2 Corintios 11:28 - Tüpä Ñe'ëngagwer

²⁸ Nda'ei ko opakatu mba'e gweraño aiporara, arɨ yakatu rupi che ma'endu'año ite opakatu tekwa rupindar Jesús reroyasar rese.

Tũpa Ñehengagüer

²⁸ Ndahei co opacatu mbahe güeraño aiporara, arɨ yacatu rupi che mahenduhaño ité avei opacatu tecua rupindar Jesús reroyasar rese.

2 Corintios 11:28 Iomraidhean Croise

Los Hechos 15:36

Koiye Pablo aipo e'i Bernabé upe: –Yaso yasepia iri Jesús reroyasar opakatu tekwa rupi yande Yar ñe'ëngagwer yamombe'u va'ekwer, marä e'i pi'ä a'e yuvɨreko.

Los Hechos 18:23

Opɨta puku pare a'eve, osë ogwata iri Galacia rupi Frigia rupi avei, opakatu Jesús reroyasar mongere'ɨ̇ agwä.

Los Hechos 20:2

Ogwatase Macedonia rupi, omongere'ɨ̇ avei ambuae Jesucristo reroyasar yuvɨrekoi va'e tekwa-tekwa rupi; ipare oyepota Grecia ve oso,

Los Hechos 9:31

Evokoiyase opakatu Jesús reroyasar, yuvɨrekoi va'e Judea rupindar, Galilea rupindar iyavei Samaria rupindar, chupe oime mba'e tuprɨ. Iyavei oyemovɨräkwä tuprɨ katu yuvɨreko yande Yar mboeteisa pɨpe, Espíritu Maräne'ɨ̇ oipɨtɨ̇vɨï iyemboeta katu agwä.

Romanos 1:14

Che kwaita ni'ä opakatu ava upe che ñe'ë agwä, tekwa pɨpendar yuvɨrekoi va'e upe iyavei ndayarakwa vɨtei va'e upe, imba'ekwa va'e upe anise nimba'ekwai va'e upe avei.

Romanos 11:13

Che amombe'u pota mba'e peü, pe nda'ei va'e judío peiko. Tüpä ni'ä che kwai oñe'ë mombe'u agwä nda'ei va'e judío upe, sese cheu avɨye ite ko che poravɨkɨsa.

Romanos 15:16

Jesucristo rese che poravɨkɨ agwä ava nda'ei va'e judío rekokwer avɨye agwä. Evokoiyase judío pa'i nungar che kwaisa pɨpe amombe'u ko ñe'ësa Tüpä ombou va'e pɨsɨrösa resendar yuvɨreko chupe imopore'ɨ̇ agwä Tüpä rovai inungar mba'e seropove'ëprɨ avɨye va'e Tüpä upe Espíritu Maräne'ɨ̇ pɨpe yepi.

Romanos 16:4

A'e avei ni'ä mba'e tëi pɨpe omondo gwekokwer che repɨkave yuvɨreko, nda'ei chupeño avɨye a'e, opakatu nda'ei va'e judío Jesús reroyar upe avei.

1 Corintios 7:17

Ñepëi-pëi yande Yar ombou tekokwer yaiko va'erä yande remimbotar rupi, inungar Tüpä yɨpɨndar yande poravo oiko. Ko mborokwaita opakatu rupi ete amombe'u Jesús reroyasar upe vichiko.

Colosenses 2:1

Che aipota peikwa che yemboakɨsa pe rekokwer rese, Laodicea pendar rekokwer rese, seta ambuae ava che kwapare'ɨ̇ rekokwer rese avei.