2 Corintios 13:9 - Tüpä Ñe'ëngagwer

⁹ Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

Tũpa Ñehengagüer

⁹ Sese orovɨhaño ité norepĩrataise, ore rumo oroipota ité pe momirata; iyavei ore oroyerure catuño itera pe recocuer catuprɨ catu ãgua rese.

2 Corintios 13:9 Iomraidhean Croise

Romanos 15:2

Opakatu yande yambovɨ'ara ava yande kotɨndar, yayapo aveira mba'e avɨye va'e seko avɨye agwä yuvɨreko.

1 Corintios 1:10

Che rɨvrɨ eta, yande Yar Jesucristo rer pɨpe aipo a'e peü pemboyoya katu pe pɨ'a ñemoñetasa, ndapeyemboya'oi chira peyesui. Peiko katu pe yeaɨsusa pɨpe, ichui ta'oyoya pe pɨ'a ñemoñetasa, ta'oyoya avei mba'e pe remimbotar.

1 Corintios 2:3

Iyavei ndachepirätäi, arɨrɨi avei che sɨkɨyepave peü asose,

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

2 Corintios 11:30

Iyase cheu yeekomboɨvateai agwä, ko mba'e omboyekwa va'e che pirätä e'ɨ̇sa rese ayeeko mboɨvateaiño itera.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

2 Corintios 13:4

Supiete ni'ä a'e yatɨkasa kurusu rese, inungar ava nipirätäi va'e, kurïtëi rumo a'e oikove Tüpä pirätäsa pɨpe. Egwë oro'e avei ore seko pirätä e'ɨ̇sa sereko, oroikose rumo sese oroiko Tüpä pirätäsa pɨpe pe rese añeko agwä.

2 Corintios 4:12

Evokoiyase ko ñe'ësa mombe'u pɨpe ore manosa ore ropeña, ipɨpe sui rumo pesopeña tekovesa apɨre'ɨ̇ va'e peiko seroyasa pɨpe.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Colosenses 1:28

Ore ni'ä Cristo rekokwer oromombe'u opakatu ava upe, orombo'e avei ava yarakwa tuprɨ agwä ore arakwasa pɨpe toyuvɨrekoi tuprɨ ite Cristo rese Tüpä rovai ore esa pɨpe.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 3:10

Pɨ̇tü arɨ rupi avei oroporandu Tüpä upe oreso agwä pe repia eipeve, iyavei Tüpä reroyasa ipane vɨte va'e mboavɨye tuprɨ agwä peü.

2 Timoteo 3:17

ichui ava Tüpä rese yuvɨrekoi va'e oyemoigätu voira opakatu tekokwer tuprɨ apo agwä yuvɨreko.

Hebreos 12:23

iyavei opakatu yɨpɨndar Tüpä ra'ɨrɨ ikwachiaprɨ va'e ɨvave. Oyemboya Tüpä rese yuvɨreko, a'e opakatu mba'e Moigätusar, iyavei peyemboya ava seko avɨye va'e espíritu yuvɨrekoi va'e rese, a'e ni'ä Tüpä osekomo'ɨ̇vi tuprɨ sereko,

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Hebreos 6:1

Sese ndiyai yayembo'e yembo'esa yɨpɨndar va'e Cristo resendar a'e avei-vei va'e rese. Iya rumo yagwata katu tenonde inungar ava oikwa katu va'e mba'e. Ipɨpe sui tayaikwa seroyasa pɨpe ambuae mba'e Tüpä suindar ko mba'e rese yembo'e iri rägwer sui, a'e yɨpɨndar va'e ko yande ñekuñarösa, yande rekoai sui yande poisa, manosa apɨre'ɨ̇ va'esave yande reraso e'ɨ̇ agwä, iyavei Tüpä rese yande yeroyasa,

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.