1 Timoteo 6:9 - Tüpä Ñe'ëngagwer

⁹ Iyavei akoi ava yuvɨrekoi pota va'e mba'e yar, ndoyemovɨräkwäi rumo tekoa'äsa upe, ipare ovɨapi mba'e tëi pɨpe, seta mba'e pota raisave, ipɨpe oyeekomomarä, ipare oyemokañɨ tëi.

Tũpa Ñehengagüer

⁹ Amove rumo ava, “Mbahe rerecosar ité taico” ehi tiẽte viña, ndoyemovɨracuai rumo tecoãhasa upe. Ipare ovɨapi mbahe tẽi pɨpe, setá mbahe pota raisave, ipɨpe oyeecomomara. Ipare oyemocañɨ tẽi.

1 Timoteo 6:9 Iomraidhean Croise

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Mateo 19:22

A'e mbɨa chi'ïvä'e osenduse ko aipo e'i va'e, ndovɨ'ai tëi oso, esepia a'e mba'e yar ite sekoi.

San Mateo 26:15

Aipo e'i chupe: –¿Mbovɨ pi'ä pemboepɨra cheu, amondose Jesús peü viña? A'e evokoiyase omondo treinta gwarepochi yuvɨreko chupe.

San Mateo 6:19

“Ndapemonu'ä atɨi chietera mba'e pe rembiereko ko ɨvɨ pɨpe, esepia mba'e pe rembiereko mba'e rasoi omboaso atɨ-atɨ imokañɨpa, a'eve imondarai va'e yuvɨroike omonda.

San Marcos 4:19

a'e rumo ipɨ'a ñemoñeta opakatu omba'e eta ko ɨvɨ pɨpendar rese saɨsusave, oyembopa uka rumo omba'e eta upe, opakatu ite mba'e vɨreko pota viña. Ipɨpe sui oyemokañɨ tëi yuvɨreko, omokañɨ tëi avei Tüpä ñe'ëngagwer. Iyavei ndoyapo ukai mba'e ikatuprɨ va'e chupe.

San Lucas 12:21

Egwë e'i ete ni'ä ava oyeupeñomi tëi mba'e omonu'ä atɨ va'e, iparaɨsu ite rumo Tüpä rovai.”

San Lucas 21:35

inungar mba'e mombɨtasar. Esepia yugwerura opakatu ava arɨ rupi ko ɨvɨ pɨpendar upe narä.

Los Hechos 8:20

Evokoiyase Pedro omboyevɨ chupe: –¡Tokañɨpa nde gwarepochi nde reseve esepia nde pɨ'añemoñeta ko Tüpä ombou va'e rese, ererokwa pota va'e nde gwarepochi pɨpe viña!

Efesios 4:22

Sese, pesekuñaröra perekokwerai yɨpɨndar pereko va'e iyavei pepoira yɨpɨndar perekokwerai sui, esepia opa pe pɨ'a ñemoñeta rerova pe mba'e potaraisa.

1 Timoteo 1:9

Yaikwa avei akoi porokwaita nda'ei ava avɨye va'e upe narä. A'e rumo ndiporeroyai va'e mboarakwa agwä, ndayarakwa potai va'e upe narä, angaipa viyar upe narä avei, opakatu mba'e-mba'e tëi aposar upe narä avei, nomboetei va'e Tüpä iyavei chupendar pɨ'a ñemoñetasa; akoi vu, osɨ oyuka va'e; opakatu ava oporapichi va'e upendar,

1 Timoteo 3:7

Iyavei oyekwa uka tuprɨ ranera Tüpä reroyasare'ɨ̇ pa'üve, a'ese ndipoi chira imboetei e'ɨ̇sa iyavei ndovɨapi chira Karugwar povrɨve.

1 Timoteo 6:10

Esepia gwarepochi pota raisa sui osë opakatu mba'e naporäi va'e; amove ava ipota raisa pɨpe oyepepɨ Tüpä reroyasa sui iyavei omombaraɨsu gwekokwer ipɨpe a'e ae yuvɨreko.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

2 Timoteo 2:26

Ipɨpe sui avei toyemopoäse, toyuvɨnose karugwar povrɨ sui semimbotar apo iri e'ɨ̇ agwä.

Tito 2:12

Ko poroaɨsusa Tüpä suindar yande mbo'e mba'e-mba'e tëi sui yande rekuñarö agwä iyavei yande remimbotar sui tëi, iyavei yande reraso ko tenonde kotɨ yande rekokwer ñearö tuprɨ pɨpe, yande reko ɨ̇vi agwä iyavei yande reraso tekokwer avɨye va'e pɨpe yaiko va'ëra,

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.

San Judas 1:11

¡Iparaɨsu yuvɨreko!, Caín rekokwer rupi tuprɨ avei oyapo mba'e yuvɨreko. Inungar Balaam gwarepochi pota raisave pɨpe tëi oyavɨ gwekokwer, inungar avei Coré, omano oporeroya e'ɨ̇sa pɨpe.