1 Timoteo 1:9 - Tüpä Ñe'ëngagwer

⁹ Yaikwa avei akoi porokwaita nda'ei ava avɨye va'e upe narä. A'e rumo ndiporeroyai va'e mboarakwa agwä, ndayarakwa potai va'e upe narä, angaipa viyar upe narä avei, opakatu mba'e-mba'e tëi aposar upe narä avei, nomboetei va'e Tüpä iyavei chupendar pɨ'a ñemoñetasa; akoi vu, osɨ oyuka va'e; opakatu ava oporapichi va'e upendar,

Tũpa Ñehengagüer

⁹ Yaicua avei acoi porocuaita ndahei ava avɨye vahe upe nara. Ahe rumo ndiporeroyai vahe mboaracua ãgua, ndayaracua potai vahe upe nara, angaipa viyar upe nara avei, iyavei opacatú mbahe-mbahe tẽi aposar upe nara, nomboetei vahe Tũpa iyavei chupendar pɨhañemoñetasa; acoi vu, osɨ oyuca vahe; opacatu ava oporapichi vahe upendar.

1 Timoteo 1:9 Iomraidhean Croise

San Mateo 10:21

“Ava omondora vɨvrɨ oamotare'ɨ̇sar upe yuka agwä, egwë e'i aveira ava gwa'ɨrɨ upe; ta'ɨrɨ avei oyamotare'ɨ̇ra oyesupa yuka uka agwä yuvɨreko che rekokwer rese.

Romanos 1:30

Iyavei ambuae ava rese oñe'ërai tëi yuvɨreko, a'e Tüpä amotare'ɨ̇sar yuvɨrekoi, vɨroɨrö avei ava, oyemboɨvateai, oyeekomboɨvateai tëi avei oñe'ë pɨpe yepi; oseka-seka tëi mba'e naporäi va'e gwembiaporä, nomboyeroyai avei oyesupa yuvɨreko,

Romanos 4:13

Esepia Tüpä aipo e'i Abraham upe, ichuindar upe avei peipɨsɨra opakatu ko ɨvɨ pe ma'erä, nda'ei porokwaita mboyeroya pɨpe egwë e'i chupe, oyese yeroyasa pɨpe sui ete egwë e'i sereko.

Romanos 5:20

Supiete porokwaita ouse araka'e a'ese angaipa yaposa katu ite; yepe egwë e'i viña Tüpä porovasasa rumo ɨvate katu ite ichui.

Romanos 6:14

Evokoiyase, pe angaipa ndaseko iri chietera pe rese, esepia ndapeikoi porokwaita pɨpe, pe rumo Tüpä porovasasa pɨpe peiko.

Gálatas 3:19

Evokoiyase ¿ma'erä pi'ä avɨye Moisés porokwaita? Esepia ava poreroya e'ɨ̇sa kwa agwä Tüpä ombou oporokwaita Moisés upe araka'e. Ko porokwaitavrɨve rumo ava yuvɨrekoi akoi oyepotase voi “Abraham suindar” Jesús Tüpä remimombe'ugwer rupi, yɨpɨndar rumo Tüpä oyokwai gwembigwai ɨva pendar oporokwaita mombe'u agwä Moisés upe araka'e tomombe'u evokoiyase Moisés che porokwaita opakatu ava upe oyapave.

Gálatas 5:18

Akoi Espíritu pe rerogwatase, a'ese nda'e iri chira Moisés porokwaita povrɨve tëi peiko.

Gálatas 5:21

Iyavei ambuae ava mba'e pota raisa rese ñemoɨrösa, savaɨposa, yembopieta tëisa iyavei ambuae mba'e ko nungar tuprɨ aposa. Peikwa katu, esepia evokoi nungar mba'e aposar ndoyuvɨroikei chietera Tüpä mborerekwasave kuri.

