1 Timoteo 5:10 - Tüpä Ñe'ëngagwer

¹⁰ Ikwaprɨra sekokwer ikatuprɨsa rese, omboakwa tuprɨse chi'ïvä'e oyesuindar, omoingese ava gwëtä pɨpe, i'añekose ava Tüpä reroyasar rese ipɨsei agwä, oipɨtɨ̇vɨïse ava iparaɨsu va'e, oyapo tuprɨse opakatu mba'e avɨye va'e.

Tũpa Ñehengagüer

¹⁰ Icuaprɨra secocuer icatuprɨsa rese, omboacua tuprɨse chĩhivahe oyesuindar, omoinguese ava güẽta pɨpe, ihañecose ava Tũpa reroyasar rese ipɨ sei ãgua, oipɨ̃tɨvɨise ava iparaɨsu vahe, oyapo tuprɨse opacatu mbahe avɨye vahe.

1 Timoteo 5:10 Iomraidhean Croise

San Mateo 25:17

Inungar avei ambuae oipɨsɨ va'e dos mil, ichui oipɨsɨ katu iri ambuae dos mil.

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Lucas 7:38

A'eve oyase'o iteanga oñenopɨ'ä Jesús pɨve oso ichui opa tuprɨ gwesaɨ pɨpe omoakɨ̇. Ipare opa omombiru o'a pɨpe ichui, iyavei oipɨrupɨte, oipɨyere avei mba'e sɨäkwä va'e ipɨ rese.

San Lucas 7:44

Evokoiyase Jesús oma'e kuña rese, aipo e'i Simón upe: –¿Erema'e vo ko kuña rese? Aikese akoi nde rëtä pɨpe, nderembouimi ete ɨ che pɨsei agwä; ko kuña rumo gwesaɨ pɨpe oyosei che pɨ ipare omombiru o'a pɨpe.

Los Hechos 10:22

A'e omboyevɨ yuvɨreko chupe: –Ore oroyu sundao rerekwar Cornelio orekwaisa pɨpe a'e mbɨa seko tuprɨ va'e, Tüpä mboeteisar opakatu judío osaɨsuai yuvɨreko. Ñepëi mbigwai ɨva pendar Tüpä suindar oyokwai nde rese, ereso va'erä sëtäve, a'e osendura mba'e eremombe'u va'e.

Los Hechos 22:12

“A'eve oime ñepëi mbɨa Ananías serer va'e, a'e Tüpä mboyeroyasar ite vɨroya tuprɨ va'e avei Moisés porokwaita; opakatu judío yuvɨrekoi va'e Damasco ve oñe'ë tuprɨai yuvɨreko sese.

Los Hechos 6:3

Sese ore rɨvrɨ eta, peiporavo ñuvɨrïo ova mbɨa seko avɨye va'e pe pa'ü sui, yarakwa va'e iyavei Espíritu Maräne'ɨ̇ vɨroya va'e ite opɨ'a pɨpe, a'e mbɨa ti'añeko ko mboravɨkɨsa rese yuvɨreko.

Los Hechos 9:36

A'e aravɨter pɨpe Jope ve kuña serer va'e Tabitá sekoi, griego ñe'ë pɨpe rumo Dorcas serer. A'e Jesucristo reroyasar sekoi a'e sekokwer avɨye va'e oporopɨtɨ̇vɨï yepi.

Los Hechos 9:39

Evokoiyase Pedro oso supi. Oyepotase yuvɨraso a'eve vɨroyeupi oɨ ɨvate va'esave seraso te'ögwersave yuvɨreko; iyavei opakatu kuña imer mano va'ekwer oyere atɨ voi, oyase'o Pedro ɨvɨi yuvɨreko omboyekwa avei oturukwar i'arɨ pendar reseve Dorcas rembiapokwer yuvɨreko chupe.

Romanos 12:13

Peipɨtɨ̇vɨïra ava tekwa pendar iporeroya va'e ipanese mba'e chupe; pemo'äpɨsɨra ava oyepota va'e pe pɨri.

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

1 Timoteo 2:10

Iyakatu rumo yuvɨrekoi tuprɨra gwembiapo avɨye va'e pɨpe, inungar akoi kuña omboetei pota va'e Tüpä yuvɨreko yepi.

