2 Corintios 12:2 - Tüpä Ñe'ëngagwer

² Che aikwa mbɨa Cristo reroyasar, omomba kurïtëi catorce aravɨter a'e imbosapɨsa ɨvave seraso agwer. Ndikwasai gwetekwer rese tie revo oso, anise i'ä gweraño tie revo; Tüpä rumo oikwa.

Tũpa Ñehengagüer

² Che aicua mbɨa Cristo reroyasar, omomba cũritei catorce aravɨter ahe imbosapɨsa ɨvave seraso agüer. Ndicuasai güetecuer rese tie revo oso, anise ihã güeraño tie revo. Tũpa rumo oicua.

2 Corintios 12:2 Iomraidhean Croise

San Lucas 24:51

Oporovasa vɨte seve, oyepepɨ gwemimbo'e sui a'e ramoseve serasosa ɨvave.

San Juan 6:56

Akoi o'u va'e che retekwer iyavei oɨ'u va'e che ruvɨ, a'e sekoi che rese ite, iyavei che aikove a'e sese.

Los Hechos 14:6

Pablo iyavei Bernabé, oyanduse yuvɨreko, oñemi voi yuvɨraso Listra ve iyavei Derbe ve, tekwa Licaonia rupi ipopɨ rupi avei.

Los Hechos 22:17

“Koiye katu, ayevɨ irise Jerusalén ve. Aso tüpärove ayerure agwä, a'ese che ker nungarve asepia mba'e.

Romanos 16:10

Pemombe'u avei che ma'endu'asa Apeles upe, a'e ni'ä gwekoa'äsa sui osë tuprɨ va'e Cristo rese oyeroyasa pɨpe; iyavei pemombe'u che ma'endu'asa ava Aristóbulo rëtä pɨpendar yuvɨrekoi va'e upe avei.

Romanos 16:3

Pemombe'u che ma'endu'asa Prisca upe Áquila upe avei, a'e ni'ä che pɨtɨ̇vɨï mboravɨkɨ Jesucristo rekokwer rese yuvɨreko.

Romanos 16:7

Pemombe'u avei che ma'endu'asa che mu Andrónico iyavei Junias upe, a'e ni'ä che mboetasa yuvɨrekoi che rokendasave; a'e avei Jesús ñe'ë mombe'usar remimboyeroya yuvɨrekoi, a'e rane avei yɨpɨndar Cristo reroyasar yuvɨrekoi che sui.

Romanos 16:9

Pemombe'u avei che ma'endu'asa Urbano upe, a'e ni'ä yande ndugwer oporavɨkɨ va'e Cristo rekokwer rese, che mborɨpar Estaquis upe avei.

Romanos 8:1

Egwë e'i ete, kurïtëi rumo ndipo iri ñemoɨrösa yandeu Cristo Jesús rese yaikose,

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

2 Corintios 11:11

¿Mba'e rese pi'ä aipo a'e peü? ¿Pe raɨsu e'ɨ̇save pi'ä? ¡Tüpä rumo oikwa che pe raɨsusa!

2 Corintios 13:5

Pema'ekwa tuprɨ katu pe rekokwer rese, peiko ite pi'ä pe Cristo rese yeroyasa pɨpe; ¿Ndapeikwai vo Jesucristo sekoise pe rese? ¡Pesëse pe rekoa'äsa sui!

2 Corintios 5:17

Akoi ava Cristo rese sekoi va'e, a'e sekokwer ipɨasu va'e ite. Ndipo iri ete sekokwerai yɨpɨndar va'e sese; evokoiyase opakatu oyembopɨasu iri ete sekokwer.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 1:22

Yande Yar Cristo reroyasar rumo oñemonu'ä va'e ɨvɨ Judea ve ndache kwai ete yuvɨreko.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Efesios 4:10

Iyavei akoi ogweyɨ va'e ko ɨvɨ pɨpe oso ɨvave ɨvate katu va'esave, sekoi va'erä opakatu rupi.

1 Tesalonicenses 4:17

ipare yande yaikove vɨte va'e, serasoprɨ yaikora opakatu omano va'ekwer rupive ɨva kɨ'a rese, ko yande Yar rovaïchi agwä ɨvɨtu rupi; egwë ya'era yande Yar pɨri yaiko va'erä apɨre'ɨ̇.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

Apocalipsis 1:10

Akoi yande Yar arɨ pɨpe Espíritu povrɨve aikose, asendu che rakɨkwei oñe'ë pirätä va'e avɨye akoi mimbɨ ñe'ë,

Apocalipsis 12:5

Ipare a'e kuña membrɨ o'a kuimba'emi ichui, a'e mborerekwar vɨrekora mbokoka gwarepochi apoprɨ, ipirätä katu va'e sekoira opakatu ava ɨvɨ rupindar upe. Ipare rumo serokwasa imembrɨ ichui serasosa Tüpä renda porañetesa va'e rovai;

Apocalipsis 4:2

A'e ramose voi ete Espíritu pirätäsa pɨpe aiko, iyavei asepia tenda ɨvave, a'e i'arɨve ñepëi ava ogwapɨ öi.