2 Corintios 10:14 - Tüpä Ñe'ëngagwer

¹⁴ Sese, ndoroyapɨrasai orekwaita mombe'usa ikwachia peü, esepia supiete ore ranei ete oroiko pe pa'üve. Ore ranei avei orovɨraso Cristo resendar ñe'ësa imombe'u peü.

Tũpa Ñehengagüer

¹⁴ Ore rumo ndoroyapɨrasai ore cuaita mombehusa icuachía pẽu. Esepia, supi eté ore ranei eté oroico pe pãhuve, ore ranei avei orovɨraso Cristo resendar ñehesa imombehu pẽu.

2 Corintios 10:14 Iomraidhean Croise

San Marcos 1:1

Yɨpɨndar va'e ñe'ësa ko Jesús a'e Poropɨsɨrösar sekoi, Tüpä Ra'ɨrɨ.

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Romanos 1:16

Che nachi ete ko ñe'ësa pɨsɨrösa resendar avɨye va'e sui, esepia a'e Tüpä pirätäsa opakatu seroyasar pɨsɨrö agwä, judío rane yɨpɨndar, ipare opakatu ambuae ava-ava tëi avei.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

Romanos 2:16

a'e arɨ kañɨ pɨpe Tüpä oyokwai ukara opakatu ava rembiapo kwae'ɨ̇sa reprɨ pɨsɨ agwä Jesucristo upe, ko ñe'ësa pɨsɨrösa resendar amombe'u va'ekwer rupi tuprɨ egwë e'ira kuri.

1 Corintios 2:10

Tüpä rumo oikwa uka ite mba'e Espíritu pɨpe yandeu, esepia Espíritu oikwa tuprɨ ite opakatu mba'e ndikwasai va'e Tüpä suindar oiko.

1 Corintios 3:10

Che aiko oɨ aposar esepia Tüpä oyapo uka oɨ vɨräkwäsa cheu, ambuae evokoiyase omopü'a i'arɨve. Ñepëi-pëi peiko va'e peikwa tuprɨra imopü'a,

1 Corintios 4:15

Esepia, yepe pereko atɨ pe pɨtɨ̇vɨïsar Cristo rese pe reko agwä viña, ndaperekoi rumo seta pe yesupa, esepia che amombe'use ni'ä ñe'ësa pɨsɨrösa resendar peü, a'ese ramo peroya Cristo Jesús. Seroyasa pɨpe evokoiyase che inungar pe yesupa ite aiko peü.

2 Corintios 2:12

Ayepotase tekwa Tróade ve Cristo rekokwer mombe'u agwä, oime ite yande Yar upe narä a'eve che poravɨkɨ agwä.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

1 Timoteo 1:11

Ko porombo'esa nimaräi va'e oyoya tuprɨ ñe'ësa porañete va'e poropɨsɨrösa rese. Tüpä sovasaprɨ sekoi, a'e che kwai va'e sese.