2 Corintios 10:8 - Tüpä Ñe'ëngagwer

⁸ Yepe ayeeko mboɨvate che mborerekwasa rese peü viña, ipɨpe rumo nachi ete; esepia yande Yar ombou mborerekwasa cheu pe rekokwer movɨräkwä tuprɨ agwä, nda'ei rumo pe rekokwer momarä agwä.

Tũpa Ñehengagüer

⁸ Yepe ayeecomboɨvate che mborerecuasa rese pẽu viña, ipɨpe rumo nachi eté. Esepia, yande Yar ombou mborerecuasa cheu pe recocuer movɨracua tuprɨ ãgua, ndahei rumo pe recocuer momara ãgua.

2 Corintios 10:8 Iomraidhean Croise

2 Corintios 1:24

Ore nda'ei oroiko pe pɨ'a ñemoñetasa rerekwar; ore rumo oroiko pota pepɨtɨ̇vɨï agwä, pereko va'erä vɨ'aretesa esepia pe poreroyasa pereko ite ñemovɨräkwäsa pɨpe.

2 Corintios 10:4

Esepia ore yoepɨsa nda'ei ava ko ɨvɨ pɨpendar yoepɨsa nungar, orovɨreko rumo Tüpä pirätäsa mba'e tëi seko pirätä va'e rekopɨ agwä. Ava arakwasa tëi rekopɨ agwä avei

2 Corintios 10:9

Anichira pe pɨ'a ñemoñeta pesɨkɨye agwä che rembikwachia sui.

2 Corintios 12:19

Che rɨvrɨ eta, che rembiaɨsu, pe revo pepɨ'añemoñeta ore oroikwachia ko peü, ore yoepɨ agwä tëi. Egwë ndoro'ei ete rumo, ore rumo Cristo rese ore reko pɨpe oroñe'ë Tüpä rovake. Opakatu ite ni'ä mba'e oroyapo pe rekokwer movɨräkwä katu agwä.

2 Corintios 12:6

Yepe che añe'ë tuprɨaira cheyese viña, che revo nda'ei chira ndayarakwai va'e nungar aiko, esepia mba'e supiete va'e amombe'ura viña; a'e rumo ndayapoi, esepia tipɨ'añemoñeta katu che rembiapo rese, che remimombe'ugwer rese avei yuvɨreko che kerve nungar mba'e mombe'u rägwer sui viya,

2 Corintios 13:10

Aikwachia ko che ñe'ë imondo peü pe pɨri che so agwä renonde, akoi asose, namboyekwa pirätäi chira che mborerekwasa eipeve, a'e ni'ä yande Yar ombou va'e cheu pe reko momirätä katu agwä, nda'ei pe reko momarä agwä, a'e rumo ombou pereko katuprɨ agwä.

2 Corintios 13:8

Esepia ndiyai mba'e supi tuprɨ va'e amotare'ɨ̇ agwä oreu, egwë e'i rumo sese katu ite oroñe'ë.

2 Corintios 7:14

Che amombe'u ite Tito upe che vɨ'aretesa pe resendar, che ñe'ë pe resendar avɨye ite ipɨpe nachi ete. Inungar oromombe'u mba'e supi tuprɨ va'e peü yepi; inungar tuprɨ avei supiete mba'e oromombe'u va'e pe rese yeroyasave Tito upe.

2 Corintios 7:4

Añe'ë pota ite pe rese iyavei che yembovɨ'asa pɨpe. Opakatu yande paraɨsusa pa'üve, ayemongere'ɨ̇ katuño ite vɨ'aretesa pɨpe vichiko.

Gálatas 1:1

Che Pablo, imondoprɨ aiko Jesús ñe'ë mombe'usar che reko agwä nda'ei ava tëi sui ayu peü iyavei nda'ei ava tëi che kwai, Jesucristo ite ni'ä che kwai iyavei yande Ru Tüpä che mbou akoi ombogwerayevɨ va'ekwer Gwa'ɨrɨ,

2 Timoteo 1:12

Sese ni'ä che opakatu aiporara ko mba'e-mba'e tëi vichiko. Nachi ete rumo ichui yuvɨreko, esepia che aikwa uma rese ayeroya; aikwa avei vɨrekose pirätäsa akoi ñe'ësa ombou va'e, imokañɨ e'ɨ̇ agwä arɨ ipa va'e rupi ete cheu.