1 Timoteo 4:6 - Tüpä Ñe'ëngagwer

⁶ Akoi erembo'ese ko mba'e rese yande rɨvrɨ eta iyavei ereyemovɨräkwäse ñe'ësa poreroyasa rese iyavei porombo'esa avɨye va'e nde yese erereko va'e rese, a'ese Cristo Jesús rembigwai avɨye va'e ereikora.

Tũpa Ñehengagüer

⁶ Acoi erembohese co mbahe rese yande rɨvɨreta iyavei ereyemovɨracuase ñehesa poreroyasa resendar rese iyavei porombohesa avɨye vahe nde yese erereco vahe rese, ahese Jesucristo rembiguai avɨye vahe ereicora.

1 Timoteo 4:6 Iomraidhean Croise

San Mateo 13:52

Evokoiyase Jesús aipo e'i: –Akoi ñepëi oporombo'e va'e porokwaita ɨva pendar rese, oyembo'e va'e avei Tüpä mborerekwasa rese, a'e inungar ava oɨ yar, iyavei mba'e vɨreko va'e yapokatuprɨ oikwa ite senose mba'e ipɨasu va'e mba'e kwakwa aveino.

San Lucas 1:3

Che avei seroyaprɨ Teófilo, opa aseka tuprɨ yɨpɨsuive opakatu ko mba'ekwa tuprɨ agwä, ichui che amoigätu tuprɨ pota ikwachiaprɨ sesendar ndeu narä avei sereko,

Los Hechos 1:15

Evokoiyase ñepëi arɨ pɨpe oñemonu'ä gwasu ciento veinte ava yuvɨreko, ipa'üve Pedro opü'a aipo e'i ava upe:

Los Hechos 20:31

Pema'emo'ä tuprɨ peyese: pema'endu'a akoi opomboarakwa tuprɨse mbosapɨ aravɨter rupi, arɨ iyavei pɨ̇tü opombo'e che yase'osa pɨpe pe rereko.”

Los Hechos 20:35

Che opombo'e va'e ite mboravɨkɨ rese iyavei ava iparaɨsu va'e pɨtɨ̇vɨï agwä, pepɨ'añemoñeta akoi yande Yar Jesús remimombe'u rese: ‘Sorɨvete katu ava iporereko va'e mba'e oipɨsɨ va'e sui.’ ”

Romanos 15:15

ko tekokwer rese rumo aikwachia opakatu che sɨkɨye e'ɨ̇sa pɨpe peü pe resarai e'ɨ̇ agwä ichui. Esepia ayapo Tüpä che kwaita ombou va'e che raɨsusa pɨpe cheu,

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

2 Corintios 11:23

¿A'e pi'ä yuvɨrekoi Cristo pɨtɨ̇vɨïsar? Che rumo ɨvate katu aiko ichui yuvɨreko, yepe añe'ëse avɨye che ndayarakwai va'e aiko viña. Che aporavɨkɨ katu yuvɨreko ichui, seta rupi avei che rokenda ichui yuvɨreko, iyavei inupambrɨ katu aiko ichui yuvɨreko, seta rupi avei seni-seni che yuka uka che mombaraɨsusa pɨpe yuvɨreko.

2 Corintios 3:6

a'e ni'ä orembo'e ore poravɨkɨ agwä tekovesa ipɨasu va'e rese, nda'ei Moisés porokwaita rupi a'e rumo Espíritu suindar pɨpe ite. Esepia a'e porokwaita imboavɨye e'ɨ̇sa pɨpe yamano tëira viña, Tüpä Espíritu rumo ombou tekovesa yandeu.

2 Corintios 6:4

Ore rumo oromboyekwa ite Tüpä rembigwai ore rekosa, esepia ore reko mbegwesa pɨpe oroñemosaño mba'e-mba'e tëi upe, yepe ipane mba'e oreu viña, iyavei mba'e yavaise;

Efesios 6:21

Yande rɨvrɨ Tíquico, yande rembiaɨsu, che pɨtɨ̇vɨïsar omboavɨye va'e okwaita yande Yar upe mboravɨkɨsa rese, a'e omombe'ura opakatu che rekokwer mba'e che rembiapo avei peü.

Filipenses 2:20

Iyavei ndipoi ete ambuae ava Timoteo nungar che pɨ'a ñemoñetasa rupi tuprɨ ima'endu'a va'e pe rese pe reko tuprɨ agwä;

Filipenses 2:22

Pe ni'ä peikwa Timoteo reko tuprɨsa opakatu upe, iyavei che pɨtɨ̇vɨï Tüpä ñe'ëngagwer mombe'u agwä, inungar chi'ïvä'e oipɨtɨ̇vɨï oyesupa, egwë e'i che pɨtɨ̇vɨï oiko.

