1 Timoteo 2:11 - Tüpä Ñe'ëngagwer

¹¹ Iyavei kuña tosendu porombo'esa okiririsa pɨpe imboyeroyasave;

Tũpa Ñehengagüer

¹¹ Iyavei cuña tosendu porombohesa oquiririsa pɨpe imboyeroyasave.

1 Timoteo 2:11 Iomraidhean Croise

1 Corintios 11:3

Che rumo aikwa uka tuprɨ pota peü, Cristo ni'ä sekoi ñepëi-pëi kuimba'e kwaisar, kuimba'e evokoiyase gwembireko kwaisar sekoi. Egwë e'i avei Tüpä Gwa'ɨrɨ Cristo upe.

Colosenses 3:18

Iyavei pe kuña omenda va'e, pemboyeroyara pe mer, esepia ko ni'ä pe kwaita pe yande Yar rese peiko va'e.

1 Timoteo 2:10

Iyakatu rumo yuvɨrekoi tuprɨra gwembiapo avɨye va'e pɨpe, inungar akoi kuña omboetei pota va'e Tüpä yuvɨreko yepi.

Tito 2:5

oyapora mba'e avɨye va'e, ikatuprɨ va'e avei, tosärö tuprɨ omembrɨ sereko, toipotarai avei omer, evokoiyase ndipoichira oñe'ërai va'e Tüpä ñe'ëngagwer rese yuvɨreko.

1 San Pedro 3:1

Egwë peye aveira pe kuña omenda va'e, pemboyeroyara pe mer, esepia amove ndovɨroya vɨtei Tüpä ñe'ëngagwer yuvɨreko, pemboyekwase rumo pe reko tuprɨsa imboeteisa avei chupe, avɨyeteramo a'e avei vɨroyara, yepe ndapeñe'ëi chira chupe viña,