2 Corintios 12:10 - Tüpä Ñe'ëngagwer

¹⁰ Sese Cristo rese che rekosa pɨpe avɨyeño ite ndache pirätäise, ambuae ava oñe'ë raise che rese, mba'e ipanese cheu, ambuae che reka-reka tëise che reko momarä agwä yuvɨreko iyavei mba'e yavai va'e aiporarase Cristo sui, esepia ayanduse che pirätä e'ɨ̇sa a'ese che pirätä katu.

Tũpa Ñehengagüer

¹⁰ Sese Cristo rese che recosa pɨpe avɨyeño ité ndache pĩrataise, que ambuae ava oñehe raise che rese, que mbahe ipanese cheu, ambuae che reca-reca tẽise che reco momara ãgua yuvɨreco iyavei que mbahe yavai vahe aiporarase Cristo sui. Esepia, ayanduse che pĩrataẽhɨsa, ahese che pĩrata catu.

2 Corintios 12:10 Iomraidhean Croise

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Juan 15:21

Ko opakatu mba'e che rekokwer sui tëi egwë e'ira yuvɨreko peü, esepia ndoikwai ete ni'ä che mbousar yuvɨreko.”

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

Romanos 5:3

Nda'ei rumo sese gweraño yayembovɨ'a, yande yemombaraɨsusa rese avei ni'ä yayembovɨ'a yaiko; esepia yaikwa ite paraɨsusa yande mbo'e yande ñemosa agwä,

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

2 Corintios 1:4

A'e ni'ä yande mbovɨ'año opakatu yande paraɨsusa pɨpe, yande avei evokoiyase yaikatura ava iparaɨsu va'e mbovɨ'a agwä, egwë e'i ete Tüpä imbou vɨ'asa yandeu, a'e avei yande yamondora yuvɨreko chupe.

2 Corintios 10:18

Esepia akoi ava che aiko tuprɨ e'i va'e nda'ei a'e osë tuprɨ gwekoa'äsa sui yande Yar rovake, avɨye ite ko mbɨa e'ise rumo yande Yar chupe, a'e osë tuprɨ gwekoa'äsa sui.

2 Corintios 12:9

yande Yar aipo e'i cheu: “Che porovasasa ndeu ambou va'e iyara nde ñemosa agwä; esepia che pirätäsa oyekwa katu ite ava nipirätäi va'e rekokwer rese evokoiyase che ayembovɨ'a katuño itera che reko nipirätäi va'e rese.” Egwë e'ira Jesucristo pirätäsa oyekwa che rese.

2 Corintios 13:4

Supiete ni'ä a'e yatɨkasa kurusu rese, inungar ava nipirätäi va'e, kurïtëi rumo a'e oikove Tüpä pirätäsa pɨpe. Egwë oro'e avei ore seko pirätä e'ɨ̇sa sereko, oroikose rumo sese oroiko Tüpä pirätäsa pɨpe pe rese añeko agwä.

2 Corintios 13:9

Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

2 Corintios 4:5

Ndiyai yande yeupe ae tëi ñe'ësa yamombe'u, iya rumo yamombe'u yande Yar Jesucristo rekokwer ite yaiko; esepia ore mbigwai nungar tëi oroiko peü Jesús raɨsupave.

2 Corintios 5:15

Cristo ni'ä omano opakatu yande repɨrä, yande yaikove vɨte va'e evokoiyase nda'e iri yande yeupe narä tëi yaiko; yande rumo yaiko chupe narä ite, esepia a'e omano okwerayevɨ yande rese.

2 Corintios 5:20

Ore evokoiyase Cristo porokwaita rupi oroñe'ë va'e oroiko, inungar Tüpä ite oñe'ëra peü viña. Sese peyevɨ Tüpä upe a'e pe rekokwer moigätura oyeupe narä oro'e Cristo rer pɨpe peü.

2 Corintios 6:4

Ore rumo oromboyekwa ite Tüpä rembigwai ore rekosa, esepia ore reko mbegwesa pɨpe oroñemosaño mba'e-mba'e tëi upe, yepe ipane mba'e oreu viña, iyavei mba'e yavaise;

2 Corintios 7:4

Añe'ë pota ite pe rese iyavei che yembovɨ'asa pɨpe. Opakatu yande paraɨsusa pa'üve, ayemongere'ɨ̇ katuño ite vɨ'aretesa pɨpe vichiko.

Efesios 6:10

Sese peyemovɨräkwä katu yande Yar rese, ipirätäsa rese avei.

Filipenses 1:29

Supiete nda'ei Cristo rekokwer reroya agwä gweraño Tüpä oipota peü. Sese peyemombaraɨsu agwä avei oipota.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

2 Tesalonicenses 1:4

Evokoiyase, ore oroñe'ë pe rese ore vɨ'asa pɨpe Tüpä reroyasar ñemonu'äsa rupi, esepia akoi ava mba'e-mba'e tëise peü, peñemosaño chupe Cristo rese peyeroyasa pɨpe.

2 Timoteo 3:11

ereiporara avei mba'e-mba'e tëi che rupive eiko, inungar oyapo Antioquía ve, Iconio ve Listra ve avei yuvɨreko cheu. ¡A'eve aiporara mba'e-mba'e tëi paraɨsusa vichiko! Yande Yar rumo che pɨsɨrö opakatu evokoi mba'e-mba'e tëi sui.

Santiago 1:2

Che rɨvrɨ eta, pevɨ'areteñora peiko akoi oimese tekoa'äsa peü yepi.

Apocalipsis 2:3

Iyavei che aikwa peñemosañose peyemombaraɨsu peiko che raɨsupave, ndapekwerai ete ipɨpe.