1 Timoteo 6:10 - Tüpä Ñe'ëngagwer

¹⁰ Esepia gwarepochi pota raisa sui osë opakatu mba'e naporäi va'e; amove ava ipota raisa pɨpe oyepepɨ Tüpä reroyasa sui iyavei omombaraɨsu gwekokwer ipɨpe a'e ae yuvɨreko.

Tũpa Ñehengagüer

¹⁰ Esepia, guarepochi pota raisa sui osẽ opacatu mbahe naporai vahe. Amove ava ipota raisa pɨpe oyepepɨ Tũpa reroyasa sui iyavei omombaraɨsu güecocuer ipɨpe ahe ae yuvɨreco.

1 Timoteo 6:10 Iomraidhean Croise

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Mateo 23:13

“¡Peparaɨsu katu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, pemombɨtaño ava Tüpä povrɨve seike rägwer sui yepi. Pe avei ete ndapeikei ipovrɨve, iyavei akoi yuvɨroike pota va'e pemombɨtaño seike rägwer sui.

San Mateo 6:19

“Ndapemonu'ä atɨi chietera mba'e pe rembiereko ko ɨvɨ pɨpe, esepia mba'e pe rembiereko mba'e rasoi omboaso atɨ-atɨ imokañɨpa, a'eve imondarai va'e yuvɨroike omonda.

San Marcos 4:19

a'e rumo ipɨ'a ñemoñeta opakatu omba'e eta ko ɨvɨ pɨpendar rese saɨsusave, oyembopa uka rumo omba'e eta upe, opakatu ite mba'e vɨreko pota viña. Ipɨpe sui oyemokañɨ tëi yuvɨreko, omokañɨ tëi avei Tüpä ñe'ëngagwer. Iyavei ndoyapo ukai mba'e ikatuprɨ va'e chupe.

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

1 Timoteo 3:3

iyavei nda'ei chira kagwar tëi, ndosekai chiaveira ovava agwä iyakatu rumo seko mbegwera opakatu ava upe, ndoipotarai chiaveira gwarepochi.

1 Timoteo 6:21

Ipɨpe sui ni'ä amove ava oyavɨ Tüpä reroyasa yuvɨreko. Yande Yar Jesucristo taperovasa opakatu pe rereko.

1 Timoteo 6:9

Iyavei akoi ava yuvɨrekoi pota va'e mba'e yar, ndoyemovɨräkwäi rumo tekoa'äsa upe, ipare ovɨapi mba'e tëi pɨpe, seta mba'e pota raisave, ipɨpe oyeekomomarä, ipare oyemokañɨ tëi.

2 Timoteo 3:2

A'ese ava a'e ae tëi oyeaɨsura yuvɨreko, gwarepochi tëi oipotaraira, oyemboɨvateaira oyemboeteiai tëi aveira. Oñe'ë raira Tüpä rese yamotare'ɨ̇save, nomboyeroyai chira oyesupa yuvɨreko, seta avei avɨye ndeu nde'i va'e ava upe, iyavei nomboetei chira Tüpä rese pɨ'a ñemoñetasa yuvɨreko.

2 Timoteo 4:10

esepia Demas che reya ko mba'e ɨvɨ pɨpendar tëi potasave, ichui tëi oso tekwa Tesalónica ve. Crescente oso tekwa Galacia rupi, iyavei Tito oso Dalmacia ve.

Tito 1:11

Evokoi nungar ava iyakatu pemongiriri, esepia a'e ni'ä seta ava oñemu va'e omboyepepɨ uka porombo'esa supi tuprɨ va'e sui yuvɨreko, oporombo'e mba'e kokotɨ tëi va'e rese gwarepochi rereko agwä tëi yuvɨreko.

Santiago 5:19

Che rɨvrɨ eta, akoi oimese oya'uva va'e pe pa'ü pendar ñe'ësa supiete va'e sui, ambuae evokoiyase osekokwer moigätu seroyevɨ,

San Judas 1:11

¡Iparaɨsu yuvɨreko!, Caín rekokwer rupi tuprɨ avei oyapo mba'e yuvɨreko. Inungar Balaam gwarepochi pota raisave pɨpe tëi oyavɨ gwekokwer, inungar avei Coré, omano oporeroya e'ɨ̇sa pɨpe.

Apocalipsis 18:13

iyavei ɨvɨra pirer sɨäkwä va'e; itaɨsɨ, mirra, mba'e sɨäkwä va'e; uva rɨkwer, mba'e kɨra, trigo ku'i avɨye va'e, trigo; iyavei mba'e mɨmba ovosɨi va'e no, ovesa, kavayu, karëtomi iyavei mbigwai no.