1 Timoteo 6:5 - Tüpä Ñe'ëngagwer

⁵ iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.

Tũpa Ñehengagüer

⁵ iyavei iporoacasa ndopai vahe ava yaracua rai vahe pãhuve. Ndoicuai rumo mbahe supi tuprɨ vahe yuvɨreco. Ipɨhañemoñeta Tũpa rese omahenduhasa pɨpe mbahe rereco atɨ ãgua yuvɨreco viña.

1 Timoteo 6:5 Iomraidhean Croise

San Mateo 12:33

“Ɨvɨra avɨyese, i'a avei avɨyera; ɨvɨra naporäise, i'a avei naporäi chira; sese ɨvɨra ikwasa i'a tuprɨsa rese.

San Mateo 21:13

ipare aipo e'i chupe: –Ikwachiaprɨ araka'endar pɨpe aipo e'i: ‘Ko che rëtä yeruresa rëtära opakatu ava ɨvɨ pɨpendar uve narä’, pe rumo imondarai va'e rëtä nungar tëi pereko.

San Mateo 23:13

“¡Peparaɨsu katu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, pemombɨtaño ava Tüpä povrɨve seike rägwer sui yepi. Pe avei ete ndapeikei ipovrɨve, iyavei akoi yuvɨroike pota va'e pemombɨtaño seike rägwer sui.

1 Corintios 11:16

Akoi ava oñe'ë pota va'e ko tekokwer rese, toikwa rane esepia ore oroiko va'e Tüpä reroyasar, ndoroikwai ete ambuae tekokwer.

2 Tesalonicenses 3:6

Che rɨvrɨ eta, pekwaisa yande Yar Jesucristo rer pɨpe, akoi ndoporavɨkɨ potai va'e yande rɨvrɨ pe pa'üve peyepepɨño ichui, akoi ndovɨroya potai va'e avei ore porombo'esa oromombe'u va'e peü.

1 Timoteo 1:6

Esepia oime ava ichui oyearakwa mokañɨ oñe'ë-ñe'ë tëisa pɨpe yuvɨreko.

1 Timoteo 3:3

iyavei nda'ei chira kagwar tëi, ndosekai chiaveira ovava agwä iyakatu rumo seko mbegwera opakatu ava upe, ndoipotarai chiaveira gwarepochi.

1 Timoteo 3:8

Iyavei Tüpä reroyasar rese i'añeko va'e yuvɨrekoira oporomboeteisa pɨpe. Tomboavɨye oñe'ë, nda'ei chira kagwar tëi nda'ei chiaveira gwarepochi pota raisar tëi.

1 Timoteo 4:7

Ndereyapɨsakai chira rumo akoi mba'e araka'endar ko ɨvɨ pendar yapɨsaka tëisa rese. Eyembo'e katu yande Yar upeño ite nde reko agwä;

1 Timoteo 4:8

esepia yepe avɨyeño chi'ï yande retekwer yamovɨräkwä viña, yande Yar upe yande reko agwä avɨye katu opakatu yande reko upe narä. Esepia a'e yande pɨtɨ̇vɨïra yande rekove agwä kurïtëi iyavei kuri yande rekove agwä.

1 Timoteo 6:6

Supiete yayembovɨ'añose mba'e yande rembiereko rese, a'ese Tüpä rese yande pɨ'a ñemoñetasa inungar mba'e sepɨrusu va'e yandeu.

2 Timoteo 3:5

A'e inungar-ra Tüpä rese ite yuvɨrekoi va'e viña. Tüpä pirätäsa rumo nomboyekwai chietera gwembiapo pɨpe yuvɨreko oyese. Sese nde, eyepepɨño evokoi nungar ava sui.

2 Timoteo 3:8

Inungar ko ava ipaye va'e Janes iyavei Jambres serer va'e oyemboyere Moisés amotare'ɨ̇ yuvɨreko, egwë e'i avei evokoi ava porombo'esa supiete va'e amotare'ɨ̇sar yuvɨreko. A'e oyemomarä va'e opɨ'añemoñeta rai pɨpe, ndovɨroyai ete Jesús porombo'esa yuvɨreko.

Tito 1:11

Evokoi nungar ava iyakatu pemongiriri, esepia a'e ni'ä seta ava oñemu va'e omboyepepɨ uka porombo'esa supi tuprɨ va'e sui yuvɨreko, oporombo'e mba'e kokotɨ tëi va'e rese gwarepochi rereko agwä tëi yuvɨreko.

2 San Pedro 2:15

Okañɨ tëi sekokwer yuvɨreko Tüpä ñe'ë mombe'usar Bosor ra'ɨrɨ Balaam rekokwerai nungar pɨpe, esepia oyepepɨ tekokwer avɨye va'e sui mba'e tëi apo agwä gwarepochi pota raisa pɨpe yuvɨreko.

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.

San Judas 1:11

¡Iparaɨsu yuvɨreko!, Caín rekokwer rupi tuprɨ avei oyapo mba'e yuvɨreko. Inungar Balaam gwarepochi pota raisave pɨpe tëi oyavɨ gwekokwer, inungar avei Coré, omano oporeroya e'ɨ̇sa pɨpe.

Apocalipsis 18:13

iyavei ɨvɨra pirer sɨäkwä va'e; itaɨsɨ, mirra, mba'e sɨäkwä va'e; uva rɨkwer, mba'e kɨra, trigo ku'i avɨye va'e, trigo; iyavei mba'e mɨmba ovosɨi va'e no, ovesa, kavayu, karëtomi iyavei mbigwai no.

Apocalipsis 18:3

Iyavei opakatu ava ɨvɨ rupindar opa osavaɨpo yuvɨreko ndopoi potai ete yemboagwasasa sui, iyavei mborerekwareta ɨvate katu va'e ɨvɨ pɨpendar, oyapo mba'e tëi yemboagwasa yuvɨreko sese, iyavei mba'e mboepɨsar ɨvɨ pɨpendar iyavei oyeapo mba'e yar omba'e pota raisa pɨpe sui yuvɨreko.”