2 Corintios 11:1 - Tüpä Ñe'ëngagwer

¹ ¡Peñemosa iriñomi tëira cheu ko che ñe'ë ndayarakwai va'e nungar pɨpe che ñe'ëse! Peremimbotar rupi peñemosañomi tëi cheu.

Tũpa Ñehengagüer

¹ ¡Peñemosa iriñomi tẽira cheu co che ñehe ndayaracuai vahe nungar pɨpe che ñehese!

2 Corintios 11:1 Iomraidhean Croise

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

Los Hechos 18:14

Pablo oñe'ë pota tëi viña, Galión rumo aipo e'i judío eta upe: –Supiete oimese mba'e naporäi va'e anise porapichisa tuvicha va'e, a'ese che asendura peñe'ë pe judío peiko va'e viña.

Los Hechos 26:29

Pablo aipo e'i: –Tüpä oipotase ereroya va'erä ñe'ësa nde Mborerekwar ɨvate katu va'e anise seta arɨ rupi avei, opakatu osendu va'e che ñe'ë kurïtëi, inungar che aiko, nda'ei chira rumo mba'e-mba'e tëi pɨpe.

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 3:18

Peyembopa eme katu pe ae: oimese pe pa'ü pendar inungar imba'ekwa vai va'e ko ɨvɨ pɨpendar pɨ'a ñemoñetasa rupi tëi, toyeekomombegwemi rane oarakwa agwä, a'ese osupitɨra mba'e kwasa avɨye va'e.

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

1 Corintios 4:8

Ndoyavɨi pereko ite va'e opakatu mba'e pe remimbotar viña, ndoyavɨi avei nipanei va'e ite mba'e peü, iyavei ndoyavɨi mborerekwar ɨvate katu va'e peiko ore sui. ¡Mborerekwar ɨvate katu va'e peikose viña, a'ese ore avei oroikera pe mborerekwasave!

2 Corintios 11:19

Esepia yepe pe imba'ekwa vai va'e nungar peiko, pemboyoya katu pe kere'ɨ̇sa pɨpe ava ndayarakwai va'e,

2 Corintios 11:21

Yepe achïai imombe'u peü viña, ¡ore reko mbegwe eteprɨ evokoi nungar apo agwä peü! Akoi oñe'ëse ambuae ava oyeupendar mba'e rese oyemboɨvate aisa pɨpe, che avei evokoiyase egwë a'era, yepe ndayarakwai va'e nungar aikora.

2 Corintios 11:4

Esepia peñemosaño ava oñe'ë va'e peü ambuae Jesús rese ndoyoyai va'e ore remimombe'u rese; ichui peipɨsɨ pe kere'ɨ̇sa pɨpe ambuae Espíritu peipɨsɨ va'ekwer sui, iyavei ambuae ñe'ësa pɨsɨrösa resendar peipɨsɨ avei ndoyoyai va'e ore oromombe'u va'e rese peü.

2 Corintios 12:11

Che ndayarakwai va'e nungar aiko peü, pe rese tëi rumo egwë a'e. Iya rumo peñe'ë tuprɨra che rese, esepia yepe nda'ei seko ɨvate va'e aiko viña, ko Jesús ñe'ë mombe'usar anga'u tëi rumo pe supi pegwata va'e nda'ei ɨvate katu va'e che sui yuvɨreko.

2 Corintios 5:13

Ndayarakwai va'e nungar ore rerekose amove pe pa'ü pendar yuvɨreko, Tüpä upe rumo egwë oro'e oroiko; yarakwa va'e nungar rumo ore rerekose peye peü mba'e avɨye agwä rese egwë oro'e.

Hebreos 5:2

A'e pa'i ni'ä oiporara avei teko asɨsa ambuae ava nungar, sese gwekoasɨ e'ɨ̇sa pɨpe oipɨtɨ̇vɨï ava ndayarakwai va'e mba'e oyavɨ va'e avei;