1 Timoteo 5:5 - Tüpä Ñe'ëngagwer

⁵ Iyavei kuña imer mano va'ekwer, a'e ae sekoi va'e, oyeroya ite Tüpä rese, iyavei oyerureño ite arɨ, pɨ̇tü yakatu yepi.

Tũpa Ñehengagüer

⁵ Iyavei acoi cuña imer mano vahecuer, acoi supi eté ahe ae secoi vahe, ahe oyeroya ité Tũpa rese, iyavei oyeroquɨño ité arɨ, pɨ̃tu yacatu yepi.

1 Timoteo 5:5 Iomraidhean Croise

San Lucas 18:1

Jesús omombe'u porombo'esa ava yerure agwä arɨ yakatu rupi, kere'ɨ̇sa pɨpe.

San Lucas 18:7

Supiete, ¿nda'ei chira pi'ä Tüpä avei oipɨsɨröra gwembiporavo, oyeupe yeruresar arɨ, pɨ̇tü rupi yepi? ¿Osärö uka tëira pi'ä?

San Lucas 2:37

kurïtëi sekoi omer mano pare ochenta y cuatro aravɨter. Nosëi ete tüpäro pɨpe sui oiko, egwë e'i yande Yar mboetei pɨ̇tü arɨ rupi, oyekwakusa pɨpe oyeruresa pɨpe aveino.

Los Hechos 26:7

Ore ramoi Israel suindar osärö osepia va'erä Tüpä remimombe'ugwer yuvɨreko, a'e chupe oyerure arɨ pɨ̇tü yuvɨreko yepi. Mborerekwar ɨvate katu va'e Agripa, ko ipɨpe sui kurïtëi judío eta ndacheambotai yuvɨreko.

Los Hechos 6:1

A'e aravɨter pɨpe aipo, oyemboetase Jesús reroyasar yuvɨreko, griego pɨpe oñe'ë va'e oñe'ërai oyeupe hebreo pɨpe oñe'ë va'e rese yuvɨreko, ni'añeko tuprɨi ore mu imer mano va'ekwer rese arɨ yakatu mba'e poropɨtɨ̇vɨïsa imondosase chupe e'i oñe'ë yuvɨreko.

Los Hechos 9:39

Evokoiyase Pedro oso supi. Oyepotase yuvɨraso a'eve vɨroyeupi oɨ ɨvate va'esave seraso te'ögwersave yuvɨreko; iyavei opakatu kuña imer mano va'ekwer oyere atɨ voi, oyase'o Pedro ɨvɨi yuvɨreko omboyekwa avei oturukwar i'arɨ pendar reseve Dorcas rembiapokwer yuvɨreko chupe.

Los Hechos 9:41

A'ese oipopɨsɨ imoñarapü'a; ipare oñe'ë opakatu Jesús reroyasar kuña imer mano va'ekwer upe avei aipo e'i, pesepia ko okwerayevɨse.

Romanos 1:12

che aipota ñepëi-pëi yañepɨtɨ̇vɨï katu agwä Tüpä rese yareko va'e yeroyasa pɨpe.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

1 Corintios 7:32

Che ndaipotai ko ɨvɨ pɨpendar rekokwer rese tëi pe pɨ'añemoñeta eteprɨ peiko. Akoi mbɨa nomendai va'e rumo, ipɨ'añemoñeta katuño ite yande Yar rese imbovɨ'a agwä;

1 Corintios 7:34

iyavei ipɨ'a ñemoñeta nda'oyoyai ete yuvɨreko. Egwë e'i avei kuña ndovɨrekoi va'e omer kuñatäi nomenda vɨtei va'e ipɨ'a ñemoñeta avei yande Yar upendar mba'e rese yuvɨreko, esepia sekoi pota ite gwetekwer espíritu reseve teko maräne'ɨ̇sa pɨpe; kuña omenda va'e rumo ipɨ'añemoñeta ko ɨvɨ pɨpendar rekokwer rese tëi omer mbovɨ'a agwä oiko.

Efesios 6:18

Peyerure katu: Espíritu pirätäsa pɨpe arɨ yakatu rupi Tüpä upe opakatu yeruresa pɨpe. Pema'emo'ä katuño pe yeruresa pɨpe, peyerureño avei opakatu ava Tüpä reroyasar rese yepi.

Filipenses 4:6

Ani ndapeyembovɨ'ai chira mba'e ipanese peü, iyakatu rumo peyerurera opakatu evokoi nungar mba'e rese Tüpä upe; peporandura mba'e rese, iyavei avɨye ndeu peyera chupe.

1 Timoteo 2:1

Iyavei no, ko che opomongere'ɨ̇ pe yerure agwä, peporandu, pemondo avei avɨye pe'esa Tüpä upe opakatu ava rekokwer rese.

1 Timoteo 5:16

Akoi oimese kuña Cristo Jesús reroyasar vɨreko va'e kuña imer mano va'ekwer oyepɨri, a'e toipɨtɨ̇vɨï yuvɨreko, a'e sese evokoiyase tüpäro pendar ni'añeko iri chira; a'ese tüpäro pendar oikatura imer mano va'ekwer pɨtɨ̇vɨï agwä yuvɨreko.

1 Timoteo 5:3

Iyavei akoi imer mano va'ekwer ereipɨtɨ̇vɨïra mba'e ipane va'e rese.

2 Timoteo 1:3

Che yerure pa'üve chema'endu'a nde rese pɨ̇tü iyavei arɨ yakatu rupi, avɨye ndeu a'e Tüpä upe nde rekokwer rese, che aporavɨkɨ tuprɨ ite Tüpä rese che pɨ'añemoñeta tuprɨsa pɨpe yepi, inungar che ramoi eta oyapo yuvɨreko araka'e.

1 San Pedro 3:5

Egwë e'i avei kuña seko katuprɨ va'e gweko porañetesa imboyekwa araka'e; a'e oyeroya Tüpä rese, omer avei omboyeroya yuvɨreko.