2 Corintios 12:16 - Tüpä Ñe'ëngagwer

¹⁶ Cheu mba'e ipanese, ndaporandui ete mba'e pereko va'e rese peü. Amove rumo ava, yande mbopa agwä tëi egwë e'i Pablo yandeu e'i yuvɨreko.

Tũpa Ñehengagüer

¹⁶ Cheu mbahe ipanese, ndaporandui eté mbahe pereco vahe rese pẽu. Amove rumo ava, “Yande mbopa ãgua tẽi ẽgüe ehi Pablo yandeu” ehi tẽi yuvɨreco.

2 Corintios 12:16 Iomraidhean Croise

2 Corintios 1:12

Oime mba'e ore mbovɨ'arete va'e, ore pɨ'a pɨpe oroikwa tuprɨ Tüpä suindar ore reko katuprɨsa pɨpe, ore pɨ'añemoñeta tuprɨsa pɨpe avei ko ɨvɨ pɨpendar ava rembiepiave, pe rembiepiave avei ete. Tüpä porovasasa pɨpe ni'ä egwë oro'e, nda'ei ava ko ɨvɨ pɨpendar mba'ekwasa pɨpe tëi.

2 Corintios 11:20

pe ni'ä pemboyoyaño akoi mbigwai tëi nungar pe rereko va'e, mba'e pe rembiereko sui tëi oikove va'e, pe mbopa tëisar, pe reroɨrösar, pe rova pete-petesar avei.

2 Corintios 12:13

Ko mba'e reseño pe ɨvɨ kotɨ katu peiko ambuae Jesús reroyasareta sui, che ndopomañekoise mba'e cheu pembou va'erä rese: ¡ayavɨ tie che kwaita egwë a'ese peü! Peñerö sese cheu.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

2 Corintios 6:8

Amove ava ore mboeteiai, amove rumo oñemoɨrö yuvɨreko oreu; amove avei oñe'ë tuprɨai ore rese yuvɨreko, ipare rumo iñe'ë-ñe'ë tëi ore rese yuvɨreko yepi no. Iyavei amove oporombopa tëi va'e nungar ore rereko yuvɨreko, yepe oromombe'u tëi mba'e supiete va'e viña.

2 Corintios 7:2

¡Che pɨsɨ peye pe pɨ'a pɨpe! Ndoroyapoi ni'ä mba'e tëi ava upe; ndoroyapoi avei mba'e naporäi va'e ava upe; ndorombopai avei ambuae ava.

1 Tesalonicenses 2:3

Esepia ndoroyavɨi ete ore ñe'ë iyavei ndoroñe'ëi ore pɨ'añemoñeta raisa tëi pɨpe peü, ndorombopai avei ava ore porombo'esa pɨpe.

1 Tesalonicenses 2:5

Peikwa ni'ä ore ndoroñe'ëi ete ñe'ësa ikatuprɨ katu va'e rese pe mbopa agwä, iyavei nda'ei gwarepochi potasave tëi oroñe'ë tuprɨ. Tüpä oikwa ite ko opakatu mba'e ore rembiapo.

1 San Pedro 2:3

peikwa ni'ä yande Yar reko avɨyesa.