1 Timoteo 4:14 - Tüpä Ñe'ëngagwer

¹⁴ Nderepoi chira Tüpä ndeu mba'ekwasa ombou va'e sui, esepia ava Jesús reroyasar rärösar upe Tüpä omombe'use nde kwaitarä, omondo opo nde arɨve yuvɨreko.

Tũpa Ñehengagüer

¹⁴ Nderepoi chira Tũpa ndeu mbahecuasa ombou vahe sui. Esepia, ava Jesús reroyasar rãrosar upe Tũpa omombehuse nde cuaitarã, omondo opo nde harɨve yuvɨreco.

1 Timoteo 4:14 Iomraidhean Croise

Los Hechos 11:30

Egwë e'i yapo, Bernabé iyavei Saulo rupi porerekosa omondo mborerekwar tekwa Judea pendar upe yuvɨreko.

Los Hechos 13:3

Evokoiyase oyerure iyavei oyekwaku pare, omondo opo yuvɨreko iporavoprɨ akä arɨve sovasa agwä ipare omondo yuvɨreko ambuae tekwa rupi Jesús rekokwer mombe'u agwä.

Los Hechos 19:6

ipare omondose Pablo opo i'arɨve, a'ese ogweyɨ Espíritu Maräne'ɨ̇ i'arɨve, oñe'ë avei ambuae ñe'ësa ndikwasai va'e pɨpe yuvɨreko, iyavei omombe'u Tüpä suindar ñe'ësa yuvɨreko.

Los Hechos 22:5

Pa'i rerekwar ɨvate katu va'e iyavei opakatu ava yarakwa katu va'e oikwa che reko yuvɨreko. A'e ombo'u kwachiar yuvɨreko cheu yande mu judío Damasco pendar upe, ichui aso a'eve Jesús reroyasar pɨsɨ agwä, aru va'erä ko'ave Jerusalén ve imombaraɨsu pɨrä.”

Los Hechos 6:6

Ichui vɨrasopa Jesús ñe'ë mombe'usar upe yuvɨreko, a'e omondo opo i'arɨve oyerure yuvɨreko sese.

Los Hechos 8:17

Evokoiyase Pedro iyavei Juan omondo opo ava arɨve yuvɨreko, a'ese oipɨsɨ Espíritu Maräne'ɨ̇ yuvɨreko.

1 Tesalonicenses 5:19

Iyavei ndapemombɨtu'ui chira mba'e Espíritu Maräne'ɨ̇ oyapo pota va'e pe rese.

1 Timoteo 1:18

Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

1 Timoteo 4:15

Nde'añeko katu ko mba'e rese, osepia va'erä opakatu ava nde rekokwer yemoigätusa yuvɨreko.

1 Timoteo 5:17

Iyavei Tüpä reroyasar rärösar osärö tuprɨ va'e, a'e toipɨsɨ katu ava poropɨtɨ̇vɨïsa imboyeroyasave, akoi oyemondo va'e Tüpä ñe'ëngagwer mombe'u agwä, ava mbo'e agwä avei, a'e ko poropɨtɨ̇vɨïsa oipɨsɨ katura.

1 Timoteo 5:19

Iyavei ndereroyai chira mba'e omombe'u va'e Tüpä reroyasar osärö va'e yamotare'ɨ̇save yuvɨreko, oimese ñuvɨrïo anise mbosapɨ sepiasar, a'ese ramo ereroyara.

1 Timoteo 5:22

Nde pɨ'a ñemoñeta tuprɨ ranera eresenoi va'erä mbɨa mborokwaita rese i'añeko agwä, avɨyeteramo nde rese päve mba'e oimerä. Eñearö tuprɨ nde reko maräne'ɨ̇sa pɨpe.

1 Timoteo 6:12

Eyemovɨräkwä mba'e tëi upe Tüpä reroyasave; erepoi rene tekovesa apɨre'ɨ̇ va'e sui, sese ni'ä Tüpä oñe'ë ndeu, iyavei eremombe'u ite ni'ä Tüpä reroyasa nde reko agwä ava eta rovai.

2 Timoteo 1:6

Sese che oromongere'ɨ̇ embouvicha katu ko Tüpä ombou va'e ndeu akoi amondose che po nde arɨve a'e ereko katu ndeyeupe.