Filipenses 3:16

Ko yande rekokwer yareko va'e sui rumo ndayande resarai chietera yepi.

Colosenses 2:19

Esepia a'e ndoyuvɨrekoi yande kwaisar Cristo rese, a'e omovɨräkwä va'e opakatu vɨroyasar yepi, evokoiyase a'e omboyemboya tuprɨ oyese, ñepëi va'e nungar vɨreko oyeupe Tüpä remimbotar rupi.

Colosenses 3:16

Topɨta tuprɨ Cristo ñe'ëngagwer pe pɨ'a pɨpe. Pe arakwasa tuprɨsave peyembo'e tuprɨ, peyemongere'ɨ̇ katu sapukaisa Tüpä suindar rese. Pesapukai opakatu sapukaisa Tüpä upendar pe pɨ'a pɨpe, avɨye ndeu pe esave yepi.

Colosenses 4:7

Ko yande rɨvrɨ yande rembiaɨsu Tíquico, che pɨtɨ̇vɨï tuprɨsar, a'e oporavɨkɨ tuprɨ yande Yar rekokwer rese che rupi, a'e omombe'ura che rekokwer peü.

1 Tesalonicenses 3:2

iyavei yande rɨvrɨ Timoteo a'e oporavɨkɨ va'e Tüpä upe ore rupi, omombe'u va'e ko ñe'ësa pɨsɨrösa resendar Cristo suindar ou va'e. A'e amondo peü pe movɨräkwä katu agwä, pe mongere'ɨ̇ katu agwä avei peyeroya katu va'erä Cristo rese,

1 Timoteo 1:10

akoi oyemboagwasa tëi va'e, iyavei kuimba'e ambuae kuimba'e rese oyapo va'e mba'e, iyavei akoi vɨrokwa tëi va'e mbigwai ambuae ava sui, semiräñeteai va'e; iyavei akoi che amombe'u mba'e supiete va'e e'i tëi anga'u va'e, chupe narä ite ko porokwaita, imondosa avei opakatu porombo'esa nimaräi va'e amotare'ɨ̇sar upe narä.

1 Timoteo 4:16

Iyavei eñearö tuprɨ, eikwa katu nde porombo'esa rese, eyemovɨräkwä opakatu mba'e nde rembiapokwer rese. Akoi egwë erese ipɨsɨröprɨ ereikora, nde ñe'ë rese oyapɨsaka va'e avei ipɨsɨröprɨ yuvɨrekoira.

1 Timoteo 6:3

Oimese oporombo'e va'e oyesuindar pɨ'a ñemoñetasa kokotɨ tëi va'e rese, ndoyoyai va'e yande Yar Jesucristo porombo'esa avɨye va'e rese, ndoyoyai va'e avei yande yembo'esa Tüpä rese yande yeroya tuprɨsa rese,

2 Timoteo 1:6

Sese che oromongere'ɨ̇ embouvicha katu ko Tüpä ombou va'e ndeu akoi amondose che po nde arɨve a'e ereko katu ndeyeupe.

2 Timoteo 3:10

Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

2 Timoteo 4:3

Esepia koiye ava ndosendu pota iri chira porombo'esa avɨye va'e yuvɨreko; a'ese gwemimbotar tëi osekara ombo'e agwä, gwemimbotar tëi avei omombe'u ukara oyeupe yuvɨreko.

Tito 2:1

Nde aipo ere va'e toyoya tuprɨ ko porombo'esa nimaräi va'e rese yepi.

1 San Pedro 2:2

Inungar pitanimi okwakwa agwä oipota kambɨ; egwë peye aveira pe kere'ɨ̇sa pɨpe Tüpä ñe'ëngagwer rese pe yembo'e katu iri agwä, peiko va'erä avei poropɨsɨrösa pɨpe,

2 San Juan 1:9

Oime ava oyepepɨño va'e Cristo porombo'esa sui, a'e Tüpä ndovɨrekoi opɨ'a pɨpe yuvɨreko; akoi oyapɨsaka tuprɨ va'e Cristo porombo'esa rese, a'e vɨreko Tüpä, Ta'ɨrɨ avei oyese.

San Judas 1:5

Che opomoma'endu'a pota iri akoi peikwa tuprɨ va'e rese, amombe'u iri peü yande Yar, vɨnose pare Egipto sui tekwa Israel, ipare rumo opa omokañɨ vɨroyasare'ɨ̇.