2 Corintios 13:11 - Tüpä Ñe'ëngagwer

¹¹ Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

Tũpa Ñehengagüer

¹¹ Imomba ãgua, che rɨvɨreta, aipota pevɨharetera peico. Peseca avei pe reco tuprɨ catu ãgua peyeupe, peyemonguerẽhɨ catu, oyoya guasu peico tuprɨ avei peyese mbahe tuprɨ pɨpe. Evocoiyase Tũpa oporoaɨsusa pɨpe, güeco tuprɨsa pɨpe avei secoira pe rese.

2 Corintios 13:11 Iomraidhean Croise

San Mateo 1:23

“Kuña ndaseko maräi va'e imembɨra oiko iyavei vɨrekora omembrɨ, a'e omondora serergwä Emanuel.” (“Tüpä yande rese sekoi” oyapave aipo e'i).

San Mateo 5:48

Peikora mba'e tuprɨ pɨpe, inungar pe Ru ɨva pendar seko katuprɨ va'e.”

San Marcos 10:49

Evokoiyase Jesús iñe'ë renduse opɨta aipo e'i: –Peñe'ë chupe. Ichui oñe'ë ndasesapɨsoi va'e upe, aipo e'i yuvɨreko: –Eyemongere'ɨ̇, epü'a esepia oñe'ë aipo ndeu.

San Marcos 9:50

Sese yukrɨ avɨyeai ete; nase'ë irise rumo, ¿ndayaikatui chira imoe'ë iri agwä? Peiko katu yukrɨ nungar mba'e tuprɨ pɨpe peyeupe narä.”

San Lucas 9:61

Ambuae aipo e'i chupe: –Che Yar, che agwata pota nde rupi, yɨpɨndar rumo aso ranera che rëtäve avɨye a'e va'erä chemu upe.

San Juan 17:23

Che aiko yuvɨreko sese nde evokoiyase ereiko che rese, a'ese yuvɨrekoira tekovesa i'ɨ̇vi tuprɨ va'e pɨpe, iyavei ko ɨvɨ pɨpendar ipɨ'añemoñetara nde che mbouse eve, eresaɨsu avei yuvɨreko inungar che raɨsu eve yepi.”

Los Hechos 15:29

Pe'ui rene mba'e mɨmba yukaprɨ seropove'ëprɨ mba'e ra'anga tëi upendar, ndape'ui chira mba'e ruvɨ mba'e mɨmba yukaprɨ suvɨ renosepɨre'ɨ̇ va'e iyavei ndapeagwasai chira. Pepoise evokoi mba'e naporäi va'e sui, oimerä mba'e tuprɨ peü. Aipo rupive Peiko tuprɨ.”

Los Hechos 18:21

a'e rumo omboavɨravepa ava yuvɨraso agwä ichui aipo e'i: “Tüpä oipotase cheu, ayevɨ irira pe pɨri.” Ipare Pablo oso Éfeso sui ɨarusu pɨpe.

Los Hechos 23:30

Ayanduse rumo judío oñemoigätuse yuka agwä yuvɨreko, sese amondo voi evokoi mbɨa ndeu; ipare amombe'u yamotare'ɨ̇sar upe peporandu potase Pablo rekokwer rese, pesora Félix rovai a'e chupe yuvɨreko.”

Romanos 12:16

Peiko tuprɨ oyoya gwasu ñepëi-pëi oyese pe yeaɨsusa pɨpe. Anichira peyeekomboɨvateai, iyakatu rumo peyemoigätu ava seko mbegwemi va'e mborɨ agwä. Anichira peiko imba'ekwa vai va'e nungar.

Romanos 12:18

Peikatu va'e rupi peseka pe reko tuprɨ agwä opakatu ava rese.

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

Romanos 15:33

Egwë te'i Tüpä gweko tuprɨsa pɨpe tasekoi opakatu pe rese yepi. Amén.

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

1 Corintios 1:10

Che rɨvrɨ eta, yande Yar Jesucristo rer pɨpe aipo a'e peü pemboyoya katu pe pɨ'a ñemoñetasa, ndapeyemboya'oi chira peyesui. Peiko katu pe yeaɨsusa pɨpe, ichui ta'oyoya pe pɨ'a ñemoñetasa, ta'oyoya avei mba'e pe remimbotar.

