1 Timoteo 4:1 - Tüpä Ñe'ëngagwer

¹ Iyavei Espíritu aipo e'i tuprɨ yandeu, koiye arɨ kañɨ renonde, amove ava oyepepɨra Tüpä rese oyeroyasa sui yuvɨreko. Omboyeroyara espíritu oporombopa tëi va'e porombo'esa karugwar suindar.

Tũpa Ñehengagüer

¹ Iyavei Espíritu aipo ehi tuprɨ yandeu: coiye, arɨ cañɨ renonde, amove ava oyepepɨra Tũpa rese oyeroyasa sui yuvɨreco. Omboyeroyara espíritu oporombopa tẽi vahe, porombohesa Caruguar suindar avei.

1 Timoteo 4:1 Iomraidhean Croise

San Mateo 18:7

¡Iparaɨsu ko ɨvɨ pɨpendar che reroyasar omboangaipa uka va'e yuvɨreko! Oime rane itera, ¡paraɨsusa ava moangaipa uka tëisar upe kuri!

San Lucas 17:1

Jesús aipo e'i gwemimbo'e eta upe: “Ndapei katui chietera angaipa pɨpe pevɨapi e'ɨ̇ agwä; ¡iparaɨsura rumo ava moangaipa tëisar yuvɨreko!

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Los Hechos 13:2

Ñepëi arɨ opakatu Jesús reroyasar oñemonu'äse yande Yar mboetei agwä, oyekwaku avei, a'ese Espíritu Maräne'ɨ̇ aipo e'i chupe: “Peiporavo Bernabé iyavei Saulo, evokoi mbɨa aiporavo cheyeupe mboravɨkɨ apo agwä.”

Los Hechos 17:18

Evokoiyase oime amove mbɨa oyembo'e va'e epicúreo arakwasa rese iyavei mbɨa oyembo'e va'e estoicos arakwasa rese omboɨpɨ oyemomborandu sese yuvɨreko. Ñepëi ipa'ü pendar aipo e'i: –¿Mba'e rese pi'ä ko mbɨa oñe'ë iñe'ë paparai va'e oiko? Ambuae avei aipo e'i yuvɨreko: –Ndoyavɨi ko mbɨa oñe'ë va'e ambuae ava tüpä rese tëi. Aipo e'i yuvɨreko esepia Pablo omombe'u ite ñe'ësa avɨye va'e Jesús rekokwer resendar ikwerayevɨsa resendar avei.

Los Hechos 20:23

Ko gweraño che aikwa, opakatu tekwa che sosa rupi, Espíritu Maräne'ɨ̇ aipo e'i cheu che rokenda agwä iyavei che mombaraɨsu agwä yuvɨreko yepi.

Los Hechos 21:11

Ouse ore pa'üve vɨrokwa Pablo rumbɨkwasa ichui, ipɨpe oñapɨ̇chi opɨ opo avei, aipo e'i: –Espíritu Maräne'ɨ̇ aipo e'i Jerusalén ve na e'ira oñapɨ̇chi judío yuvɨrekoi va'e ko tumbɨkwasa yar, ipare omondora ava nda'ei va'e judío upe yuvɨreko.

Los Hechos 28:25

Iyavei opɨ'añemoñetasa nomboyoyaise yuvɨreko, omboɨpɨ yuvɨnosë. A'ese Pablo aipo e'i ava upe: –Supiete Isaías omombe'u Espíritu remimombe'u pe rekokwer resendar pe ramoi upe araka'e aipo e'i:

1 Corintios 10:20

Ko rumo, akoi ava ndoikwai va'e Tüpä oikwave'ë mba'e karugwar upe tëi yuvɨreko yepi, nda'ei rumo Tüpä upe narä egwë e'i yuvɨreko, che evokoiyase ndaipotai karugwar upe narä tëi egwë peye va'erä peiko.

1 Corintios 11:19

¡Iya ite revo peyemboya'opara pe pɨ'a ñemoñetasa sui, a'ese ikwasara uma sekoi Jesús reroyasar ite!

1 Corintios 12:11

Egwë e'i Espíritu ñepëiño ite gwemimbotar rupi omondo ñepëi-pëi yande Jesús reroyasar yaiko va'e upe ko mba'ekwasa.

1 Corintios 2:10

Tüpä rumo oikwa uka ite mba'e Espíritu pɨpe yandeu, esepia Espíritu oikwa tuprɨ ite opakatu mba'e ndikwasai va'e Tüpä suindar oiko.

