1 Timoteo 6:16 - Tüpä Ñe'ëngagwer

¹⁶ A'eño ite sekoi tesapesa apɨre'ɨ̇ ndopai va'e, ndipoi oyemboya va'e sese; ndipoi ete ambuae ava osepia va'e. ¡Egwë te'i, imboeteiprɨ tasekoi opakatu opirätäsa apɨre'ɨ̇ va'e rese! Amén.

Tũpa Ñehengagüer

¹⁶ Aheño ité teco apɨrẽhɨ vahe, tesapesa secoi; ndipoi oyemboya vahe sese, ndipoi eté que ava osepia vahe. ¡Ẽgüe tehi, imboeteiprɨ tasecoi opacatu opĩratasa apɨrẽhɨ vahe rese!

1 Timoteo 6:16 Iomraidhean Croise

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 14:9

Jesús omboyevɨ chupe: –Felipe, che aiko kurïtëi ko'ave seta arɨ pepa'üve, ¿ndachekwa vɨtei ete vo peye? Akoi che repiasar rumo, a'e osepia avei che Ru; ¿ma'erä vo ereporandu torosepia nde Ru ere cheu?

San Juan 6:46

“Ndipoi ete ñepëi ava osepia va'e che Ru; akoi ichui ou va'eño ite a'e gweraño tuprɨ osepia Tüpä.

San Juan 8:58

Jesús omboyevɨ chupe: –Supiete aipo a'e yɨpɨsuive ite che ayesu Abraham yesue'ɨ̇ vɨteseve.

Efesios 3:21

¡Sese egwë te'i imboeteiprɨ Tüpä tasekoi seroyasareta rekokwer sui, Cristo Jesús sui avei apɨre'ɨ̇ va'erä yepi! Amén.

Filipenses 4:20

¡Egwë tëi timboeteisa yande Ru Tüpä yepi! Amén.

Colosenses 1:15

Cristo ni'ä omboyekwa uka Vu Tüpä rekokwer ndoyekwai va'e gwekokwer pɨpe; a'e Ta'ɨrɨ ni'ä yɨpɨsuive ɨvate katu va'e opakatu mba'e yapoprɨ sui.

1 Timoteo 1:17

¡Sese yamondo imboeteisa apɨre'ɨ̇ yande Rerekwar ɨvate katu ndopai va'e upe a'e nomanoi va'e, ndayasepiai va'e, a'e ñepëi va'e Tüpä! Amén.

Hebreos 13:8

Jesucristo rekokwer noñekuñaröi va'e ite, yɨpɨsuive sekoi apɨre'ɨ̇ va'e.

Santiago 1:17

esepia opakatu imbouprɨ mba'e avɨye va'e yandeu, a'e ou Tüpä sui ete, a'e ni'ä opakatu ɨva rese mba'e aposar. Nda'ei rumo gwembiapo nungar sekoi esepia Tüpä noñekuñaröi va'e ite.

1 San Juan 1:5

Ko ñe'ësa rese Jesucristo ore mbo'e, a'e oromombe'u va'erä peü: yande Ru Tüpä ni'ä tesapesa sekoi sese ndipoi ete pɨ̇tümimbi va'e.

1 San Juan 1:7

Yaikose rumo tesapesa pɨpe inungar yande Ru Tüpä sekoi tesapesa, evokoiyase yaiko tuprɨra yande yeupe. Iyavei suvɨ yande moatɨrö opakatu angaipa sui.

1 San Juan 4:12

Ndipoi ete ava osepia va'e Tüpä; yayeaɨsuse rumo Tüpä sekoi yande rese, iporoaɨsusa evokoiyase oime ite yande rese.

Apocalipsis 1:6

iyavei yande rereko mborerekwarä; pa'igwä aveino Vu Tüpä upe yande poravɨkɨ agwä. ¡Egwë te'i imboeteiprɨ tasekoi opirätäsa pɨpe apɨre'ɨ̇ va'erä! Amén.

Apocalipsis 1:8

“Che aiko yɨpɨndar iyavei ipandar,” aipo e'i yande Yar Tüpä opakatu mba'e mboavaisare'ɨ̇ evokoi yɨpɨve va'e ite, kurïtëindar apɨre'ɨ̇ va'e avei.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 4:11

“Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”

Apocalipsis 7:12

aipo e'i: “¡Amén! Poromboeteisa, vɨ'aretesa mba'ekwasa, avɨye ndeu esa, poromboyeroyasa, mborerekwasa, teko pirätäsa avei timondosa yande Ru Tüpä upe apɨre'ɨ̇ va'erä ite yepi. ¡Amén!”