1 Timoteo 4:3 - Tüpä Ñe'ëngagwer

³ Ko ava ni'ä, anichira yamenda, e'i tëi ava upe yuvɨreko; anichira ya'u opakatu mba'e, e'i avei chupe, Tüpä rembiapo rumo ko tembi'u poromovɨräkwäsa, sese Jesús reroyasar iyavei oikwa tuprɨ va'e mba'e supiete va'e yuvɨro'ura avɨye ndeu o'esa pɨpe Tüpä upe yuvɨreko.

Tũpa Ñehengagüer

³ Co ava niha, “Aní chira yamenda” ehi tẽi ava upe yuvɨreco; “Aní chira yahu opacatu mbahe” ehi avei chupe. Tũpa rembiapo rumo co tembihu poromovɨracuasa. Sese Jesús reroyasar iyavei oicua tuprɨ vahe mbahe supi eté vahe yuvɨrohura ‘avɨye ndeu’ ohesa pɨpe Tũpa upe yuvɨreco.

1 Timoteo 4:3 Iomraidhean Croise

San Mateo 14:19

Evokoiyase aipo e'i ava re'ɨi upe pegwapɨpa kapi'i arɨ rupi. Ipare oipɨsɨ poyandepo va'e mboyape ñuvɨrïomi va'e pira ichui oma'ese ɨva rese, aipo e'i avɨye ndeu che Ru ichui omombɨte-mbɨte mboyape, imondo gwemimbo'e upe a'e evokoiyase omboya'o-ya'o ava eta upe semi'urä yuvɨreko.

San Mateo 15:11

Mba'e oike va'e ava yuru rupi a'e nomboagaipai ete. Akoi mba'e osë va'e ava yuru pɨpe sui, a'e rumo omboangaipa.

San Mateo 15:36

a'ese oipɨsɨ opove ñuvɨrïo ova mboyape pirami reseve, ipare avɨye ndeu e'i Vu upe, ichui omboya'o-ya'o gwemimbo'e eta upe imondo, a'e evokoiyase omondopa ava re'ɨi upe yuvɨreko.

San Lucas 24:30

Ogwapɨse yuvɨnoi karusa rendave, oipɨsɨ mboyape, avɨye ndeu e'i Tüpä upe, ipare rumo ombo'i-mbo'i imondo nuvɨrïo upe.

San Juan 6:23

A'eseve ambuae ɨarusu vɨroyepota seru tekwa Tiberias sui, akoi ñepëi save Yar ava remi'urä mboyape reroyerokɨ agwer rerovɨkave.

Los Hechos 27:35

Aipo o'e pare, Pablo oipɨsɨ mboyape avɨye ndeu e'i Tüpä upe opakatu rovai. A'e imbo'i pare o'u.

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

Romanos 14:3

Supiete, akoi ava opakatu mba'e o'u va'e, tovɨroɨrö eme ava ndo'ui va'e opakatu mba'e; iyavei akoi ndo'ui va'e opakatu mba'e, a'e tovɨroɨrö eme akoi o'u va'e opakatu mba'e, esepia evokoi nungar ava yuvɨrekoira Tüpä poraɨsusa pɨpe ite.

Romanos 14:6

Akoi oyekwaku va'e ñepëi arɨ, yande Yar mboeteisa pɨpe tomboeteiño ite. Iyavei akoi o'u va'e opakatu mba'e, yande Yar mboeteisave avei egwë e'i, avɨye ndeu e'i Tüpä upe; iyavei akoi ndo'ui va'e opakatu mba'e, yande Yar mboeteisave egwë e'i, avɨye ndeu e'i avei Tüpä upe.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

1 Corintios 7:28

Akoi eremendase, ndereyemboangaipai ete; iyavei kuñatäi nomenda vɨtei va'e, ndoyemboangaipai ete. Akoi omenda va'e upe rumo yavai katura ko ɨvɨ pɨpe yuvɨreko. Sese che ndaipotai evokoi nungar mba'e pɨpe yuvɨrekoi va'erä.

1 Corintios 8:8

Supiete tembi'u ndayande pɨtɨ̇vɨï Tüpä rese yaiko va'erä; esepia ya'use mba'e ro'o nda'ei chira avɨye katu yaiko, iyavei ndaya'uise ndayaikoi chira mba'e tëi pɨpe.

Colosenses 2:16

Evokoiyase toñe'ë-ñe'ë tëi eme ava pe rembi'u rese yuvɨreko pe ɨgwa rese avei; anise ndapemboeteise pieta, arɨ yasɨ osë ramomi va'e, arɨ mbɨtu'usa aveino.

Colosenses 3:17

Iyavei opakatu mba'e peyapo va'e anise peñe'ë va'e avei peyapo yande Yar Jesús rer pɨpe. Jesús rer pɨpe avei, avɨye ndeu peyera Tüpä upe yepi.

1 Timoteo 2:4

supiete a'e oipota opakatu ava ñepɨsɨrö iyavei ko porombo'esa supiete mba'ekwa tuprɨ agwä.

1 Timoteo 4:4

Esepia opakatu mba'e Tüpä rembiapo avɨye ite, a'e ndiyai chira yaroɨrö yaipɨsɨse; avɨye ndeu yande'esa pɨpe Tüpä upe,

1 Timoteo 5:14

Sese ko aipota akoi imer mano va'ekwer kuñatäi vɨte va'e, tomenda iri timembɨ iri avei yuvɨreko, iyavei tosärö tuprɨ gwëtä pɨpendar, sese yamotare'ɨ̇mbar sekokwer nda'ei chira oñe'ëpora tëi vɨreko yuvɨreko.

Hebreos 13:4

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.