2 Corintios 11:7 - Tüpä Ñe'ëngagwer

⁷ ¿Mba'e tëi pi'ä ayapo amombe'use Tüpä ñe'ëngagwer ndapemboepɨise cheu, che ayeeko momini pe rekokwer mboɨvate katu agwä vichiko?

Tũpa Ñehengagüer

⁷ Ndamombehui eté niha ñehesa pɨ̃sɨrosa resendar pe cheu imboepɨ ãgua; pe recocuer mboɨvate catu ãgua rumo Tũpa rovaque ẽgüe ahe che reco yemominisa pɨpe. ¿Mbahe tẽi pĩha ayapo ẽgüe ahese pẽu?

2 Corintios 11:7 Iomraidhean Croise

Los Hechos 20:33

Nda'ei gwarepochi iyavei pe turukwar potasave egwë a'e vichiko;

Los Hechos 20:34

supiete peikwa, aporavɨkɨse che rekove agwä, che rupindar rekove agwä avei.

Romanos 1:1

Che Pablo, Jesucristo rembigwai aikwachia ko che ñe'ë peü. Tüpä che poravo Jesús ñe'ë mombe'usar che reko agwä, ñe'ësa poropɨsɨrösa resendar mombe'u agwä.

1 Corintios 9:12

Esepia ambuae oikatu mba'e pɨsɨ agwä oyeupe narä yuvɨreko pe sui, evokoiyase ore avei ni'ä oroikatu mba'e pɨsɨ agwä pe sui ore poravɨkɨsa pɨpe viña. Ore rumo egwë ndoro'ei ete, esepia ore oroñemosaño ite tiñe'ë marä eme ko ñe'ësa Cristo rese yuvɨreko ore yapave.

1 Corintios 9:6

¿Ore gweraño tie Bernabé rese oroporavɨkɨra ambuae mba'e rese ore rekove agwä?

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 10:16

Iyavei orosärö ñe'ësa pɨsɨrösa resendar mombe'u ava amombrɨ katu yuvɨrekoi va'e upe, nda'ei chira rumo ambuae ava poravɨkɨ agwer rese tëi oroyeekomboɨvate oroiko.

2 Corintios 12:13

Ko mba'e reseño pe ɨvɨ kotɨ katu peiko ambuae Jesús reroyasareta sui, che ndopomañekoise mba'e cheu pembou va'erä rese: ¡ayavɨ tie che kwaita egwë a'ese peü! Peñerö sese cheu.

2 Corintios 2:12

Ayepotase tekwa Tróade ve Cristo rekokwer mombe'u agwä, oime ite yande Yar upe narä a'eve che poravɨkɨ agwä.

1 Tesalonicenses 2:9

Che rɨvrɨ eta, peyemoma'endu'a akoi ore paraɨsu agwer rese, ore poravɨkɨ agwer rese arɨ pɨ̇tü reseve avei, nda'ei pe mañeko tëi agwä mba'e oromombe'u Tüpä ñe'ëngagwer oroiko peü.

2 Tesalonicenses 3:8

ndoro'u tëi avei ambuae ava rembi'u imboepɨre'ɨ̇prɨ. Ore rumo oroporavɨkɨ iyavei orekwerai arɨ pɨ̇tü reseve ambuae ava mañeko tëi e'ɨ̇ agwä.