2 Corintios 11:29 - Tüpä Ñe'ëngagwer

²⁹ Oimese oiporara va'e mba'erasɨkwer, che avei ayandu ko mba'erasɨsa; akoi oimese oyavɨ uka va'e mba'e, che avei añemoɨrö egwë e'ise.

Tũpa Ñehengagüer

²⁹ Oimese que oiporara vahe mbaherasɨcuer, che avei ayandu co mbaherasɨsa. Acoi que oimese oyavɨ uca vahe mbahe, che moñemoɨro uca.

2 Corintios 11:29 Iomraidhean Croise

San Mateo 11:6

¡Ovɨ'aretera akoi ava oyeroyaño va'e che rese!”

San Juan 2:17

Evokoiyase semimbo'e eta, oyemoma'endu'a ñe'ësa Ikwachiaprɨ araka'endar aipo e'i va'e rese: “Nde rëtä rese che rekate'ɨ̇sa sui che mokañɨrä yuvɨreko.”

Romanos 12:15

Peyembovɨ'a akoi ava oyembovɨ'a va'e rupive; peyase'o avei ava oyase'o va'e rupive.

Romanos 15:1

Yande yayemovɨräkwä katu va'e Cristo rese yande yeroyasa pɨpe, iyakatu yande teiete yañemosañora ava Tüpä rese ndipɨ'añemoñeta tuprɨ vɨtei va'e rese, nda'ei chira rumo yande ae tëi yayembovɨ'a.

1 Corintios 11:22

¿Ndipoi vo pe rëtä, a'eve pe karu agwä peɨ'u agwä avei? ¿Ma'erä peroɨrö ambuae Tüpä reroyasareta ndovɨrekoi va'e mba'e yuvɨreko? ¿Marä a'era vo evokoiyase peü? ¿Avɨye ite yuvɨrekoi a'era pi'ä? ¡Ani chietera ko mba'e pe rembiapoai rese!

1 Corintios 12:26

Evokoiyase ñepëi yande pa'ü pendar upe mba'e tasɨse, opakatu ambuae upe avei tasɨ; anise ñepëi imboyeroyaprɨ sekoise, ambuae avei opakatu oyembovɨ'a yuvɨreko sese.

1 Corintios 15:36

¡Pe aipo peye-peye tëi peiko! Esepia mba'e rä'ɨi yañotɨ̇se, ituyu rane ite sorɨ agwä.

1 Corintios 8:13

Sese yande mba'e ro'o usa pɨpe sui yamboangaipa ukase yande rɨvrɨ viña, ndaya'u iri chietera evokoi mba'e ro'o yande rɨvrɨ mboangaipa uka e'ɨ̇ agwä.

1 Corintios 8:9

Peü ni'ä avɨyeño ite pe'u va'erä viña; peikwa katura rumo, avɨyeteramo Jesús reroyasar ndoikatu tuprɨ vɨtei va'e pemboangaipa ukara.

1 Corintios 9:22

Iyavei no aikose ava yande Yar ndovɨroya tuprɨ vɨtei va'e pa'üve sekokwer nungar tuprɨ avei aiko Yar upe imongere'ɨ̇ katu agwä. Egwë a'e opakatu ava upe toñepɨsɨrö katu a'e avei yuvɨreko viya.

2 Corintios 13:9

Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

Gálatas 2:14

Che asepiase rumo, nda'oyoyai sekokwer yuvɨreko ko ñe'ësa poropɨsɨrösa resendar supi tuprɨ va'e rese, ichui Pedro upe añe'ë opakatu Jesús reroyasar rovake: “Nde ni'ä judío, ereiko rumo inungar nda'ei va'e judío; ¿ma'erä evokoiyase kurïtëi erembo'e tëi nde rembiapo pɨpe evokoi ava nda'ei va'e judío Jesús reroyasar judío rereko uka agwä?”

Gálatas 6:2

Peñepɨtɨ̇vɨ-tɨvɨï katu mba'e yavairai va'e rese, egwë peyese Cristo porokwaita pemboavɨyera.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.