2 Corintios 11:13 - Tüpä Ñe'ëngagwer

¹³ a'e rumo nda'ei Jesús ñe'ë mombe'usar supi tuprɨ va'e yuvɨrekoi, a'e oporombopa tëi, ore Jesús ñe'ë mombe'usar oroiko e'i tuprɨ tëi yuvɨreko.

Tũpa Ñehengagüer

¹³ Ahe rumo ndahei apóstol supi tuprɨ vahe yuvɨrecoi, ahe oporombopa tẽi, “Ore apóstol oroico” ehi tuprɨ tẽi yuvɨreco.

2 Corintios 11:13 Iomraidhean Croise

San Mateo 25:24

“Ipare oyepota ambuae ou mbigwai oipɨsɨ va'e mil gwarepochi, a'e aipo e'i gwerekwar upe: ‘Che rerekwar, aikwa ite nderekokwer nandeavaise, esepia ava remitɨ̇gwer tëi eremonu'ä ambuae remitɨ̇gwer tëi avei ereipɨsɨ ndeyeupe narä.

Los Hechos 15:1

A'e arɨ rupi araka'e, oime yuvɨraso va'e Judea sui Antioquía ve a'eve omboɨpɨ Jesús reroyasar mbo'e yuvɨreko pe ndape ñepɨsɨröi chietera ndapeye mbocircuncidaise, aipo e'i ete Moisés rembikwachiagwer pɨpe araka'e.

Los Hechos 15:24

Oroyandu amove ava ore pa'ü pendar pe mañeko tëi aipo oporombo'esa pɨpe yuvɨreko, a'e ava nda'ei ore okwaita pɨpe yuvɨraso peü, iyavei pe pɨ'añemoñeta rerova yuvɨreko.

Los Hechos 20:30

Oime aveira ava pe pa'ü pendar pe mbopa pota va'e yuvɨreko pereraso agwä oyeupi.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

2 Corintios 11:15

sese yaikwa avei Karugwar povrɨ pendar oporombopasa pɨpe oyeapo inungar Tüpä ñe'ë mombe'usar yuvɨreko. ¡A'e chupe rumo oimerä Tüpä ñemoɨrösa mba'e sembiapokwer rupi kuri!

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

Gálatas 1:7

Supiete ndipoi ambuae ñe'ësa pɨsɨrösa resendar. Egwë e'i rumo, oime ava pe mañeko tëi va'e pe mbopa agwä ñe'ësa supi tuprɨ va'e sui yuvɨreko, iyavei vɨrova pota ko ñe'ësa Jesucristo resendar yuvɨreko.

Gálatas 2:4

Oime rumo amove yande rɨvrɨ anga'u tëi, a'e yuvɨroike mbegwe va'e ore pa'üve yasekoepia rane, supiete ndovɨroyai Moisés porokwaita Cristo Jesús reroyasa pɨpe yuvɨreko oyapave.

Gálatas 4:17

Evokoi ava ikere'ɨ̇ ite pe rese, nda'ei rumo mba'e avɨye va'e apo agwä yuvɨreko. A'e rumo oipota pe mboyepepɨ agwä tëi ore sui yuvɨreko pe kere'ɨ̇ agwä supi.

Gálatas 6:12

Evokoi ava pe mbocircuncida uka pota va'e gwemimbotar rupi tëi, a'e yuvɨropɨta tuprɨ va'erä egwë e'i ava rese yuvɨreko, esepia ndoipotai oamotare'ɨ̇ ko ñe'ësa Cristo atɨka agwer mombe'u pɨpe yuvɨreko.

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Filipenses 3:18

Amombe'u akoi seta yupagwer rupi peü, kurïtëi rumo amboyevɨ irira imombe'u che yase'osa pɨpe peü, seta avei yuvɨrekove ava ko ñe'ësa Cristo mano agwer kurusu resendar amotare'ɨ̇mbar,

Filipenses 3:2

Peñearö akoi ava sekokwerai va'e sui, evokoi mboravɨkɨ naporäi va'e aposar iyavei ava retekwer momaräsar yuvɨrekoi va'e sui;

Colosenses 2:4

Ko mba'e amombe'u peü ava oñe'ë tuprɨaisa pɨpe tëi pe mbopa e'ɨ̇ agwä.

Colosenses 2:8

Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

1 San Juan 2:18

Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.