2 Corintios 11:3

Che rumo asɨkɨye ko mba'e sui, inungar mboi ombopa Eva oporombopasa pɨpe, avɨyeteramo Karugwar pe mbopa aveira pe pɨ'a ñemoñetasa rerova agwä Cristo mboeteisa supiete va'e sui.

Colosenses 2:18

Peyapɨsakai rene ava ñe'ë katuprɨai porombopasa rese iyeruresa mbigwai ɨva pendar rese, iyavei osepia pota va'e mba'e ndayasepia va'e oyese yuvɨreko oyeeko mboɨvateai tëi va'e opɨ'a ñemoñetasa pɨpe yuvɨreko.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

2 Timoteo 4:4

Iyavei oyepepɨra ko mba'e supiete va'e sui, vɨroyara rumo opakatu ava remimombe'u tëi yuvɨreko.

Santiago 3:15

Esepia ko mba'ekwasa nda'ei ete Tüpä sui ou va'e, a'e mba'ekwasa rumo ko ɨvɨ pɨpendar tëi, ava pɨ'añemoñeta sui tëi osë va'e karugwar suindar tëi avei.

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

2 San Pedro 3:3

Peikwa ranera ko arɨ imombe'uprɨ ipa va'e vɨrovɨse: oimerä ava vɨroɨrö va'e ko tekokwer avɨye va'e Tüpä suindar gwemimbotarai pɨpe yuvɨreko,

1 San Juan 2:18

Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.

1 San Juan 4:6

Yande rumo Tüpä suindar yaiko. Akoi oikwa va'e Tüpä oyapɨsaka yande ñe'ë rese yuvɨreko, akoi nda'ei va'e Tüpä ra'ɨrɨ, a'e yande ñe'ë ndosendu potai yuvɨreko. Sese yande yaikwara vɨreko va'e Espíritu supiete va'e, yaikwa aveira vɨreko va'e espíritu oporombopa tëi va'e.

San Judas 1:18

aipo e'i chupe: “Kuri arɨ kañɨ renonde oimerä ava vɨroɨröai va'e, yuvɨrekoira gwemimbotarai gwembiapoai rupi.”

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 16:14

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Apocalipsis 18:2

Iyavei oñe'ë pirätä aipo e'i: “¡Ovɨapi, ovɨapi tekwa gwasu Babilonia! ¡Karugwar yuvɨroike sese, opakatu karugwar naporäi va'e rëtä sekoi, iyavei opakatu vɨräi vai nungar yuvɨroike sese iyavei ma'embiar oñaroäi va'e nungar sekoi!

Apocalipsis 18:23

Iyavei ñepëi yepe tataendɨ ndosesapei chietera ndeu, ndasendusai chiaveira ava aɨvu mendasa rupi. Esepia ni'ä ava mba'e mondosar seko pirätä eteprɨ va'e opakatu ɨvɨ pɨpe yuvɨreko iyavei erembopa-mbopa tëi opakatu ava ɨvɨ pɨpendar ndepayesa pɨpe eiko.”

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 2:11

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, a'e ndoiporarai chira imoñuvɨrïosa manosa oimese kuri.’ ”

Apocalipsis 2:17

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, semi'urä amondora ndasepiasai va'e maná iyavei amondora ita morochi va'e chupe, a'e ita rese ikwachiasara terer ipɨasu va'e, evokoi ava oipɨsɨ va'e gweraño oikwara.’ ”

Apocalipsis 2:29

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar yuvɨrekoi va'e upe!’ ”

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 20:8

ichui osëra opakatu ava ɨvɨ pɨpendar mbopa-mbopa tëi agwä oiko; osëra ɨvɨ Gog mbopa tëi agwä, ɨvɨ Magog mbopa tëi agwä avei, ipare omonu'ära vavasave narä isundao eta, esepia ni'ä a'e se'ɨi eteprɨ yuvɨreko inungar ɨvɨ ku'i paragwasu popɨ rupindar.

Apocalipsis 3:13

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”

Apocalipsis 3:22

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”

Apocalipsis 3:6

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”

Apocalipsis 9:20

Ava rumbɨrer rumo nomanopa vɨtei va'e ko mba'e tëi sui yuvɨreko, nosekuñaröi ete gwekokwerai yuvɨreko, ndopoi potai ete karugwar mboetei aisa sui, iyavei opakatu mba'e ra'anga tëi oro apoprɨ, gwarepochi, bronce, ita, anise ɨvɨra apoprɨ mboeteisa sui avei yuvɨreko, evokoi mba'e apoprɨ rumo ndosarekoi va'e, ndosendui va'e ite mba'e, ndogwatai va'e avei.