1 Timoteo 5:21 - Tüpä Ñe'ëngagwer

²¹ Iyavei che orokwai Tüpä rovake, Jesucristo rovake opakatu mbigwai ɨva pendar rovake avei, ereyapo tuprɨra ko mborokwaita, nderemoma'üatɨi chira ava imboarakwa nde remimbotar rupi tëi.

Tũpa Ñehengagüer

²¹ Iyavei che orocuai Tũpa rovaque, Jesucristo rovaque iyavei opacatu Tũpa rembiguai ɨva pendar rovaque avei: ereyapo tuprɨra co mborocuaita, nderemomahuatɨi chira ava imboaracua nde remimbotar rupi tẽi.

1 Timoteo 5:21 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Lucas 20:21

A'e oporandu yuvɨreko chupe: –Porombo'esar, ore oroikwa nde ñe'ë iyavei nde porombo'esa supiete va'e, iyavei nderemboyoavɨratɨi ñe'ësa ava upe imombe'u. Nde ereporombo'e mba'e supi tuprɨ va'e Tüpä rekokwer rese.

San Lucas 9:26

Akoi oimese yuvɨnochiai va'e che sui che ñe'ëngagwer sui aveino, egwë a'e aveira che ava ɨvate katu Ra'ɨrɨ ächïra ichui yuvɨreko, akoi ayevɨse che reko porañetesa pɨpe vitu iyavei che Ru reko porañetesa pɨpe mbigwai ɨva pendar ndaseko maräi va'e reseve kuri.

2 Corintios 5:16

Sese, ore ndorepɨ'a ñemoñeta iri ambuae ava rese inungar ava ipɨ'a ñemoñeta ko ɨvɨ pɨpendar yuvɨreko yepi; yepe yɨpɨndar inungar ava ɨvɨ pɨpendar tëi egwë oro'e ore Cristo rese ore pɨ'añemoñeta oroiko viña, kurïtëi rumo egwë ndoro'e iri orepɨ'añemoñeta sese.

1 Tesalonicenses 5:27

Che opokwai yande Yar rer pɨpe, peyerokɨ ko kwachiar opakatu yande rɨvrɨ eta upe.

1 Timoteo 6:13

Kurïtëi Tüpä rovake, a'e opakatu mba'e moingovesar iyavei Jesucristo rovake, a'e ni'ä omombe'u tuprɨ supiete va'e Poncio Pilato rovai, sese che orokwai

2 Timoteo 2:14

Emoma'endu'a yuvɨreko ko ñe'ësa rese, iyavei eyokwai Tüpä rovake topoi ñe'ëpoepɨ-epɨsa sui yuvɨreko. Ko ñe'ëpoepɨ-epɨsa egwë e'i tëi va'e. Esepia omomarä ambuae ava osenduse iñe'ë rai yuvɨreko.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

Santiago 3:17

akoi vɨreko va'e rumo Tüpä suindar arakwasa, a'e vɨreko itera opakatu ava rovake gweko maräne'ɨ̇sa iyavei sekoira gweko mbegwesa pɨpe; a'e ndaseko asɨi chiaveira. Iyavei oyemoigätu voi va'e, a'e oporoparaɨsuereko va'e, nomboyoavɨratɨi va'e gwekokwer, a'e ipɨ'a ñemoñetasa ñepëi reseve va'e iyavei oyapo tuprɨ va'e mba'e.

2 San Pedro 2:4

Esepia araka'e Tüpä niñeröi ete gwembigwai oyemboangaipa va'e upe, a'e opa ite omondo mba'e tëisave, egwë e'i seyapa pɨ̇tümimbisave inungar ñapɨ̇chimbrɨ karena pɨpe yapokatuprɨ yuvɨreko kañɨsave narä.

San Judas 1:6

Iyavei mbigwai eta nomboavɨyei va'e okwaita, ipɨpe sui oseya oporavɨkɨsa teko katuprɨsa yuvɨreko, Tüpä rumo omombɨta pɨ̇tümimbi save ndopai va'e save arɨ kañɨse narä kuri.

Apocalipsis 14:10

a'e oipɨsɨ itera Tüpä ñemoɨrösa ipirätä va'e, ipare omombaraɨsura setekwer azufre okai va'e pɨpe gwembigwai ɨva pendareta reko maräne'ɨ̇ rovake, iyavei Ovesami a'e Cristo sekoi va'e rovake aveino.