1 Timoteo 1:7 - Tüpä Ñe'ëngagwer

⁷ Porombo'esar yuvɨrekoi pota tëi Tüpä porokwaita rese, ndosendukwai rumo oporombo'esa yuvɨreko, supi tuprɨ revo yaporombo'e e'i tëi yuvɨreko viña.

Tũpa Ñehengagüer

⁷ Oporombohe pota tẽi Tũpa porocuaita rese; ndosenducuai rumo oporombohesa yuvɨreco, “Supi tuprɨ revo yaporombohe” ehi tẽi yuvɨreco viña.

1 Timoteo 1:7 Iomraidhean Croise

San Mateo 15:14

Egwë te'iño yuvɨreko, esepia evokoi ndasesapɨsoi va'e vɨrogwata ambuae ava ndasesapɨsoi va'e. Iyavei ñepëi ndasesapɨsoi va'e vɨrogwatase ambuae, ñuvɨrïo voi ovɨapira ɨvɨkwar pɨpe yuvɨraso.

San Mateo 21:27

Aipo e'i imboyevɨ yuvɨreko Jesús upe: –Ndoroikwai ete. Evokoiyase Jesús omboyevɨ chupe: –Evokoiyase che avei a'e iporokwaita pɨpe ko mba'e ayapo nda'ei chietera peü.

San Lucas 2:46

Imombosapɨsa arɨ pɨpe oyosɨ ramo tüpäro pɨpe yuvɨreko, a'eve ogwapɨ ava Moisés porokwaita rese oporombo'e va'e pa'üve öi, oyapɨsaka iñe'ë rese iyavei oporandu-randu mba'e rese yuvɨreko chupe.

Los Hechos 15:1

A'e arɨ rupi araka'e, oime yuvɨraso va'e Judea sui Antioquía ve a'eve omboɨpɨ Jesús reroyasar mbo'e yuvɨreko pe ndape ñepɨsɨröi chietera ndapeye mbocircuncidaise, aipo e'i ete Moisés rembikwachiagwer pɨpe araka'e.

Romanos 1:22

Yepe ore mba'ekwa vai e'i tëi viña, ndoikwai ete rumo mba'e ipɨpe yuvɨreko;

Gálatas 3:2

Aipota pemboyevɨ che porandusa cheu ¿Moisés porokwaita mboyeroya pɨpe pi'ä peipɨsɨ Espíritu Tüpä suindar, anise ko ñe'ësa pesendu va'ekwer reroya pɨpe tie?

Gálatas 3:5

Akoi Tüpä omondose Espíritu peü iyavei oyapo va'e mba'e poromondɨisa pe pa'üve, ¿ma'erä pi'ä oyapo? Esepia ko ñe'ësa pesendu va'e peroya ite, sese egwë e'i peü nda'ei Moisés porokwaita tëi reroya pɨpe.

Gálatas 4:21

Pe mombe'u mba'e cheu, peiko pota va'e Moisés porokwaita povrɨve: ¿Ndapesendukwai vo porokwaita pɨpe aipo e'i va'e?

1 Timoteo 6:4

egwë e'i va'e oyemboɨvateai tëi mba'e rendukwa e'ɨ̇save. Iyavei oporandu-randu tëi ñe'ësa rese sekoa'ä agwä inungar imba'easɨ va'e; ichui osë mba'e pota raisa, ñemoɨrösa, ñe'ë-ñe'ë tëisa, yemboyeroya e'ɨ̇sa

2 Timoteo 3:7

yepe oyapɨsaka tuprɨ tëira ñe'ësa rese yuvɨreko viña, ndosupitɨi ete rumo ko porombo'esa supiete va'e rendukwa agwä yuvɨreko.

Santiago 3:1

Che rɨvrɨ eta, anichira pe pa'üve oime seta iteanga oporombo'e va'e yuvɨreko, esepia peikwa ni'ä yande oporombo'e va'e yaikose, Tüpä oporandu itera ambuae ava sui yande porombo'e agwer rese yandeu kuri.

2 San Pedro 2:12

Evokoi ava yuvɨrekoi mba'e mɨmba nungar tëiete: ndovɨrekoi avei pɨ'a ñemoñetasa oyese avɨye va'e yuvɨreko, evokoi nungar yuvɨro'a yukapɨrä tëiete. A'e oñe'ërai tëi va'e mba'e gwemiendukwae'ɨ̇ rese, mba'e mɨmba nungar tuprɨ avei rumo omanora yuvɨreko gwekokwerai pɨpe,