1 Timoteo 1:18 - Tüpä Ñe'ëngagwer

^18-19 Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

Tũpa Ñehengagüer

^18-19 Che rahɨr Timoteo, co amondo nde cuaitarã ndeu nde reco movɨracua ãgua mbahe tẽi recopɨ ãgua Cristo rese nde yeroyasa pɨpe nde pɨhañemoñeta catuprɨsa pɨpe avei. Supi tuprɨ cuese Tũpa reroyasar oñehe yuvɨreco nde rese serer pɨpe. Amove ava opɨhañemoñeta tuprɨ reroyaẽhɨsave, omocañɨ uca Tũpa rese oyeroyasa

1 Timoteo 1:18 Iomraidhean Croise

Los Hechos 16:1

Pablo oyepota oso Derbe ve, Listra ve avei, a'eve osepia ñepëi mbɨa Jesús reroyasar Timoteo serer va'e, ñepëi kuña Jesús reroyasar judía membrɨ iyesupa evokoiyase griego.

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

1 Corintios 9:7

¿Uma sundao pi'ä omboepɨra oporavɨkɨ pɨpe tëi gwekove agwä viña? ¿Uma uvatɨ̇sar pi'ä, ndo'ui chira gwemitɨ̇ uva viña? ¿Uma ovesa rärösar pi'ä ndoɨ'ui chira ikambɨ omo'ëse viña?

Filipenses 2:22

Pe ni'ä peikwa Timoteo reko tuprɨsa opakatu upe, iyavei che pɨtɨ̇vɨï Tüpä ñe'ëngagwer mombe'u agwä, inungar chi'ïvä'e oipɨtɨ̇vɨï oyesupa, egwë e'i che pɨtɨ̇vɨï oiko.

1 Timoteo 1:2

amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 Timoteo 4:14

Nderepoi chira Tüpä ndeu mba'ekwasa ombou va'e sui, esepia ava Jesús reroyasar rärösar upe Tüpä omombe'use nde kwaitarä, omondo opo nde arɨve yuvɨreko.

1 Timoteo 4:4

Esepia opakatu mba'e Tüpä rembiapo avɨye ite, a'e ndiyai chira yaroɨrö yaipɨsɨse; avɨye ndeu yande'esa pɨpe Tüpä upe,

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

2 Timoteo 1:2

amondo che avɨravesa ko kwachiar ndeu, che rembiaɨsu che ra'ɨrɨ nungar Timoteo. Yande Ru Tüpä iyavei yande Yar Cristo Jesús tombou oporovasasa, oporoparaɨsuerekosa nde reko tuprɨ agwä ndeu.

2 Timoteo 4:7

Ayapopa che rekoete pɨpe che poravɨkɨsa avɨye va'e che amotare'ɨ̇mbar pa'üve, amboavɨye che kwaita, ndayepepɨi ete che yeroyasa sui.

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Filemón 1:10

aporandu pota mba'e avɨye va'e rese ndeu Onésimo upe narä, esepia a'e inungar che ra'ɨrɨ ite sekoi iyavei che amombe'u chupe ñe'ësa avɨye va'e ko'ave che rokendasave.