Gálatas 5:23

yayemominiñora iyavei yande rekorä rese yañearö tuprɨra. Evokoi nungar yayapose, ndipoi ete porokwaita pɨpe yande yeamotare'ɨ̇ agwä.

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

1 Timoteo 4:7

Ndereyapɨsakai chira rumo akoi mba'e araka'endar ko ɨvɨ pendar yapɨsaka tëisa rese. Eyembo'e katu yande Yar upeño ite nde reko agwä;

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

2 Timoteo 2:16

Eyepepɨ ñe'ësa naporäi va'e sui egwë e'i tëi va'e sui avei, esepia ko nungar ñe'ësa tëi ombouvicha katu mba'e naporäi va'e

2 Timoteo 3:2

A'ese ava a'e ae tëi oyeaɨsura yuvɨreko, gwarepochi tëi oipotaraira, oyemboɨvateaira oyemboeteiai tëi aveira. Oñe'ë raira Tüpä rese yamotare'ɨ̇save, nomboyeroyai chira oyesupa yuvɨreko, seta avei avɨye ndeu nde'i va'e ava upe, iyavei nomboetei chira Tüpä rese pɨ'a ñemoñetasa yuvɨreko.

Tito 1:10

Esepia oime seta nimba'e reroyai va'e, ko vɨreko va'e pɨ'añemoñetasa judío yuvɨreko, a'e omondo-mondo tëi va'e oñe'ë ombopa tëi va'e avei ava yuvɨreko.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

Tito 1:6

Ñepëi ava kwakwa otɨ̇arö va'e vɨrasora gwekokwer mba'e avɨye va'e rupi. Ñepëiño ite sekoira imer gwembireko rese, ta'ɨrɨ avei yuvɨrekoira mba'e avɨye va'e rupi anichira yuvɨrekoira mba'e-mba'e tëi pɨpe tiporeroya avei yuvɨreko.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Hebreos 11:31

Tüpä rese oyeroya pɨpe avei Rahab, oyemondo-mondo tëi va'ekwer, nomanoi ete ambuae ava mba'e-mba'e tëi va'e rupi, esepia a'e oipɨsɨ tuprɨño gwëtäve Israel pendar Jericó ɨvɨ repiasar.

Hebreos 12:16

Tipo eme katu pe pa'ü pendar oyemboagwasa tëi va'e, tipo eme avei ava Tüpä upendar mba'e vɨroɨrö va'e pe pa'üve inungar Esaú araka'e, a'e omondo Tüpä porovasasa oyeupendar ta'ɨrɨ ɨpɨ gwekosa resendar mimoi repɨrä tëi vɨvrɨ upe.

1 San Pedro 2:7

Pe seroyasar peiko va'e upe evokoi ita avɨye va'e ite; seroyasare'ɨ̇ upe rumo imboavɨyesa ko Ikwachiaprɨ aipo e'i va'e: “Oɨ aposar rumo vɨroɨröño ko ita yuvɨreko, a'e ita rumo oyeapo vɨräkwäsa avɨye katu va'e.”

1 San Pedro 3:20

a'e ava Noé rekosendar ndiporeroyai va'e yuvɨreko araka'e. Tüpä osärö gweko mbegwesa pɨpe sekokwer moigätu agwä viña Noé oyapo vɨteseve ɨarusu oiko, a'e ipɨpe oñepɨsɨrö mbosapɨ ova tëi yuvɨreko amarusu sui.

1 San Pedro 4:18

Supiete yavai ete seko katuprɨ va'e ñepɨsɨrö agwä, ¿marä e'ira pi'ä evokoiyase ava ndasekoporäi va'e angaipa viyar yuvɨrekoi va'e upe?

San Judas 1:15

opakatu ava rekoa'ä agwä iyavei ikañɨ mombe'u agwä opakatu mba'e-mba'e tëi aposar upe opakatu oñe'ë-ñe'ë tëi yamotare'ɨ̇save yuvɨrekoi va'e upe avei.”

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”