2 Corintios 1:18 - Tüpä Ñe'ëngagwer

¹⁸ Tüpä rumo oikwa ore nda'ei, “avɨye” ore'e voisa peü, a'e pɨpeve avei, “ani” ore'esa.

Tũpa Ñehengagüer

¹⁸ Tũpa rumo oicua ore ndahei, “Avɨye” ore he voisa pẽu, ahe pɨpeve avei, “Aní” ore hesa.

2 Corintios 1:18 Iomraidhean Croise

San Juan 7:28

Jesús oporombo'e vɨteseve tüpäro pɨpe oiko, aipo renduse rumo, oñe'ë pirätä aipo e'i: –¡Evokoiyase, pe chekwa ite peye peikwa avei kesui ayu! Che rumo ndayui che remimbotar tëi, che imbouprɨ ite aiko ñepëi sekokwer avɨye va'e seroyaprɨ sui, iyavei a'e pe ndapeikwai va'e ite.

San Juan 8:26

Seta iteanga areko che ñe'ë agwä peü iyavei mba'e pe rembiavɨ rese, akoi che mbousar a'e omombe'u mba'e supi va'e ite, iyavei che amombe'u va'e ɨvɨ pɨpendar yuvɨrekoi va'e upe a'e tuprɨ avei ni'ä asendu iñe'ë vichiko.

1 Corintios 1:9

Tüpä omboavɨye va'e ite oñe'ëngagwer yepi, ipɨpe sui yande yaiko sembiporavo Ta'ɨrɨ yande Yar Jesucristo rupi yagwata va'erä.

2 Corintios 1:23

Tüpä ni'ä oikwa akoi ndayevɨise Corinto ve pe pɨri, egwë a'e peü mba'e avɨye agwä rese.

2 Corintios 11:31

Tüpä yande Yar Jesús Yesupa, a'e imboeteiprɨ sekoi apɨre'ɨ̇ va'e yepi, oikwa avei amombe'use ñe'ësa supi tuprɨ va'e yepi.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 6:8

Amove ava ore mboeteiai, amove rumo oñemoɨrö yuvɨreko oreu; amove avei oñe'ë tuprɨai ore rese yuvɨreko, ipare rumo iñe'ë-ñe'ë tëi ore rese yuvɨreko yepi no. Iyavei amove oporombopa tëi va'e nungar ore rereko yuvɨreko, yepe oromombe'u tëi mba'e supiete va'e viña.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

Apocalipsis 3:14

“Eikwachia avei mbigwai ɨva pendar che reroyasar rärösar Laodicea pendar upe: ‘Ko aipo e'i ñe'ësa supiete va'e mombe'u seko katuprɨ va'e, esepia ichui ni'ä Tüpä oyapo opakatu mba'e ɨvɨ pɨpendar:

Apocalipsis 3:7

“Eikwachia avei mbigwai ɨva pendar che reroyasar rärösar Filadelfia pendar upe: ‘Ko seko maräne'ɨ̇ va'e, supi tuprɨ va'e ite, vɨreko va'e mborerekwasa araka'endar mborerekwar gwasu David nungar, akoi omboise okenda, ñepëi yepe ava nomboyai chietera; iyavei akoi omboyase, ñepëi yepe ava nomboi chiaveira: