1 Timoteo 5:8 - Tüpä Ñe'ëngagwer

⁸ Akoi ava nosäröi va'e omu, gwëtä pɨpendar nosäröi va'e avei, a'e ndogwata iri Tüpä rese iyavei mba'e tëi katu Jesús reroyasare'ɨ̇ sui sekoi.

Tũpa Ñehengagüer

⁸ Acoi ava rumo nosaroi vahe omu; acoi güẽta pɨpendar nosaroi vahe avei, ahe ndoguata iri Tũpa rese oyeroyasa rupi iyavei mbahe tẽi catu Jesús reroyasarẽhɨ sui.

1 Timoteo 5:8 Iomraidhean Croise

San Mateo 18:17

Akoi ndovɨroyaise ite rumo ambuae iñe'ë, emombe'u opakatu tekwa pendar upe; iyavei ndovɨroyaise ite a'e tekwa pendar, evokoiyase pepoiño itera ichui esepia ndiporeroyai va'e nungar ite sekoi inungar ava gwarepochi rerokwasar Roma pendar upe narä.”

San Mateo 7:11

Yepe ndaperekoporäi va'e peiko viña, pe ra'ɨrɨ upe rumo pemondoño ite mba'e avɨye va'e, ¡ta'etru pe Ru ɨva pendar oipota katu mba'e avɨye va'e mondo agwä akoi ava mba'e rese oporandu va'e upe!

San Juan 15:22

“Che ndayuise añe'e chupe, ndoikwai chietera angaipa yuvɨreko viña. Kurïtëi suive rumo ndovɨrekoi chietera ñeröisa oangaipa rese yuvɨreko;

1 Corintios 6:6

¡Nda'ei pevava peyeupe gweraño! ¡Oime avei pe pa'ü pendar Tüpä reroyasar vɨraso ambuae omboetasa mborerekwar Tüpä reroyasare'ɨ̇ upe tëi mba'e moigätu agwä!

2 Corintios 12:14

Kurïtëi che ayemoigätu imombosapɨsa rupi che so agwä pe pɨri, iyavei ndopomañekoi chira mba'e rese. Che ndasekai mba'e pe rembiereko, pe rekokwer ite rumo aipota; esepia iyesupa omonu'ära gwarepochi gwa'ɨrɨ upe narä, iyavei nda'ei ta'ɨrɨ tëi egwë e'i oyesupa upe yepi.

2 Corintios 6:15

Nda'oyoyai ete ni'ä Cristo pɨ'a ñemoñetasa Karugwar pɨ'a ñemoñetasa rese yuvɨreko, ndoyoyai avei Cristo reroyasar pɨ'a ñemoñetasa ambuae reroyasare'ɨ̇sa rese yuvɨreko.

Gálatas 6:10

Sese yande katugwer rupi yayapo mba'e ikatuprɨ va'e opakatu upe; yande mboetasa Jesús reroyasar upe rumo yayapora.

2 Timoteo 2:12

yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

2 Timoteo 3:5

A'e inungar-ra Tüpä rese ite yuvɨrekoi va'e viña. Tüpä pirätäsa rumo nomboyekwai chietera gwembiapo pɨpe yuvɨreko oyese. Sese nde, eyepepɨño evokoi nungar ava sui.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 3:8

Che rumo aikwa mba'e opakatu pe rembiapo; esepia, che amondo pe rovake inungar okenda imboiprɨ peü pemombe'u va'erä che rekokwer, a'e ñepëi yepe ava nomboyai chietera yuvɨreko, esepia, yepe pe nipirätä tuprɨi va'e, peroya ite rumo che ñe'ë iyavei ndacheñomi ete ava sui peye.