2 Corintios 11:9 - Tüpä Ñe'ëngagwer

⁹ Iyavei aikose pe pa'üve ipane avei mba'e cheu, ndopomañekoi ete rumo; yande rɨvrɨ ɨvɨ Macedonia pendar yugweru va'e ombou mba'e ipane va'e yuvɨreko cheu. Egwë a'e che pepoɨsupave pe mañeko e'ɨ̇ vichiko, ndopomañekoi chietera ni'ä mba'e ipanese cheu.

Tũpa Ñehengagüer

⁹ Iyavei acoi aicose pe pãhuve, ipane avei mbahe cheu. Ndopomañecoi eté rumo; yande rɨvrɨ ɨvɨ Macedonia pendar yugüeru vahe ombou mbahe ipane vahe yuvɨreco cheu. Ẽgüe ahe che pepoɨsupave pe mañecoẽhɨ vichico. Ndopomañecoi chietera niha mbahe ipanese cheu.

2 Corintios 11:9 Iomraidhean Croise

Los Hechos 18:3

iyavei iporavɨkɨsa oyoya tuprɨ ite yuvɨreko, mba'e pirer apoprɨ mbovɨvɨsa rese, opɨta ipɨri oporavɨkɨ va'erä.

Los Hechos 18:5

Oyepotase rumo Silas iyavei Timoteo Macedonia sui yuvɨreko, a'ese Pablo oyemondo ite Jesús rekokwer mombe'u agwä judío eta upe, aipo e'i Jesús ni'ä sekoi Poropɨsɨrösar ite yepi.

Los Hechos 20:33

Nda'ei gwarepochi iyavei pe turukwar potasave egwë a'e vichiko;

Romanos 15:26

Esepia ɨvɨ Macedonia pendar iyavei Acaya pendar Jesús reroyasar, a'e omonu'ä gwarepochi yuvɨreko Jerusalén ve yande rɨvrɨ iparaɨsu va'e pɨtɨ̇vɨï agwä.

1 Corintios 16:17

Avɨ'arete ite yugweruse che repia Estéfanas, Fortunato iyavei Acaico, esepia a'e oyapo ite pe ndapeikatu tuprɨi va'e apo yuvɨreko

2 Corintios 6:4

Ore rumo oromboyekwa ite Tüpä rembigwai ore rekosa, esepia ore reko mbegwesa pɨpe oroñemosaño mba'e-mba'e tëi upe, yepe ipane mba'e oreu viña, iyavei mba'e yavaise;

2 Corintios 9:12

Esepia ko pemondo va'e yande rɨvrɨ eta pɨtɨ̇vɨï agwä, nda'ei peipɨtɨ̇vɨï mba'e ipane va'e rese gweraño, ichui avei ni'ä, avɨye Tüpä upe e'ira yuvɨreko.

Filipenses 2:25

Iyavei revo avɨye katu ko yande rɨvrɨ Epafrodito, amboyevɨra pe pɨri a'e pembou va'e che pɨtɨ̇vɨï agwä mba'e cheu ipane va'e rese, a'e che ndugwer oporavɨkɨ pirätä va'e Tüpä upe.

1 Tesalonicenses 2:6

Ore ndorosekai ete ava ore mboetei katu agwä yuvɨreko: ndorosekai avei pesui ambuae ava sui aveino.

1 Tesalonicenses 2:9

Che rɨvrɨ eta, peyemoma'endu'a akoi ore paraɨsu agwer rese, ore poravɨkɨ agwer rese arɨ pɨ̇tü reseve avei, nda'ei pe mañeko tëi agwä mba'e oromombe'u Tüpä ñe'ëngagwer oroiko peü.

Hebreos 11:37

Ambuae eta evokoiyase oapi-apise ita pɨpe opa omano yuvɨreko, amove imombɨtesa ɨvɨra asɨasa pɨpe, anise ambuae yukasa kɨse puku pɨpe; amove ipa'ü pendar ogwata tëi, ovesa, kavara pirerño tëi iyemondesa, iparaɨsu mba'e pore'ɨ̇ yuvɨreko nombo'e katui ava ipɨ'a ñemoñetasa pɨpe sereko iyavei marä-marä tëi vɨreko yuvɨreko no.