2 Corintios 12:19 - Tüpä Ñe'ëngagwer

¹⁹ Che rɨvrɨ eta, che rembiaɨsu, pe revo pepɨ'añemoñeta ore oroikwachia ko peü, ore yoepɨ agwä tëi. Egwë ndoro'ei ete rumo, ore rumo Cristo rese ore reko pɨpe oroñe'ë Tüpä rovake. Opakatu ite ni'ä mba'e oroyapo pe rekokwer movɨräkwä katu agwä.

Tũpa Ñehengagüer

¹⁹ Che rɨvɨreta, che rembiaɨsu, pe revo pepɨhañemoñeta ore oroicuachía co pẽu, ore yoepɨ ãgua tẽi. Ẽgüe ndorohei eté rumo. Ore rumo Cristo rese ore reco pɨpe oroñehe Tũpa rovaque. Opacatu ité niha mbahe oroyapo pe recocuer movɨracua catu ãgua.

2 Corintios 12:19 Iomraidhean Croise

Romanos 12:19

Che rɨvrɨ eta, ani pe ae pemboyevɨ mba'e tëi pɨpe pe reko momaräsar, peseyaño Tüpä upe a'e oikwara chupe; esepia Ikwachiaprɨ pɨpe aipo e'i: “Che aikwara ava mba'e tëi aposar upe; che amboepɨra e'i yande Yar.”

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

Romanos 15:2

Opakatu yande yambovɨ'ara ava yande kotɨndar, yayapo aveira mba'e avɨye va'e seko avɨye agwä yuvɨreko.

Romanos 9:1

Che Cristo reroyasar che reko pɨpe supiete añe'ë, ndopombopai ete. Iyavei Espíritu Maräne'ɨ̇ oikwa ite, che pɨ'añemoñetasa arekose supiete va'e:

1 Corintios 10:14

Sese, che rɨvrɨ eta che rembiaɨsu, peyepepɨ mba'e ra'anga mboeteisa sui.

1 Corintios 10:33

Che opakatu che rembiapo pɨpe aipota ite mba'e tuprɨ apo agwä opakatu ava upe narä, nda'ei cheyeupeño mba'e tuprɨ aseka, ambuae ava upe avei mba'e tuprɨ aipota iñepɨsɨrö agwä yuvɨreko.

1 Corintios 14:26

Che rɨvrɨ eta, peñemonu'äpase, oimera pe pa'ü pendar osapukai pota va'e sapukaisa Tüpä upendar, ambuae evokoiyase oipota ite ava mbo'e yuvɨreko, anise ambuae omombe'u pota ava upe mba'e oyeupe omboyekwa uka va'e Tüpä, ambuae oipota ite oñe'ë ñe'ësa ndikwasai va'e pɨpe, anise ambuae osendukwa uka pota avei ambuae ava upe ñe'ësa ndikwasai va'e. Opakatu rumo ko mba'e yayapora ambuae Jesús reroyasareta seroya katu agwä yuvɨreko.

2 Corintios 10:8

Yepe ayeeko mboɨvate che mborerekwasa rese peü viña, ipɨpe rumo nachi ete; esepia yande Yar ombou mborerekwasa cheu pe rekokwer movɨräkwä tuprɨ agwä, nda'ei rumo pe rekokwer momarä agwä.

2 Corintios 11:10

Supiete aikwa supi tuprɨ va'e mba'e Cristo suindar, evokoiyase supiete avei che aikwa ndipoi chietera ava ɨvɨ Acaya rupi vɨrokwa va'erä ko che vɨ'aretesa che sui yuvɨreko.

2 Corintios 11:31

Tüpä yande Yar Jesús Yesupa, a'e imboeteiprɨ sekoi apɨre'ɨ̇ va'e yepi, oikwa avei amombe'use ñe'ësa supi tuprɨ va'e yepi.

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Corintios 13:10

Aikwachia ko che ñe'ë imondo peü pe pɨri che so agwä renonde, akoi asose, namboyekwa pirätäi chira che mborerekwasa eipeve, a'e ni'ä yande Yar ombou va'e cheu pe reko momirätä katu agwä, nda'ei pe reko momarä agwä, a'e rumo ombou pereko katuprɨ agwä.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 3:1

Ore oroñe'ëse ko rese peü, ¿ndoyavɨi oroyeekomboɨvateai oreaetëi va'e? ¿Orosekara tie aipo kwachiar pe suindar, inungar ko ambuae oyapo va'e yuvɨreko yepi?

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Filipenses 4:1

Sese che rɨvrɨ eta, che rembiaɨsu, peyemovɨräkwära yande Yar rese yepi; che ni'ä opoepia pota ite, pe inungar porerekosa imbouprɨ peiko cheu, esepia che vɨ'asa peiko.

1 Tesalonicenses 5:11

Sese peyemongere'ɨ̇ katu, iyavei peyemovɨräkwä katu vɨte peyeupe inungar ko peyapo peiko.

Hebreos 6:9

Che mborɨpar saɨsuprɨ, yepe aipo oro'e peü viña, oromo'ä ite rumo mba'e avɨye katu va'e peü ko ñepɨsɨrösa pare.