1 Timoteo 3:2

Sese akoi vɨreko va'e okwaita Tüpä reroyasar rärö agwä, a'e sekoi tuprɨra mba'e avɨye va'e pɨpe yepi. Ipɨpe ava noñe'ëi chira yamotare'ɨ̇save, iyavei omendara ñepëi kuña reseño ite. Toñearö tuprɨ avei yuvɨreko toyapo mba'e supiete va'e, tiporomboetei tuprɨ, iyavei omoingera oyepɨri ava oyepota va'e gwëtäve; oikwa aveira ava mbo'e tuprɨ agwä;

1 Timoteo 3:7

Iyavei oyekwa uka tuprɨ ranera Tüpä reroyasare'ɨ̇ pa'üve, a'ese ndipoi chira imboetei e'ɨ̇sa iyavei ndovɨapi chira Karugwar povrɨve.

1 Timoteo 5:16

Akoi oimese kuña Cristo Jesús reroyasar vɨreko va'e kuña imer mano va'ekwer oyepɨri, a'e toipɨtɨ̇vɨï yuvɨreko, a'e sese evokoiyase tüpäro pendar ni'añeko iri chira; a'ese tüpäro pendar oikatura imer mano va'ekwer pɨtɨ̇vɨï agwä yuvɨreko.

1 Timoteo 5:25

Inungar ava rembiapo oyekwa tuprɨ avei mba'e sembiapo avɨye va'e; iyavei mba'e naporäi va'e nañomisai chietera.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

2 Timoteo 1:5

Supiete chema'endu'año nde Tüpä reroyasa supiete erereko va'e rese. Iyavei nde yari Loida, nde sɨ Eunice, a'e ni'ä yɨpɨndar egwë e'i yuvɨreko. Evokoiyase ayeroyaño nde rese, nde avei egwë erese.

2 Timoteo 2:21

Akoi ava oñemoatɨrö va'e ko tekokwerai sui yande Yar upe narä, a'e ipe'asa inungar ɨgwa rɨru oro apoprɨ poromboeteisa pɨpe iporupɨrä; a'e ava oyemoigätu voi ete oiko mba'e ikatuprɨ va'e apo agwä.

2 Timoteo 3:15

Iyavei eyemoma'endu'a ko rese, nde chi'ïvä'e suive ite ni'ä ereikwa Tüpä ñe'ë Ikwachiaprɨ eiko, a'e ni'ä nde momba'ekwa va'e nde pɨsɨrö agwä Cristo Jesús reroyasa pɨpe.

2 Timoteo 3:17

ichui ava Tüpä rese yuvɨrekoi va'e oyemoigätu voira opakatu tekokwer tuprɨ apo agwä yuvɨreko.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Tito 2:7

opakatu rese ite, emondo avei nde mba'e kwasa marä e'ira mba'e apo tuprɨ yuvɨreko. Erembo'e aveira mba'e apo tuprɨ, emoyekwa ndereko tuprɨsa iyavei nde poromboeteisa,

Tito 3:1

Ko rese emoma'endu'a opakatu oyapo va'e rese mborerekwar gwasu iyavei ambuae mborerekwa-rekwarmi, toyapo tuprɨ mba'e iyavei toyuvɨrekoi mba'e avɨye va'e apo agwä.

Tito 3:14

Iyavei ambuae ñe'ësa reroyasar eipe pendar toyembo'e avei yuvɨreko mba'e tuprɨ apo agwä iyavei ava mba'e chupe ipane va'e pɨtɨ̇vɨï agwä, evokoiyase sekokwer avɨye itera yuvɨrekoi.

Tito 3:8

Aipo ñe'ësa supiete va'e, che aipota eremañekora sese, vɨroya va'eño Tüpä yuvɨreko mba'e apo tuprɨ agwä. Ko evokoiyase mba'e avɨye va'e ite oiporu va'erä opakatu yuvɨreko.

Hebreos 10:24

Iyavei yasekañora ñepëi-pëi yañepɨtɨ̇vɨï va'erä yande yeaɨsu katu agwä iyavei mba'e tuprɨ apo agwä yande yeupe.

Hebreos 13:2

Iyavei peresarai eme pe avasa sui ava oyepotase pe pɨri, esepia ko nungar apo pɨpe amove ava omoinge mbigwai ɨva pendar gwëtä pɨpe.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 4:9

Peipɨsɨ tuprɨ ava yuvɨraso va'e pe rëtäve, mba'e rese pi'ä ko ou peyei rene pe pɨ'añemoñeta pɨpe pe pɨri ou va'e upe.

3 San Juan 1:12

Opakatu, Demetrio avɨye ite e'i yuvɨreko. A'e supiete aipo e'i; aipo avei ore oromombe'u. Nde ni'ä ereikwa ite ore oromombe'u mba'e supiete va'e.