2 Corintios 12:6 - Tüpä Ñe'ëngagwer

⁶ Yepe che añe'ë tuprɨaira cheyese viña, che revo nda'ei chira ndayarakwai va'e nungar aiko, esepia mba'e supiete va'e amombe'ura viña; a'e rumo ndayapoi, esepia tipɨ'añemoñeta katu che rembiapo rese, che remimombe'ugwer rese avei yuvɨreko che kerve nungar mba'e mombe'u rägwer sui viya,

Tũpa Ñehengagüer

⁶ Yepe che añehe tuprɨ aira cheyese viña, che revo ndahei chira ndayaracuai vahe nungar aico. Esepia, mbahe supi eté vahe amombehura viña. Ahe rumo ndayapoi. Esepia, ‘tipɨhañemoñeta catu che rembiapo rese, che remimombehugüer rese avei yuvɨreco che querve nungar mbahe mombehu rãgüer sui’ viya.

2 Corintios 12:6 Iomraidhean Croise

Romanos 9:1

Che Cristo reroyasar che reko pɨpe supiete añe'ë, ndopombopai ete. Iyavei Espíritu Maräne'ɨ̇ oikwa ite, che pɨ'añemoñetasa arekose supiete va'e:

1 Corintios 3:5

Evokoiyase, ¿Mba'e vo Apolo sekoi?, ¿Mba'e vo Pablo sekoi? A'e yuvɨrekoi Tüpä rembigwai, ipɨpe sui ni'ä pereko poreroyasa peyese. Yande Yar ni'ä ombou ñepëi-pëi mboravɨkɨ yandeu chupe yayapo va'erä:

2 Corintios 1:18

Tüpä rumo oikwa ore nda'ei, “avɨye” ore'e voisa peü, a'e pɨpeve avei, “ani” ore'esa.

2 Corintios 11:16

Aipo a'e irira peü yarakwa kañɨ oiko te'i eme ava yuvɨreko cheu; akoi egwë peyese pe pɨ'a ñemoñetase che rese, tañe'ëño ayase ndayarakwai va'e nungar, che avei evokoiyase tayeeko mboɨvateño vichiko,

2 Corintios 11:31

Tüpä yande Yar Jesús Yesupa, a'e imboeteiprɨ sekoi apɨre'ɨ̇ va'e yepi, oikwa avei amombe'use ñe'ësa supi tuprɨ va'e yepi.

2 Corintios 12:11

Che ndayarakwai va'e nungar aiko peü, pe rese tëi rumo egwë a'e. Iya rumo peñe'ë tuprɨra che rese, esepia yepe nda'ei seko ɨvate va'e aiko viña, ko Jesús ñe'ë mombe'usar anga'u tëi rumo pe supi pegwata va'e nda'ei ɨvate katu va'e che sui yuvɨreko.

2 Corintios 12:7

sese che yemboɨvateai e'ɨ̇ agwä che ker nungar mba'e che pɨ'amondɨi va'e rembiepiagwer rese Tüpä ombou tekoasɨsa cheu. A'e avɨye yu che kutu gwasu va'e, ndoyavɨi avei Karugwar marä-marä tëi che rereko va'e.

2 Corintios 5:13

Ndayarakwai va'e nungar ore rerekose amove pe pa'ü pendar yuvɨreko, Tüpä upe rumo egwë oro'e oroiko; yarakwa va'e nungar rumo ore rerekose peye peü mba'e avɨye agwä rese egwë oro'e.

2 Corintios 7:14

Che amombe'u ite Tito upe che vɨ'aretesa pe resendar, che ñe'ë pe resendar avɨye ite ipɨpe nachi ete. Inungar oromombe'u mba'e supi tuprɨ va'e peü yepi; inungar tuprɨ avei supiete mba'e oromombe'u va'e pe rese yeroyasave Tito upe.