1 Timoteo 2:7 - Tüpä Ñe'ëngagwer

⁷ Sese che supiete Jesús ñe'ë mombe'usar, ikwaiprɨ aiko Tüpä ñe'ëngagwer mombe'u agwä, ava nda'ei va'e judío mbo'e agwä, ko yeroyasa rese iyavei supiete va'e rese; supiete ndopombopai.

Tũpa Ñehengagüer

⁷ Sese che supi eté apóstol, icuaiprɨ aico Tũpa Ñehengagüer mombehu ãgua, ava ndahei vahe judío mbohe ãgua, co yeroyasa rese iyavei supi eté vahe rese. Supi eté ndopombopai.

1 Timoteo 2:7 Iomraidhean Croise

San Juan 7:35

Evokoiyase judío eta omboɨpɨ oporandu-randu oyeupe yuvɨreko: –¿Ke pi'ä osora ko mbɨa ndayaikatui va'erä seka agwä viña? ¿Osora tie judío oñemosaï va'e pa'ü rupi oiko, iyavei nda'ei va'e ava judío mbo'e agwä pi'ä?

Los Hechos 14:27

Oyepotase Antioquía ve yuvɨraso, omonu'äpa opakatu Jesús reroyasar, ipare omombe'upa ite Tüpä oyapo va'e mba'e supi yuvɨreko, yande Yar avei omondo mba'e avɨye va'e ava nda'ei va'e judío upe, a'ese avei oikatura a'e seroya yuvɨreko.

Los Hechos 22:21

Yar rumo aipo e'i cheu: ‘Eso eiko, esepia oromondora tekwa amombrɨ va'esave.’ ”

Los Hechos 26:20

sese yɨpɨndar amombe'u ñe'ësa avɨye va'e Damasco pendar upe, ipare Jerusalén pendar upe avei opakatu ɨvɨ Judea rupi, koiye katu ava nda'ei va'e judío upe avei, oyevɨ va'erä Tüpä upe yuvɨreko, iyavei oyapo tuprɨ va'erä mba'e oñekuñarösa pɨpe yuvɨreko.

Los Hechos 9:15

Yande Yar rumo aipo e'i chupe: “Eso, esepia aiporavo evokoi mbɨa che rekokwer rese oñe'ë va'erä ambuae tekwa pendar upe, iyavei serekwar ɨvate katu yuvɨrekoi va'e upe, Israel pendar upe avei.

Romanos 1:9

Iyavei Tüpä oikwa pe rese arɨ rupi che yeruresa, chupe ite ni'ä mba'e ayapo opakatu che pɨ'a pɨpe, amombe'u Ta'ɨrɨ resendar ñe'ësa avɨye va'e vichiko,

Romanos 10:14

Evokoiyase ¿Marä e'ira pi'ä serer renoi viña, esepia ni'ä ndovɨroyai ete yuvɨreko? ¿Marä e'ira pi'ä seroya, esepia ndosendui ete ñe'ësa sesendar yuvɨreko? ¿Marä e'ira pi'ä sendukwa yuvɨreko, esepia ndipoi ete omombe'u va'erä ne'ësa avɨye va'e yuvɨreko chupe?

Romanos 11:13

Che amombe'u pota mba'e peü, pe nda'ei va'e judío peiko. Tüpä ni'ä che kwai oñe'ë mombe'u agwä nda'ei va'e judío upe, sese cheu avɨye ite ko che poravɨkɨsa.

Romanos 15:16

Jesucristo rese che poravɨkɨ agwä ava nda'ei va'e judío rekokwer avɨye agwä. Evokoiyase judío pa'i nungar che kwaisa pɨpe amombe'u ko ñe'ësa Tüpä ombou va'e pɨsɨrösa resendar yuvɨreko chupe imopore'ɨ̇ agwä Tüpä rovai inungar mba'e seropove'ëprɨ avɨye va'e Tüpä upe Espíritu Maräne'ɨ̇ pɨpe yepi.

Romanos 9:1

Che Cristo reroyasar che reko pɨpe supiete añe'ë, ndopombopai ete. Iyavei Espíritu Maräne'ɨ̇ oikwa ite, che pɨ'añemoñetasa arekose supiete va'e:

1 Corintios 9:1

Supiete che aikatu avei Jesús ñe'ë mombe'usar upendar mba'e pɨsɨ agwä viña, esepia che Jesús ñe'ë mombe'usar aiko. Supiete che asepia yande Yar Jesús iyavei che poravɨkɨsa pɨpe sui ni'ä peroya yande Yar peiko.

2 Corintios 11:31

Tüpä yande Yar Jesús Yesupa, a'e imboeteiprɨ sekoi apɨre'ɨ̇ va'e yepi, oikwa avei amombe'use ñe'ësa supi tuprɨ va'e yepi.

Gálatas 1:16

egwë e'i a'e oikwa uka Gwa'ɨrɨ cheu, che imombe'u agwä ko ñe'ësa Ta'ɨrɨ rekokwer resendar ava nda'ei va'e judío upe. Ndasoi rumo ava tëi upe ikwa agwä;

Gálatas 1:20

Tüpä oikwa ko mba'e aikwachia va'e peü, supi va'e ite.

Gálatas 2:16

Kurïtëi rumo yaikwa, ndipoi ete ava seko katuprɨ va'e Moisés porokwaita mboavɨyesa pɨpe Jesucristo rese yeroyasa pɨpe ñoite rumo yande reko katuprɨ. Sese yande avei yayeroya Jesucristo rese, a'ese Tüpä oikwara yande yeroyasa, avɨye yande yeroyasa upe nda'ei porokwaita reroyasa pɨpe. Esepia ndipoi chietera ñepëi ava seko katuprɨ va'e porokwaita mboavɨyesa pɨpe tëi.

Gálatas 2:9

Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

Gálatas 3:9

Evokoiyase Tüpä osovasara kurïtëindar oyese yeroyasareta, inungar Abraham araka'e.

2 Timoteo 1:11

Tüpä ni'ä che kwai ko ñe'ësa mombe'u agwä, che kwai avei Jesús ñe'ë mombe'usar che reko agwä, iyavei che porombo'e agwä.

2 San Pedro 2:5

Iyavei Tüpä niñeröi ete ava araka'endar ɨvɨ pɨpe yuvɨrekoi va'e upe, a'e ombou amarusu ava ndasekoporäi va'e mokañɨpa agwä, Noé gweraño rumo oipɨsɨrö, esepia a'e ava ombo'e seko ɨ̇vi tuprɨ agwä rese, ipɨpe sui avei oipɨsɨrö ambuae ava ñuvɨrïo ova yuvɨrekoi va'e.