2 Corintios 1:4

A'e ni'ä yande mbovɨ'año opakatu yande paraɨsusa pɨpe, yande avei evokoiyase yaikatura ava iparaɨsu va'e mbovɨ'a agwä, egwë e'i ete Tüpä imbou vɨ'asa yandeu, a'e avei yande yamondora yuvɨreko chupe.

2 Corintios 13:9

Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

Efesios 4:12

Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Efesios 4:3

peyapo opakatu pe rekokwer pɨpe peiko tuprɨ vɨte agwä peyepa'üve Espíritu Maräne'ɨ̇ pe pɨtɨ̇vɨïsa pɨpe, pe reko tuprɨsa pɨpe avei.

Efesios 6:23

Yande Ru Tüpä iyavei yande Yar Jesucristo tomondo opakatu vɨroyasar upe teko katuprɨsa, iporoaɨsu agwä, oyese yeroya agwä avei;

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Filipenses 3:16

Ko yande rekokwer yareko va'e sui rumo ndayande resarai chietera yepi.

Filipenses 4:2

Evodia iyavei Síntique, toyuvɨrekoi oyekupɨ'ɨrɨ nungar yande Yar reroyasa pɨpe yuvɨreko.

Filipenses 4:4

Peyembovɨ'arete arɨ yakatu rupi yande Yar rese yepi. Amombe'u iri aipo peü: ¡Peyembovɨ'año katu!

Filipenses 4:9

Peyapoño itera mba'e che opombo'e va'ekwer amondo va'e rese peü, pesendu va'e che aipo a'ese, che repia va'ekwer yapose peye: evokoiyase Tüpä gweko tuprɨsa reseve sekoira pe rese.

1 Tesalonicenses 3:10

Pɨ̇tü arɨ rupi avei oroporandu Tüpä upe oreso agwä pe repia eipeve, iyavei Tüpä reroyasa ipane vɨte va'e mboavɨye tuprɨ agwä peü.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

1 Tesalonicenses 4:18

Sese peyemongere'ɨ̇ katu ko ñe'ësa pesendu va'e rese.

1 Tesalonicenses 5:13

Pemboyeroya iyavei pesaɨsu tuprɨra iporavɨkɨsa rese. Peiko tuprɨ aveira peyeaɨsusa pɨpe.

1 Tesalonicenses 5:16

Peyembovɨ'añora arɨ yakatu rupi yepi.

1 Tesalonicenses 5:23

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

2 Tesalonicenses 3:1

Che rɨvrɨ eta, ko mba'e ipa va'e amombe'u pota peü, peyerure katu ore rese, evokoiyase toyepota pɨ'aivi yande Yar ñe'ëngagwer opakatu rupi, tipɨsɨsa tuprɨ imboeteisa pɨpe inungar oyepota pe pa'üve.

2 Tesalonicenses 3:16

Avɨye yande Yar upe, a'e tombou gweko tuprɨsa pe reko tuprɨ agwä peü, arɨ yakatu rupi opakatu pe reko pɨpe. Iyavei yande Yar tasekoi arɨ rupi pe rese.

2 Timoteo 2:22

Eyepepɨ mbɨa chi'ïvä'e pɨ'añemoñeta raisa sui, emo'ɨ̇vi tuprɨño nde rekokwer sereko. Eyeroyaño Tüpä rese, esaɨsu katu avei ava eiko nde reko tuprɨ pɨpe, inungar yande Yar reroyasar oyapo opɨ'añemoñeta tuprɨsa pɨpe yuvɨreko.

Hebreos 12:14

Peiko katu ava upe mba'e tuprɨ pɨpe, peiko avei pe reko maräne'ɨ̇ pɨpe; esepia ava ndovɨrekoi va'e gweko maräne'ɨ̇, ndosepiai chietera yande Yar.

Hebreos 13:20

Tüpä mba'e tuprɨ rerekosar, a'e ni'ä ombogwerayevɨ va'e yande Yar Jesús yande rärösar ɨvate katu va'e, suvɨ pɨpe omboyekwa gwemimbotar pɨasu ndopai va'e imbou yandeu,

Santiago 1:4

Peikoño ite pe reko ñemosasa pɨpe pe reko mo'ɨ̇vi tuprɨ katu agwä, evokoiyase nipane iri chira opakatu mba'e peü.

1 San Pedro 3:11

Pepoi mba'e naporäi va'e sui iyakatu rumo peyapora mba'e avɨye va'e, peseka teko tuprɨsa peyeupe narä pegwata supi.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.

Apocalipsis 22:21

Yande Yar Jesucristo taperovasa opakatu.