1 Timoteo 1:5 - Tüpä Ñe'ëngagwer

⁵ Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

Tũpa Ñehengagüer

⁵ Sese co amondo porocuaita ndeu yande yeaɨsu ãgua yande pɨhañemoñeta catuprɨsa pɨpe, yande reco yapɨsaca tuprɨsave, iyavei yande yeroyasa supi eté vahe pɨpe.

1 Timoteo 1:5 Iomraidhean Croise

San Mateo 12:35

Ava avɨye va'e omombe'u mba'e avɨye va'e avei, ava naporäi va'e omombe'u mba'e naporäi va'e avei, esepia mba'e naporäi va'e sese ite sekoi.

San Mateo 5:8

Sorɨvete katura akoi ava ipɨ'a ñemoñeta tuprɨ va'e, esepia ni'ä a'e osepiara Tüpä yuvɨreko kuri.

Los Hechos 15:9

Tüpä rumo nomboyoavɨi ete yande raɨsu oiko, esepia omoatɨrö ipɨ'a ñemoñetarai sui oyese yeroyasa pɨpe.

Los Hechos 23:1

A'eve Pablo oma'egätu ava Oñemonu'ä va'e rese o'ä aipo e'i ava upe: –Che mu, che rembiapo mba'e tuprɨ Tüpä rovake areko yepi che pɨ'añemoñeta tuprɨsa pɨpe.

Los Hechos 24:16

Sese che pɨ'añemoñetasa areko mba'e tuprɨ pɨpe yepi Tüpä rovai ava rovake avei.

Romanos 10:4

Esepia Cristo rekokwer pɨpe imboavɨyesa tuprɨ porokwaita, ipɨpe sui opakatu vɨreko va'e yeroyasa a'e seko katuprɨra yuvɨreko.

Romanos 12:9

Iyavei peyeaɨsu tuprɨra peiko. Ndapesepiai chira rumo mba'e naporäi va'e iya rumo peikora mba'e avɨye va'e pɨpe.

Romanos 14:15

Iyavei kurïtëi, akoi ere'u va'e mba'e nde mboetasa rovai a'e evokoiyase sekoira poreroɨrösa pɨpe, a'ese nde rekokwer ndaseko iri chira mba'e avɨye va'e pɨpe. ¡Ko mba'e ere'u va'e sui tokañɨ tëi eme yuvɨreko esepia Cristo omano ite sepɨrä!

Romanos 9:1

Che Cristo reroyasar che reko pɨpe supiete añe'ë, ndopombopai ete. Iyavei Espíritu Maräne'ɨ̇ oikwa ite, che pɨ'añemoñetasa arekose supiete va'e:

1 Corintios 13:1

Yepe añe'ëño tëise ambuae ava ñe'ë ndaikwai va'e pɨpe, Tüpä rembigwai ñe'ë pɨpe avei viña, ndasaɨsuise rumo ava ipɨpe, che evokoiyase egwë a'e tuprɨ tëi inungar mba'e gwarepochi apoprɨ sɨapu iteanga va'e, iyavei inungar akoi platillo sɨapurai va'e, egwë a'e tëi vichiko.

2 Corintios 1:12

Oime mba'e ore mbovɨ'arete va'e, ore pɨ'a pɨpe oroikwa tuprɨ Tüpä suindar ore reko katuprɨsa pɨpe, ore pɨ'añemoñeta tuprɨsa pɨpe avei ko ɨvɨ pɨpendar ava rembiepiave, pe rembiepiave avei ete. Tüpä porovasasa pɨpe ni'ä egwë oro'e, nda'ei ava ko ɨvɨ pɨpendar mba'ekwasa pɨpe tëi.

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

1 Timoteo 1:18

Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

1 Timoteo 3:9

Iyakatu rumo, porombo'esa supiete va'e rese oyemboya katura opɨ'añemoñeta katuprɨsa pɨpe yuvɨreko.

2 Timoteo 1:3

Che yerure pa'üve chema'endu'a nde rese pɨ̇tü iyavei arɨ yakatu rupi, avɨye ndeu a'e Tüpä upe nde rekokwer rese, che aporavɨkɨ tuprɨ ite Tüpä rese che pɨ'añemoñeta tuprɨsa pɨpe yepi, inungar che ramoi eta oyapo yuvɨreko araka'e.

2 Timoteo 1:5

Supiete chema'endu'año nde Tüpä reroyasa supiete erereko va'e rese. Iyavei nde yari Loida, nde sɨ Eunice, a'e ni'ä yɨpɨndar egwë e'i yuvɨreko. Evokoiyase ayeroyaño nde rese, nde avei egwë erese.

2 Timoteo 2:22

Eyepepɨ mbɨa chi'ïvä'e pɨ'añemoñeta raisa sui, emo'ɨ̇vi tuprɨño nde rekokwer sereko. Eyeroyaño Tüpä rese, esaɨsu katu avei ava eiko nde reko tuprɨ pɨpe, inungar yande Yar reroyasar oyapo opɨ'añemoñeta tuprɨsa pɨpe yuvɨreko.

Tito 1:15

Akoi ndaseko maräi va'e upe opakatu mba'e nimaräi; ndiporeroyai va'e ipɨ'a ñemoñeta rai tëi va'e upe rumo, ndipoi ete mba'e avɨye va'e, esepia ipɨ'a ñemoñeta yarakwasa avei naporäi ete.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 13:18

Peyerure Tüpä upe ore rese, supiete ore oroyandu mba'e avɨye va'e oroyapo ore pɨ'añemoñeta pɨpe yepi, esepia oroyapo pota mba'e avɨye va'e opakatu mba'e rese ava rembiepiave.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

Santiago 4:8

Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 3:16

egwë peyera rumo pe reko mbegwesa pɨpe imboeteisave. Peiko tuprɨra pe pɨ'añemoñetasa tuprɨ pɨpe, akoi oñe'ërai va'e pe Cristo reroyasa rekokwer rese, a'e yuvinochirä oñe'ë sui kuri.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

1 San Pedro 4:8

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

2 San Pedro 1:7

ipare peyeaɨsura peyeɨvrɨ nungar pe rekosa pɨpe; peseka katu aveira ava raɨsu tuprɨ agwä.

1 San Juan 3:10

Ikwaprɨ ite Tüpä ra'ɨrɨ, ikwaprɨ avei karugwar ra'ɨrɨ yuvɨrekoi va'e, esepia akoi ndoyapoi va'e mba'e tuprɨ iyavei ndosaɨsui va'e Tüpä reroyasar, a'e nda'ei ete Tüpä ra'ɨrɨ yuvɨrekoi.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 3:3

Iyavei opakatu osärö va'e Jesucristo yuvɨreko, oyepepɨño ite opakatu angaipa sui gweko katuprɨ agwä inungar a'e sekoi.