1 Timoteo 6:1 - Tüpä Ñe'ëngagwer

¹ Akoi ava mbigwai tëi yuvɨrekoi va'e, a'e omboyeroyara gwerekwar imboeteisa pɨpe yuvɨreko, iñe'ë marä e'ɨ̇ agwä Tüpä rer rese, yande porombo'esa rese avei.

Tũpa Ñehengagüer

¹ Iyavei co ava mbiguai Jesús reroyasar, ahe oyeroya tuprɨra güerecuar yuvɨreco ava oñehe-ñehe tẽiẽhɨ ãgua Tũpa rer rese, yande porombohesa rese avei no.

1 Timoteo 6:1 Iomraidhean Croise

San Mateo 11:30

Akoi amondo va'e peü a'e ndayavai ete imboavɨye agwä, iyavei mborokwaita amondo va'e peü a'e ndiposɨi ete seraso pɨrä.”

San Mateo 11:9

Evokoiyase, ¿Mba'e repia itevo peso? ¿Ñepëi Tüpä ñe'ë mombe'usar repia pi'ä? Supiete, evokoi ɨvate katu va'e ite Tüpä ñe'ë mombe'usar sui.

San Lucas 17:1

Jesús aipo e'i gwemimbo'e eta upe: “Ndapei katui chietera angaipa pɨpe pevɨapi e'ɨ̇ agwä; ¡iparaɨsura rumo ava moangaipa tëisar yuvɨreko!

Los Hechos 10:22

A'e omboyevɨ yuvɨreko chupe: –Ore oroyu sundao rerekwar Cornelio orekwaisa pɨpe a'e mbɨa seko tuprɨ va'e, Tüpä mboeteisar opakatu judío osaɨsuai yuvɨreko. Ñepëi mbigwai ɨva pendar Tüpä suindar oyokwai nde rese, ereso va'erä sëtäve, a'e osendura mba'e eremombe'u va'e.

Los Hechos 10:7

Osose mbigwai ɨva pendar akoi oñe'ë va'ekwer sese, a'ese Cornelio oñe'ë ñuvɨrïo gwembigwai upe iyavei ñepëi sundao Tüpä mboeteisar upe sese oyeroya va'e ite yepi,

Los Hechos 15:10

Kurïtëi evokoiyase, ¿ma'erä vo pesekoa'ä pota Tüpä iyavei peyokwai uka pota ko Jesús reroyasar mba'e yavairai va'e apo agwä esepia yande ramoi ndoikatui Tüpä porokwaita mboavɨye agwä yuvɨreko, yande avei egwë ya'e?

Romanos 2:24

Supiete Ikwachiaprɨ araka'endar pɨpe aipo e'i: “Pe sui tëi ava ndoikwai va'e Tüpä iñe'ë-ñe'ë tëi serer maräne'ɨ̇ rese yuvɨreko.”

1 Corintios 10:32

Supiete ndapemboyekwai chira pe rekokwerai; judío eta upe, ava nda'ei va'e judío yuvɨrekoi va'e upe, anise Jesús reroyasar yuvɨrekoi va'e upe avei.

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

1 Timoteo 5:14

Sese ko aipota akoi imer mano va'ekwer kuñatäi vɨte va'e, tomenda iri timembɨ iri avei yuvɨreko, iyavei tosärö tuprɨ gwëtä pɨpendar, sese yamotare'ɨ̇mbar sekokwer nda'ei chira oñe'ëpora tëi vɨreko yuvɨreko.

Tito 2:5

oyapora mba'e avɨye va'e, ikatuprɨ va'e avei, tosärö tuprɨ omembrɨ sereko, toipotarai avei omer, evokoiyase ndipoichira oñe'ërai va'e Tüpä ñe'ëngagwer rese yuvɨreko.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 3:16

egwë peyera rumo pe reko mbegwesa pɨpe imboeteisave. Peiko tuprɨra pe pɨ'añemoñetasa tuprɨ pɨpe, akoi oñe'ërai va'e pe Cristo reroyasa rekokwer rese, a'e yuvinochirä oñe'ë sui kuri.