2 Corintios 3:12 - Tüpä Ñe'ëngagwer

¹² Ore oroyeroya ite ko ñe'ësa ipokopɨ va'e rese, sese oroñe'ë ava upe ore sɨkɨye e'ɨ̇sa pɨpe ite.

Tũpa Ñehengagüer

¹² Ore oroyeroya ité co ñehesa ipocopɨ vahe rese. Sese oroñehe ava upe ore sɨquɨyeẽhɨsa pɨpe ité.

2 Corintios 3:12 Iomraidhean Croise

San Juan 10:24

Evokoiyase judío eta oyere tuprɨ sese aipo e'i oporandu yuvɨreko chupe: –¿Maräse rutei vo eremombe'ura mba'e supi tuprɨ va'e oreu? Supiete ereikose Poropɨsɨrösar, emombe'u ñepëi reseve oreu.

San Juan 16:25

“Amombe'u ni'ä akoi ko tekokwer mboyoyasa peü; oyepotara rumo arɨ a'ese namboyoya iri chira ambuae mba'e rese ko tekokwer, a'ese aikwa uka mba'e peü che Ru rekokwer resendar.

San Juan 16:29

Evokoiyase aipo e'i semimbo'e eta yuvɨreko chupe: –Indo aipo supiete ereñe'ë tuprɨ katu ite, nderemboyoya iri ambuae mba'e rese imombe'u oreu.

Los Hechos 14:3

Ipare rumo, Jesús ñe'ë mombe'usar a'eve opɨta puku yuvɨreko, iyavei oyeroyasa pɨpe Tüpä rese omombe'u mba'e supiete va'e yuvɨreko; iyavei yande Yar oikwa ite omombe'use Tüpä poroaɨsusa yuvɨreko, omondo avei pirätäsa mba'e poromondɨisa apo agwä chupe.

Los Hechos 4:13

Mborerekwar osepiase iyembosɨkɨye e'ɨ̇sa yuvɨreko, marä e'i pi'ä ko mbɨa ava tëi ndoyembo'ei va'e ni'ä e'i yuvɨreko chupe, ichui oikwa Jesús remimbo'egwer sekose yuvɨreko.

Los Hechos 9:27

Ipare rumo, Bernabé vɨraso Saulo Jesús ñe'ë mombe'usar yuvɨrekoi va'e upe. A'eve Bernabé omombe'upa chupe aipo e'i ko mbɨa Saulo osepia yande Yar perɨ rupi, iyavei yande Yar oñe'ë chupe, ichui ko Saulo oñe'ë osɨkɨye e'ɨ̇sa pɨpe Damasco ve, Jesús rekokwer rese.

Los Hechos 9:29

Oiñe'ëpoepɨ avei sekokwer rese judío griego pɨpe oñe'ë va'e yuvɨreko; ichui rumo oyuka potaño yuvɨreko.

1 Corintios 14:19

Jesús reroyasar ñemonu'äsave rumo aipota amombe'u va'erä poyandepo rupindar ñe'ësa sendukwa tuprɨ agwä, ambuae ava mbo'e tuprɨ agwä rese, ko ñe'ësa ndikwasai va'e ambuae diez mil ñe'ë rägwer yuvɨrekoi va'e sui.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 3:11

Akoi mborokwaita yɨpɨndar ndipokopɨimi va'e vɨrekose Tüpä reko porañetesa, ko ñe'ësa pɨasu ipokopɨ va'e rumo iporañete katu itera ichui.

2 Corintios 4:13

Ikwachiaprɨ pɨpe aipo e'i: “Ayeroya ite Tüpä rese, ipɨpe sui avei añe'ë.” Egwë oro'e avei ore, sese oroyeroya ite, ichui avei oroñe'ë.

2 Corintios 7:4

Añe'ë pota ite pe rese iyavei che yembovɨ'asa pɨpe. Opakatu yande paraɨsusa pa'üve, ayemongere'ɨ̇ katuño ite vɨ'aretesa pɨpe vichiko.

Filipenses 1:14

Iyavei che aikose poroekendasave, a'ese seta eteprɨ yande rɨvrɨ che repiase oyemongere'ɨ̇ katu Tüpä ñe'ëngagwer mombe'u agwä osɨkɨye e'ɨ̇sa pɨpe, oyeroya katu avei yande Yar rese yuvɨreko.

Filipenses 1:20

Supiete asäro che ñemovɨräkwäsa pɨpe Tüpä, ndache mondoi e'ɨ̇ agwä ñemochisa pɨpe, a'e rumo oyemboyekwara opakatu ava rovake che rese Cristo pirätäsa, aikove vɨtese anise amanose avei.

Colosenses 4:4

Peyerure katu che rese, tamombe'u tuprɨ ko ñe'ësa opakatu upe sendukwa tuprɨ agwä, egwë ta'e che kwaita mboavɨye.

1 Tesalonicenses 2:2

Peikwa tuprɨ avei ni'ä akoi yɨpɨndar marä-marä tëi ava ore rereko yuvɨreko tekwa Filipos ve, Tüpä rumo ore pɨtɨ̇vɨï oñe'ëngagwer pɨsɨrösa resendar mombe'u agwä opakatu ore sɨkɨye e'ɨ̇sa pɨpe ore amotare'ɨ̇mbar pa'üve.

1 Timoteo 3:13

Esepia Tüpä reroyasar rese añekosar oyapo tuprɨse oporavɨkɨsa yuvɨreko, ipɨpe sui imboyeroyasara, osɨkɨye e'ɨ̇save avei sekoira Jesucristo reroyasa pɨpe.

Filemón 1:8

Evokoiyase, areko ite Cristo rer pɨpe nde kwai agwä viña,