'e rumo ombou yande reko movɨräkwäsa, poroaɨsusa, iyavei yande mbopɨ'añemoñeta tuprɨ agwä.